Mestu umhverfissóðarnir.

Ísland heldur tryggilega sæti sínu sem einn aðal umhverfissóði heimsins. Þá höldum við kyrfilega sæti okkar sem spilltasta þjóðríki í Evrópu. Held stundum að eina von okkar sé að gera út á þetta '' verða ruslaland Evrópu'' og fá vottun fyrir því hlutverki. Því það þýðir lítið að selja Ísland sem hreint land því það væru neytendasvik.

Mest losun á Íslandi

Undanskot en engin Lögregla.

Hér setur þjóðþingið kúrsinn og kemur sér undan því að fara að lögum. Segir að það sé allt í lagi því það séu svíar sem borgi en Alþingi bara panti. Viðhorfið sýnir að brotaviljinn er einbeittur og það eina sem gerist er að Ríkisendurskoðun sendir Alþingi '' hvatningu'' um að fara að lögum. Hvers vegna skyldu aðrir í landinu fara að lögum ef Alþingi  gerir það ekki ?

Skrifstofa Alþingis endurskoði verklag við innkaup

Hvar voru hinir sveitarstjóradólgarnir ?

Þarna var bara mættur einn sveitarstjóradólgur en þó eru það sveitarfélögin sem bera ábyrgð á framfærsluskyldu skv. lögum. Ekkert sveitarfélag virðist fara eftir þeim lögum.

Í Reykjavík  fer aðeins á annan milljarð á ári í Félagsþjónustuna. Félagsbústaðir í Reykjavík okra á viðskiptavinum sínum sem oftast eru bláfátækt fólk. Sjötíu og fimm starfsmenn Reykjavíkurborgar hafa meira en eina og hálfa milljón í mánaðarlaun og er ég þó viss um að nær allir eru klíkuráðnir og enginn þeirra fengi vinnu á því kaupi á almennum vinnumarkaði. Bara þar mætti taka um hundrað milljónir á mánuði og færa til þeirra sem sveitarfélagið  ber raunverulega fjárhagsábyrgð á. Það þarf ekki að reka framkvæmdastjórana en vel má lækka kaup þeirra um að minnsta kosti eina milljón á mánuði og selja bílana undan þeim. Þeir yrðu samt vel settir á huggulegum vinnustað en áfram sem hingað til algjörlega ábyrgðarlausir.

Velferð sveitarfélagana virðist öll fara í framkvæmdastjóra þeirra og borgar og bæjarfulltrúa.

Fjörugar umræður í Salnum

Íslendingar vilja í burtu.

Auðvitað voru það mistök að nema land á Íslandi. Ekki gengur neitt né rekur hjá okkur og sál íbúanna vill í burtu. Borgarfulltrúana dreymir um að Reykjavík verði '' eins og Kaupmannahöfn'' eða ''eins og New York ''. Meira en þúsund ungmenni á öllum aldri vilja gerast flugliðar hjá Iceland Express en fái fólk starfið þá situr það ekki fast í þrælakistunni hér.

Flugið heillar

Sukkararnir verðlaunaðir.

Ábyrgðarlausustu fjárglæframennirnir í opinbera geiranum eru án efa sveitarstjóradólgarnir. Fyrrum sveitarstjóradólgar á Alþingi ( orðnir þingmenn eftir framgang í starfi ) sömdu lög til að tryggja framgang bruðlsins. Það eru lög um jöfnunarsjóð sveitarfélaga. Þar er ekkert gegnsæi og mesti bruðlarinn fær mesta fjárframlagið.

Skattborgararnir verða að sameinast um að kjósa burt sveitarfélögin. Það er engin þörf fyrir þau á tuttugustu og fyrstu öldinni. Við það kæmi meira fé í vasa almennings en engin yrði var við neitt nema að fækka myndi um heilan millilið og heilt faktúrufölsunarfélag hverfa.  Þau eru svona eins og Sambandið gamla sem bara hvarf og enginn varð var við neitt.

Milljarður í aukaframlag

Græðgin einkavinavædd.

