Skafið úr ríkissjóði fyrir vini og mágafólk.

Þorgerður Katrín tók einkavæðinguna með trompi og úthýsti peningum úr ríkissjóði til vina og kunningja sem settu upp potemkintjöldin sem kallast Keilir. Þar voru vinir og mágur hafðir á beit í Ríkissjóði. Eingreiðsla kom til Keilis og ekkert eftirlit var haft með eyðslunni og engu skipti hvort almannahagsmunir studdu vinagjöfina. Allt til að '' fína'' fólkið hefði drjúga og góða framfærslu. Vonlaust dæmi nema sem jógasetur eða starfsvöllur fyrir unglinga á sumrin. Svo rífur  fínikallinn Hjálmar bara kjaft enda orðin góðu vanur eftir að hafa skammtað sér fé úr ríkissjóði frá unga aldri.

Er þetta Ítalía, Kalabría eða bara gamla spillta Ísland. Almannavaldið á að sækja þessa peninga til baka og hvar er Lögreglan ? Hvar er nú Bótalögga Árna Páls ?

Óvíst hvort grundvöllur sé fyrir rekstri Keilis

Ríkisútvarpið að leggjast af.

Skynsamlegast er að leggja Ríkisútvarpið niður en slíkt er raunar að gerast hægt og hljótt undir forystu Páls Magnússonar. Endurflutningur, endursýningar eru að verða það eina sem RÚV gerir auk þess að hafa '' fínikalla'' í  áskrift að kaupi. Í rauninni algjör sorgarsaga en hluti af einkavæðingunni sem hefur átt sér stað innan ríkis og sveitarstjórageirans. Skattborgararnir hafa skyldur til að greiða fyrir en fá ekkert í staðinn nema skjámynd af Páli Magnússyni.

Gátu ekki sleppt tækifærinu

Stöðvarfjörður í Smáralindina ?

Nú er ráð að flytja Stöðvarfjörð í Smáralindina en gera kröfu um að börnin sæki skóla í Skuldanesbæ. Við það myndi hagur Smáralindar og Skuldanesbæjar aðeins batna. Við þennan flutning gæti orðið til landsbyggðarsafn í Smáralindinni. Það væri alveg eftir íslenskri Hagfræði að gera þetta.

Pósthúsi og banka lokað á morgun

Hluti af Símanum eða Stöð2 ?

Spaugstofan sem í tuttugu ár sá um að flytja raunsannar fréttir úr íslensku samfélagi hvarf af RÚV þegar '' ég vel aðeins það besta'' tók yfir '' fréttaflutninginn''. Það verður auðvitað ekki gott fyrir Spaugstofuna að flytja fréttir af  Skjá einum eða Stöð2.  Fyrri stöðin er rekin af einu helsta brotafyrirtæki Samkeppnislaganna og sú seinni er í '' eigu'' útrásarhjóna. Sennilega eru báðar stöðvarnar reknar með bullandi tapi.

Spaugstofan boðar til blaðamannafundar

Ömurlegt lið.

Ömurlegt til þess að vita að nokkrir borgarfulltrúar ásamt hinum '' fínu'' klíkuráðnu stjórnendum skuli geta stefnt öllum eigendum fyrirtækisins í þessar skuldir og nú sitja þeir uppi með dýrasta orkureikning í Evrópu bæði de facto og miðað við kaupmátt. Þetta á auðvitað ekki að leyfast og þetta fyrirtæki verður að komast aftur í hendur eigenda sinna , sem eru notendur  orkunnar. Þetta var hugsað sem samlagsfélag borgaranna til að tryggja ódýra orku og hita. Það er engu logið þegar sagt er að borgarfulltrúarnir í Reykjavík undanfarin tíu ár bera ábyrgð á þessu sukki og þessu rekstarbulli sem þarna hefur verið í gangi. Er ekki miklu betra að fyrirtækið fari bara í nauðasamninga sem jafnframt mundu tryggja að fyrirtækið færi aldrei í virkjanir og virkjanarekstur  sem stjórnendur hefðu ekki hundsvit á ?

28,5% hækkun á gjaldskrá

Verði skrifstofa borgarstjóra

Mér finnst að Borgarstjóri eigi að ganga á undan með góðu fordæmi og flytja skrifstofu sína í þessa skúra. Pólitíkin er hvort eð er aðeins skúrtæk. Í staðinn kæmi frístundaheimili fyrir börn og unglinga í Ráðhúsið en eins og sakir standa er Ráðhúsið nokkurs konar frístundaheimili borgarstjórans og '' fína''

fólksins á borgarsjóðsbeitinni. Við þessi umskipti kæmi Ráðhúsið að gagni. Um leið yrði umvalsverð fækkun á s.k. fínum starfsmönnum en aðeins örfáir kæmust fyrir í skúrunum. Umgjörðin myndi sjá til þess að fækkaði hressilega og um leið yrði hægt að spara milljarð á ári.

