Hvar er Lögreglan ?

Furðulegt að svona glæp skuli virkilega þurfa að kæra til lögreglu en auðvitað á Lögreglan sjálf þegar að hefja rannsókn á svona alvarlegum glæp gagnvart fólki og náttúru. Auðvitað á svipta þetta fyrirtæki

rekstrar og starfsleyfi með það sama enda brotið fullframið.

Saurmengað vatn á Þingvöllum

Taki við Ríkissjóði.

Hér er kominn kandídat í ríkisstjórnina og ég er viss um að hann gæti rekið hann í þrot á skemmri tíma en Steingrímur er að gera. Svo ber hann ekki ábyrgð á neinu, frábært.

Trúnaður myndaðist aldrei

Af bæjarbeitinni.

Hjörleifur Kvaran virðist í dag vera í fyrsta sinn á ævinni kominn út á vinnumarkaðinn eftir að hafa verið á beit í bæjar og ríkissjóði alla sína starfsævi. Fær því miður örugglega ævitekjur verkamanns í starfslokagreiðslur. Reykvíkingar sitja hinsvegar uppi með dýrasta rafmagn í Evrópu og greiða fyrir starfslokinn með 30% hærra rafmagni. Sanniði þið til, hann  verður ekki lengi án '' vinnu'' því Nómenklatúrann sér um sína. Hann verður örugglega orðinn ráðgjafi hjá samtökum hreppsnefnda eða Samorku fyrir áramót. Þá sitja ráðgjafar hans og skósveinar áfram í hundraða tali með milljón kall á mánuði hjá OR. Þeir eiga áfram um sinn eftir að bjóða honum í gufubaðið, á veitingastaðina eða í líkamsræktina en allt er þetta í boði handa meðlimum Nómenklatúrunnar í húsi því sem kallast Höfuðstöðvar OR. Allt er það auðvitað gert til að geta fært kostnaðinn við einkaneysluna á Reykvíkinga í hærri sköttum og hæsta rafmagni í heimi.

P.s. Hjörleifur var áður aðstoðarforstjóri ráðinn af þáverandi '' eiganda'' Guðmundi.

Ekki upplýst um kostnað við starfslok

Þessi frétt var tímabundið tekin út en er komin aftur.

Þessi frétt um starfslok Hjörleifs voru tímabundið tekin út í korter en er nú komin aftur. Þá meðan stóð bara myndin en fréttin um heyrnarskemmd bandarískra unglinga komin í staðinn. Valdabarátta greinilega í gangi á ritstjórn Mbl. en Davíð að lokum samþykkt endurbirtingu. Þá var kominn frétt um kostnaðinn með nýrri frétt.

Auðvitað er rétt að greina frá kostnaðinum við hana en þá er aðeins nefndur launakostnaðurinn einn sem er auðvitað yfirgengilegur en bara brotabrot af kostnaðinum við allt þetta yfirgengilega rekstarflipp sem verið hefur í gangi hjá OR , allt frá dekadent rekstrarkostnaði yfir í Hellisheiðarvirkjun sem engin hefur vitað neitt um.Hvorki um afhverju  virkjunin var reist né  fyrir hvað. Þá er listinn yfir óhæfa stjórnendur legío ekki bara hjá OR heldur líka hjá Borginni. Raðirnar af fólki sem bara hefur haft það huggulegt en ekkert ráðið við verkefnin. Birgir Björn, Stefán Hermannsson, Mannauðsstjórinn '' too name a few'' og allt hefur þetta stand  þessa fólks kostað reksturinn mikla peninga og borgarana mikil lísgæði. Síðast en ekki síst þá hafa borgararnir engin tök haft á að reka þetta fólk því það er aldrei í kjöri. Eina aðgengi kjósenda og borgara að þessu fólki og ákvörðunum þess er í gegnum Umboðsmann Alþingis en því miður getur almenningur ekki leitað til hans fyrr en brotið hefur verið á honum hjá Borginni.

Er ekki komin tími til að leggja sveitarfélögin niður eða kjósa hreinlega alla helstu embættismenn borgarinnar. Ég hallast þó að fyrri kostinum.

Helgi Þór forstjóri OR

Bara Hjörleifur ?

Það er með ólíkindum ef bara á að reka Hjörleif einan til að slá ryki í augu almennings. Þarna eru á annað hundrað menn bara í því að stunda bílífi í stóru huggulegu húsi upp á Höfða. Frásagnirnar um lífið þarna hljóma eins og frásagnir af bílífi Sjáseskús í Rúmeníu; veitingahús, gufuböð, utanlandsferðir, líkamsræktarstöð svo að Nómenklatúran þurfi aldrei að fara úr húsi.

Þarna þarf að reka á annað hundrað menn ef vel á að vera. Orkuveituskrifstofan getur öll rúmast í litlu 700 fermetra húsi í Skeifunni

Tillaga um að Hjörleifur víki

Húsverðir með milljón á mánuði ?