Lánasjóðurinn er ein af þessum ríkisstofnunum sem vinnur eins og forhertur banki. Þó að hugsunin sé upphaflega að tryggja fólki lán til náms þannig að jafnrétti sé tryggt. Hinsvegar eru reglur hans þannig að ef að tekjurnar eru háar þá sendir hann sjálfvirkt  greiðsluseðla um tekjutengda afborgunarhlutann. Ef að tekjurnar eru lágar ÞÁ EIGA MENN RÉTT Á UNDANÞÁGU FRÁ FASTRI AFBORGUN en ÞURFA AÐ SÆKJA UM ÞAÐ. Réttindi sjóðsins eru tryggð sjálfkrafa en réttindi skuldara gerast ekki sjálfkrafa. Sama gildir um þá sem stunda nám en þeir eiga rétt að að lán þeirra séu ekki innheimt á meðan. Þeir þurfa hinsvegar að sækja um það og innan tiltekins tímafrests. Geri þeir það ekki þá eru lánin send í innheimtu til manns sem einu sinni var tengasonur menntamálaráðherra og varð sem slíkur formaður stjórnar LÍN. Í því hlutverki tryggði hann sér að innheimta lán í vanskilum fyrir sjóðinn.

Þannig tryggði hann sér veglegan heimanmund til lögmannsstofu sinnar við opnun á henni. Er sjálfur efins um að opinberu fyrirtæki sé heimilt að innheimta lánin með slíkum hætti en LÍN og lögmaðurinn pæla ekkert í því. Þá virðist mér að ekkert sé því til fyrirstöðu að LÍN sjálft annist þessa innheimtu enda aðallega um að ræða útkeyrslu á tölvubréfum. Menntamálanefnd þarf auðvitað að breyta rekstri og lögum um LÍN þannig að hann verði aftur rekinn sem sjóður í almannaþágu en ekki svipa til styrktar lögfræðingum sem einu sinni áttu tengdaföður sem var menntamálaráðherra.

Það er raunar umhugsunarefni að ekkert eftirlit skuli vera með því hvort opinberir sjóðir og stofnanir fari að lögum. Engin lögregla virðist geta stöðvað opinberar stofnanir sem brjóta lög.

Gat ekki samið við LÍN

Á strippstað ?

Sýnist eins og fundurinn og hrósið hafi ekki átt sér stað á strippstað eins og var lengi venja hjá KSÍ forystunni.

Platini hrósar íslensku strákunum

Einmitt eins og að moka skurð.

Þarna lýsir enn einn efnahagsráðunautur ríkisstjórnarinnar því yfir að embættismennirnir séu að tala

sig niður á lausnir. Þessi nýji hefur örugglega verið ráðin án auglýsingar fyrir klíkuskap og er alls ekki kosinn til að tala sig saman við aðra ókosna í '' sérfræðingahópnum'' um lausnir. Sérfræðingahópurinn er greinilega ekkert að reikna heldur bara hugleiða en er það ekki fúsk að vera með Hagfræðing að hugleiða ?

Verkefnið er einmitt eins og að moka skurð en það hefur greinilega vitlaust fólk verið sett í verkið. Fólk sem kann ekki að moka þennan skurð.

Ekki eins og að moka skurð

Í góðum félagsskap.

Forsetinn er hér kominn í góðan félagsskap í fyrsta sinn lengi lengi. Borgarar sem við getum verið stolt af gerðu sér ferð á fund forsetans til að tala máli þeirra sem minna mega sín. Ekki er vanþörf á því fjölskyldurnar í landinu sigla nú á hriplekri kænu á meðan eru Gosi og Skrudda  í óða önn að gera björgunarvestin upptæk.

Bót vill bætt samfélag

Vitlaust fólk.

Stefán tekur hér til orða af prúðmennsku og karlmennsku. Undir rós má skilja á honum að '' fína'' fólkinu hafi ekki verið sagt upp. Þannig var t.d. Fjármálastjóranum hættulega ekki sagt upp, hún er enn á beit í Bæjarsjóðnum. Skúringakonunni og '' lágstéttinni'' innan fyrirtækisins var sagt upp störfum en ''fína'' fólkið,  hinir stóru gerendur í hruni OR eru þarna enn, á fullu að fela slóðina.

„Erfið stund fyrir marga“