Allt löglegt.

Þar höfum við það. Þetta var allt saman löglegt af því það var ekkert eftirlit ? Íslenska '' ákvæðið'' lifandi komið.

FME skoðaði aldrei gengislánin

Að berja á helvítis borgurunum.

Lífið hjá Steingrími í ríkisstjórn hefur verið eins og í ævintýri. Á hverjum degi hefur hann náð að puða við að gera eitthvað vitlaust. Allt sem hann hefur gert hefur hann gert fyrir ást sína á AGS og bönkunum.

Bróðir hans sauðfjárbóndinn hefur ekki fengið viðlíka niðurgreiðslur og Grímur hefur fært bönkunum né

aðra eins þjónustu. Séu bankarnir í vandræðum þá er alltaf Steingrímur mættur til að redda þeim. Sé einhver hætta á að Dómstólar dæmi eftir lögunum og í hag borgaralegra réttinda þá er Steingrímur alltaf mættur, með veski almennings til að berja á borgurunum. Er ekki kominn tími til að hætta ?

„Já það tókst“

Aumingja bankarnir

Þetta ber auðvitað vott um kristilegt hugarfar að hafa áhyggjur af okkar minnstu bræðrum sem eru auðvitað bankarnir. Í meira en 3 áratugi hafa þeir fengið að okra á Íslendingum. Ríkisstyrkir til bankana hafa verið miklu meiri en landbúnaðurinn hefur getað látið sig dreyma um nokkurn tímann.

Bankar eru ekkert merkileg fyrirtæki og það er ekkert öðruvísi við þá en hverja aðra vörusala. Vandi Íslands er fyrst og fremst Íslenskir bankar og það sem Ísland þarf að losna við eru Íslenskir bankar en með þá áfram á fótum verður enginn friður og ekkert efnahagslíf því Ísland hefur ekki efni á Íslenskum bönkum. Þeir eru alltof dýrir og alltof illa reknir ,því er mjög mikilvægt að leyfa þeim að fara á hausinn og auðvitað á Seðlabankinn að fara á hausinn líka. Fyr kemst Ísland ekki á fætur.

AGS hefur áhyggjur af bönkunum

Lögreglan hlýtur að loka Byr á mánudag.

Lögreglan lokaði Draumnum hjá Júlíusi Þorbergssyni í síðustu viku. Hún hlýtur því að loka Byr á mánudag enda hlýtur þetta að verða fullframið auðgunarbrot um leið og greiðsluseðlarnir fara út. Ekki er að vænta annars en að Byr fái sömu meðferð og söluturninn Draumurinn.

Byr sendir óbreytta greiðsluseðla

Greiningardeild Landsbankans búinn að semja ræðuna ?

Gylfi Magnússon hinn vanhæfi viðskiptaráðherra er sjálfsagt nú um stundir að æfa ræðuna sem greiningardeild Landsbankans er að klára að semja svo hann komi sjónarmiðum bankanna rétt til skila klukkan 13.

Hann er strax byrjaður sjálfur að blaðra við Bloomberg en fylgist ekki betur með en svo að bankarnir sjálfir taka ekki eins djúpt í árina og '' banka'' ráðherrann og greiningardeild Landsbanka.

 

Gæti kostað kröfuhafa hundruð milljarða

Klagar en kannast svo ekki við að hafa klagað.

Ásta Alþingis Forseti klagaði til lögreglu þegar mágkona  hins lifandi dauða saksóknara taldi að hún tilheyrði fína fólkinu. Saksóknarinn útbjó ákæru eftir pöntun. Svo uppgötvaði hann vanhæfi sitt og felldi málið niður. Dómsmálaráðherrann skipaði þá fyrrverandi þingmann til að ákæra fólkið, sú er ekki enn búin að uppgötva vanhæfi sitt og heimtar bætur fyrir mágkonu fyrri saksóknara í málinu.

Nú kannast Ásta Alþingis ekki við að hafa gert neitt, ekki hringt í lögreglu eða saksóknara. Viðbrögðin eru því miður dæmigerð fyrir íslenska stjórnsýslu og ferill málsins allur. Forseti gerir eitt en meinar annað.

„Við viljum öll vera ákærð“

Niðurgreiðslur óþarfar ?

Nafnvirði segir í fréttinni ? Bankinn reiknar því með að geta haft opið áfram. Nú er þetta að vísu bara fréttatilkynning frá bankanum sem er í eigu áhættusækinna vogunarsjóða. Enginn hefur að vísu séð hina eiginlegu útreikninga sem tilkynning bankans byggir á.

Að vísu er ljóst að vextir á Íslandi hafa verið og eru tuttugufalt hærri en vextir í Evrópu. Ef bankar í Evrópu geta rekið sig á tuttugufalt lægri vöxtum en íslenskir þá hlýtur mikið að þurfa að ganga á áður en íslenskir ofverndaðir bankar fara á hausinn.

Eins og sakir standa er auðvitað engin eiginleg bankastarfsemi undir nafni Íslandsbanka. Aðeins gírug innheimtustarfsemi og svo peningamóttaka fyrir lífeyrissjóði launamanna. Þá peninga keyrir svo bankinn beint í Seðlabankann sem greiðir góða leigu skilyrðislaust. Í því leigugjaldi felast stórar niðurgreiðslur til bankans með almannafé.

