Svartir opnir skókassar og káfandi guðsmenn.

Framkvæmd þessarar kosningar var ekki til eftirbreytni. Kjörkassarnir voru svartir skókassar og ekki innsiglaðir en ekki er að sjá að lengur sé að finna ákvæði í lögum um kjörkassa nema um kassa við utankjörfundaratkvæðagreiðslu. Í Langburtistan hefðu kosningarnar verið úrskurðaðar ógildar. Kjörstjórnir og Landskjörstjórn höfðu enga þekkingu á því hvernig skipuleggja átti kosningar þar sem talið er rafrænt. Nú streyma reikningar frá meðlimur Landskjörstjórnar í  Dómsmálaráðuneytið og ríkið verður að greiða þeim fyrir fúskið.

Í þokkabót hafa káfandi guðsmenn stolið allri umræðu í landinu síðastliðna mánuði.

Talningu lýkur ekki í dag

Eina aðhaldið gegn spillingu tekið af lífi ?

Spilling í stjórnsýslunni á Íslandi er legio og því til viðbótar er vanhæfið algert. Eina ráð almennings gegn órétti og lögbrotum stjórnsýslunnar er að leita til umboðsmanns Alþingis. Nú á að færa mannréttindi í landinu aftur á öld Gosa og Skruddu. Það má aldrei verða og þá þarf að tryggja Efnahagsbrotadeildinni fasta starfsstöð í stjórnsýslunni og í Ráðhúsum stærstu sveitarstjóradólganna.Gosi og Skrudda mega ekki ná þjóðfélaginu algjörlega niður á sitt auma plan.

Umboðsmanni gert að spara en kvörtunum fjölgar

Björnebanditterne ?

Brátt fáum við allt að vita um spillinguna og gírugheit hinna '' bestu'' sona Íslands á árunum 2005 til 2010 . Er viss um að það kemur í ljós að Bandaríkjamenn hafa haft akkúrat ekkert álit á íslenskum ráðamönnum á þessum árum.

290 skjöl frá Íslandi

Út að kjósa Þorberg nr. 6483

Þorbergur Þórsson er góður  maður að kjósa til setu á Stjórnlagaþingið. Hann er talsmaður þrískiptingar ríkisvaldsins og að Náttúran öðlist réttindi í stjórnarskránni. Einnig vill hann tryggja yfirráð almennings yfir auðlindunum. Númerið hans er 6483

Um 8000 búnir að kjósa í Reykjavík

Mitt fólk engir drullusokkar.

Mínir frambjóðendur til stjórnlagaþings eru sannanlega engir drullusokkar: fólkið sem ég ætla að setja í efstu sætin eru þau Þorbergur Þórsson nr. 6483 en hann er talsmaður náttúrunnar og er með bloggsíðuna www.handargagn.bloggspot.com og

Elín Erna Steinarsdóttir frá Hlíð í Gnúpverjahreppi nr.6681 , hún er hér á Moggablogginu. Hún leggur líka áherslu á náttúruvernd og mannréttindi. Þá er fjöldi fólks sem ég ætla að kjósa til viðbótar. T.d. Jakobínu, Friðrik Þór, Hjört Hjartarson, Baldvin Björgvinsson, Áslaugu Thorlacíus svo einhverjir séu nefndir. Kjörstaðir á morgun opna í Reykjavík kl. 09. og loka kl 22.

Sagði þá vera drullusokka

Sonur Steingríms landlæknir ?

Nú er stjórnin sjálfsagt að raða börnunum sínum í störf hjá Heilbrigðiskerfinu. Allir ráðherrarnir auðvitað nema Jón því hann er búinn að koma sínum börnum á ríkisbeitina. Get eiginlega ekki ímyndað mér að  ríkisstjórnin ræði neitt nema Nepotisma á fundum sínum.

Aukafundur um heilbrigðismál

Öll svín verði jöfn.

Jón Bjarnason skipar nefnt til að halda  hans eigið Stjórnlagaþing um réttindi svína. Það er hið besta mál en auðvitað vita allir að hjá Jóni Bjarnasyni eru sum svín jafnari en önnur. Sjálfsagt verður eitthvert barna hans sett til að verða ritari starfshópsins.

Jón skipar starfshóp um vandamál svínaræktar

Stjórnlagaþingið pókermót ?

Held að vísu ekki en það er gaman að heyra vonir, drauma og hugmyndir frambjóðenda til þingsins á

Rás. 1 . Veit fyrir víst að þessi tvö ætla ég að sitja í efstu sætin.

Elínu Ernu Steinarsdóttur nr. 6681

og Þorberg Þórsson nr. 6483

Hvet annars fólk til að kjósa en koma undirbúið. Kosningarnar eru ekki pókermót en geta gefið okkur samfélagsvinning.

 

 

Íslendingur vinnur milljón í póker

Ríkið, það er ég

Sonurinn er nokkurs konar erfðaprins. Hefur lengi gengið að peningum vísum úr sjóðum almennings. Klárað námið og fékk greitt fyrir það, var í launuðu leyfi á meðan þrátt fyrir að engar forsendur væru fyrir þeirri ráðstöfun. Jón Bjarnason er ásamt Gosa ( Steingrími J ) einhver forhertasti fulltrúi gamla fúla spillta Íslands í þingmannahópi VG. Það er skömm að svona fólki á Alþingi Íslendinga.

Ráðherra ver ráðningu sonar síns

Betra að veifa röngu en öngvu.

Upp hefur komist um heimildarlausar greiðslur Steingríms Jóhanns Sigfússonar til hjóna í Aðaldal. Að vísu skilur maður núna hvað hann á við þegar hann segir að ríkið hafi ekki efni á að styrkja heimilin í landinu með greiðslum á skuldum þeirra. Hann hefur haldið að heimilin í landinu vildu öll svipaða upphæð úr kassanum og vinir hans og kunningjar hafa fengið frá því hann komst til valda.

Steingrímur er auðvitað forhertur stjórnmálamaður af gamla vonda spillta skólanum og VG liðar yrði menn af meiri ef þeir hefðu vit á að samdauna sig ekki honum. Þeir eiga að parkera honum út úr stjórninni því greinilega er hér á ferðinni forhertur gripdeildarmaður sem vílar ekki fyrir sér að láta greipar sópa um ríkissjóð fyrir sjálfan sig og vini sína.

Það er auðvitað lögbrot sem hann hefur gerst sekur um og maður furðar sig á því af hverju Efnahagsbrotadeildin er ekki þegar að gera húsrannsókn í Fjármálaráðuneytinu.

Svo kennir hann manninum um sem gerði ekkert nema  fara að lögum.

Fékk aðgang samkvæmt upplýsingalögum