Forystumenn í hinni ónýtu stjórnsýslu Íslands á hinu óþarfa hreppastigi hafa samkvæmt þessu að jafnaði þúsund kall á hvern íbúa á mánuði. Sveitarstjórar almennt hafa ekki hundsvit á rekstri og eru jafnan fá ár að keyra sveitarfélagið í kaf. Flestir á þessum lista eiga þá sögu sameiginlega nema þeir séu rétt nýbyrjaðir í starfi. Gjarnan er ráðgjafafyrirtæki fengið til að fronta ráðninguna og gerir það gegn greiðslu og þannig lítur út eins og ráðningin sé '' fagleg''.

Ekkert myndi gerast þó enginn bæjarstjóri væri í þessum sveitarfélögum, ekkert myndi heldur gerast þó engar bæjarskrifstofur væru nema kannski mikill sparnaður í rekstri hreppanna.

Íslendingar verða að fara að taka sig á og leggja niður þessa úreltu stjórnsýslu sem sveitarfélögin eru.

Með svipuð laun og borgarstjórinn

Þrátt fyrir fjallabaksleið ?

Auðvitað viljum við alvörusamkeppni á flugleiðum til Íslands. Iceland Express hefur á stundum veitt Icelandair samkeppni en alltof sjaldan og því miður virðast samantekin ráð um verð á flugi hingað og held að Icelandexpress sé betra gagnvart útlendingum á útlendum mörkuðum en Íslendingum. Samt velja menn Iceland Express til að viðhalda lágmarkssamkeppni því allir vita hvernig færi ef aðeins einn aðili væri að fljúga til Íslands. Þrátt fyrir að þeir bjóði oft fjallabaksleið þá er aukning í flutningum.

Farþegum Iceland Express fjölgar um 35%

Þurfa hjálp

Það er greinilegt að meðlimir velferðarráðs þurfa hjálp frá vinabæjum Reykjavíkur til að átta sig á hlutverki sínu. Grundvöllur sveitarfélaga er framfærsluskylda og nú síðast rekstur skóla. Samt fer ekki nema brotabrot af skatttekjunum í þessa málaflokka. Þeir eru þó grundvöllur skattheimtunnar. Í fréttinni kemur fram að Björk benti á að hlutverk Reykjavíkurborgar væri að veita heimilislausu fólki húsnæði. Það er greinilega staðfest að Velferðarráð veit ekkert hverjar skyldur þess eru. Þá hefur Björk þessi sagt í viðtölum að  Reykjavíkurborg komi ekki við þó fólk lendi í vandræðum með framfærslu þegar Velferðarráð og velferðarsvið eru í sumarfríi.

Þá telur hún enga þörf á að rannsaka fjárhagsstöðu og fjölda heimilislausra nú því það hafi verið '' gert í fyrra '' ??  

Það er auðvitað ansi aumt að Reykjavíkurborg búi við enn eitt Vanhæfisráðið og ætti raunar Félagsmálaráðuneytið að setja eftirlitsmann með starfsemi Velferðarráðs og sjái til þess að það fari að lögum og sinni  skyldum sínum skv. lögum um sveitarfélög.

Úttekt á smáhýsum fyrir heimilislausa

Sérmeðferð fyrir bankastarfsmenn sem keyra banka í þrot.

Kostulegt að sjá að '' lykilstarfsmennirnir'' sem keyrðu bankann í gjaldþrot skuli samt halda vinnunni og nú við að innheimta lánin sem ekki hafa tapast. Brennuvargarnir hafa líka fengið tak-markað ''banka'' leyfi til að hreinsa til í rústunum enda hafa þeir mesta '' þekkingu'' á hvar þeir kveiktu í og með hverju. Þetta er auðvitað íslenska aðferðin sem Haardeman, Ingibjörg og Steingrímur fundu upp.

Ég hef enga trú á að þetta fyrirtæki fái nokkur verkefni frá bönkum nema Glitnisrústunum. Allt er þetta örugglega gert framhjá kröfuhöfum í Glitni en starfsmenn Reviva eiga örugglega eftir að sjá til þess að

allar eignir þrotabúsins hverfi í þjónustu og innheimtugjöld til Revia. Það ætlar þeir greinilega að gera á næstu fimm árum.

Glitnir í Lúxemborg stofnar umsýslufélag

Inspired by Iceland ekki með tærnar þar sem..

stjörnufögn eru með hælana. Sjöhundruð milljónir fékk Einar Karl í heimanmund og lét m.a. gera nokkur myndbönd. Þessi myndbönd voru ágæt og eiga örugglega eftir að lifa. Stjörnufögnuðurinn náði hinsvegar  5 milljón manna áhorfi á örfáum dögum í gegnum Youtube sem er miklu meira en Inspired by Iceland fékk.

Það má því segja að fagnaður Stjörnumanna hafi orðið miklu meiri landkynning en nokkurn tímann Inspired by Iceland. Sýnir kannski líka að það er óráð að eyða 700 milljónum í desperasjón.

Stjörnufögn vekja enn athygli