Kennslustofurnar ekki úr Korpuskóla

Olveusáætlunina gegn einelti í Félagsmálaráðuneytið.

Eftir þessu að dæma er félagsmálaráðherrann að verða eineltiskóngurinn í Ríkisstjórninni. Það liggur fyrir að meirihluti stjórnarinnar vildi ráða Ástu en á það gat Félagsmálaráðherrann ekki fallist. Kaus því að gera lítið úr stjórninni og opinbera að hann fjarstýrir henni. Hún er því aðeins til skrauts og kaups.

Stjórnarmeðlimir geta ekki hugsað sér að missa af ríkistékkanum sem kemur mánaðarlega fyrir að leika meðlimi í stjórninni og lætur þetta yfir sig ganga. Undrast reyndar að að þetta fólk skuli vera svona undirmáls að  láta kaupa sig í þennan brandara. Finnst raunar furðulegt að ríkissáttasemjari skuli telja það við hæfi að sitjast í þessa nefnd. Sá fínikall gat ekkert skipt sér af greiðsluverkfalli skuldara og bar fyrir sig hundrað fyrirsláttar fyrirvara þá '' hann væri svo fín.. það væri ekki í verkahring ríkissáttasemjara að skipta sér af þessu....''

Þetta er auðvitað eineltisbragð hjá Félagsmálaráðherranum og hann ræður ekki svo fólk nema að leggja umsækjendur í einelti á undan eða á eftir. Er ekki þörf á eineltisáætlun Olveusar í ráðuneytið ?

Ásta dregur umsókn til baka

Brandarakall.

Árni Páll er titlaður félagsmálaráðherra í fasistastjórninni. Eitt af hans fyrstu verkum var að tryggja Yngva Erni framfærslu með ráðgjafatékkum úr Ríkissjóði. Verkefni númer tvö var að koma á fót Bótalöggu sem átti sérstaklega að sjá um að hafa rétt af atvinnulausum og þeim er minna mega sín.

Nú vill hann sjá Yngva Örn sem beitarkind í Íbúðarlánasjóði. Stjórnin hefur  hinsvegar þráast við og telur sennilega að maður sem ekki kunni að reka banka nema á hausinn geti varla aukið á trúverðugleika Íbúðarlánasjóðs. Jafnvel þó hann kunni á exeltöflureikni. Bregður hann nú á það ráð að skipa '' réttlætisnefnd'' til að ráða Yngva Örn enda er það í samræmi við auglýsinguna en hún var sérsniðin til að hægt væri  Yngva Örn.

Skipun nefndarinnar bendir til þess að sami brandari eigi að ráða þarna og þegar ráðin var þiggjandi að  Seðlabankatékkanum. Sýnir þetta að gamla fúla spillta Ísland er óðum að ná vopnum sínum þó að það noti nú Capacent og svo viðskiptaráðherra sína vini sem kalla sig Intelecta ( til að undirstrika að ekkert sé í heilabúi þeirra ? ) til að gefa kunningjaráðningunum faglegt yfirbragð.

Valnefnd um Íbúðalánasjóð

Brot á Skipulags og Byggingarlögum ?

Ekki er að sjá að Vesturbæjarskóli hafi sótt um leyfi fyrir þessa skúra hjá Byggingarfulltrúanum í Reykjavík. Sýnir í hnotskurn að ekki er gott að hafa skólann og Byggingarfulltrúann í vasa sama '' eiganda''. Skólinn gerir bara það sem honum sýnist og engin Byggingarfulltrúi kemur og fjarlægir þessa óleyfisframkvæmd. Hvers vegna skyldu venjulegir borgarar  ekki byggja í óleyfi fyrst að Borgarstjórinn gerir það ?

P.s. sé ekki betur en að minna en 10 metrar séu á milli 3 ja timburhúsa en skv. Skipulags og byggingarlögum er það algjörlega bannað.

Uppnám vegna skúra á skólalóð

Marcos fjölskyldan fræðist um spillingu.

Marcos fjölskyldan sem Akureyringar kusu til að standa á beit í bæjarsjóðnum er ákveðin í því að bæta sig og hefur fengið siðfræðing og stjórnmálafræðing til að upplýsa sig um siðferði í þeim siðblindusjó sem þau sigla í. Er að vísu viss um að þau hafa fallið á fyrsta prófinu og hafa látið beitarsjóðinn ( les: Bæjarsjóðinn ) borga þeim prófessorum fyrir kennsluna.

Bæjarfulltrúar fá siðfræðifræðslu