Viðskipta''vinir'' Íslandsbanka hljóta að sækja skaðabætur til bankans og gott fyrir þá að vita að bankinn lafir enn. Hallast þó að því að tilkynningin sé send út til að koma í veg fyrir áhlaup á bankann.

Íslandsbanki mun áfram uppfylla eiginfjárkröfu

Getur ekki verið.

Fógetinn í Notthingham er greinilega alveg andlaus og hugmyndalaus. Sér ekkert nema hagsmuni kröfuhafa gömlu bankanna. Bankarnir eru í eigu kröfuhafa nema Landsbankinn. Því er ekki að sjá að Ríkisvaldið þurfa að setja peninga inn í bankana.

Þá eru það einnig röng skilaboð  að verðlauna glæpagengi með feitum ríkisstyrk. Þessir bankar verða bara að hagræða og hljóta að geta lifað eins og bankar í menningarlöndum með 3% leigutekjur. Ef þeir geta það ekki þá er engin þörf fyrir þá hér. Nú um stundir eru þeir hvort eð er ekki að gera neitt nema taka á móti peningum frá Lífeyrissjóðunum sem svo eru keyrðir beint niður í Seðlabankann. Geymdir þar með gömlum Neistum og öðrum pappír en Seðlabankinn greiðir þeim svo ríflega leigu fyrir.

Það er hvergi í Evrópu í boði að fá meiri ávöxtun en þetta ef Íslenskir sparifjáreigendur ( lífeyrissjóðir skuldaranna ) þurfa meiri ávöxtun þá er það bara óskhyggja því hún fæst hvergi nú um stundir. 

Íslenskt þjóðfélag stendur heldur ekki undir 2000% hærra leigugjaldi fyrir peninga heldur en Evrópubúar eru að greiða. Hvaða verðmætasköpun hér stendur undir því ? ekki rekstur bankanna, svo mikið er víst. Hvers vegna halda þeir að önnur fyrirtæki og heimilin geti það ef þeir geta það ekki einu sinni sjálfir ?

Fógetinn segir hinsvegar líka að bankarnir geti ekki greitt til baka oftekna vexti með 9 og 12% vöxtum. Samt er það ekki nema brot af þeim vöxtum sem almenningi og smærri fyrirtækjum er gert að greiða.

Lang mikilvægast fyrir íslenskan almenning og íslensk fyrirtæki er að losna við Íslenska banka enda eru þeir miklu meiri byrði á  skattborgurunum og heimilum heldur en landbúnaðurinn nokkurntíma.

 

Almenningur fengi reikninginn

Íslenskt efnahags''líf'' vinnur ekki fyrir svona háum vöxtum.

Peningar skapa ekki hamingjuna kvað þjóðskáldið í kjördæmi Félagsmálaráðherra. Dómur Hæstaréttar

slær á okurlánarana og það gerir að verkum að þeir óttast nú að upp komist að verðtryggingin er ekki í neinu.

Íslenskt efnahagslíf stendur ekki undir hinum verðtryggðu vöxtum enda jafngilda þeir ofurhárri ávöxtun. Ávöxtun sem fyrirtækin eða heimilin standa ekki undir. Þýskaland sem er eitt af öflugustu iðnríkjum heims treystir sér ekki til að greiða innlánseigendum nema neikvæða vexti. Aðeins Ísland þar sem allt er í volli  niðurgreiðir vaxtagreiðslur til banka og innlánseigenda í landinu. Seðlabankinn dælir peningum inn í hina s.k. banka sem gera ekki annað en að ganga að venjulegu fólki öðru megin en taka á móti peningabrettum lífeyrissjóða þess hinum megin. Peningabrettum sem missa alla ávöxtun sína yfir til bankans sem hirðir svo allar leigugreiðslur Seðlabankans. Peningaleigugreiðslur sem almenningur þarf að reiða af hendi í gegnum skatta  sem renna í Seðlabankans.

Allar þjóðir með heilbrigðan fyrirtækjarekstur sjá og vita að atvinnulífið stendur ekki undir íslenskum okurvöxtum. Aðeins íslendingar einir skilja það ekki og þess vegna eru íslenskir lántakar alltaf duglegustu deildarstjórarnir í bönkunum. Bankarnir sjálfir geta ekki unnið fyrir íslenskum vöxtum.

Dómurinn skapar ekki peninga

Söluturninn Draumurinn er fyrirmyndin.

Það sama hlýtur að gilda um hina s.k. '' banka'' og gildir um söluturninn Drauminn. Honum var lokað með lögregluáhlaupi þegar kom í ljós að eigandinn var að brjóta lögin. Fylgi starfsmenn bankanna ekki lögunum í landinu nú þegar ljóst liggur fyrir hver þau eru þá er ekki annað eftir en að loka þeim með lögregluáhlaupi. Því skyldi gilda eitthvað annað um Birnu Einarsdóttur en Júlíus Þorbergsson í Draumnum á Rauðarárstíg ?

Ekki leyst nema fyrir dómstólum