Tilbúningur hjá Tollinum í Keflavík

Þessi frétt er örugglega rétt en að reglur Evrópusambandsins séu svona er bull. Sennilega hefur þessi

ranghugmynd orðið til,  til að hjálpa Fríhöfninni í Keflavík. Sjá til þess að hún ´´missi´´ ekki spón úr aski sínum og Evrópusambandið er skálkaskjólið. Á svipaðan hátt eyðilagði Ingibjörg Sólrún Gísladóttir

Brunatryggingar Reykjavíkur: til að tryggja fákeppni og okur á brunatryggingum á stærsta markaðnum fyrir Brunatryggingar. Hún bar fyrir sig að ekki mætti reka Brunatryggingar Reykjavíkur skv. EES samningnum. Það er rétt að merkingar í Evrópu eru öðruvísi en í Ameríku  og til að geta dreift vörum á

Evrópumarkaði ( neytendamarkaði ) þá þurfa að vera evrópskar merkingar enda er það sjálfsagt. Ferðamenn sem kaupa áfengi í Ameríku geta flogið með það til Evrópu án vandræða 

Tollurinn tekinn í Keflavík

Athugasemdir

[AE (IP-tala skráð) 22.7.2009 kl. 19:16]

Þetta hefur ekkert með tollgæsluna eða tollalög að gera, þetta snýst um að vopnaleitin vestra er ekki viðurkennd af ESB, þess vegna eru vökvar teknir af fólki við komuvopnaleit hér. Þetta snýst um flugverndarreglur, ekki tollareglur.

[Einar Guðjónsson, 22.7.2009 kl. 19:19]

Gott að vita það og þetta er sennilega alveg rétt hjá þér.

[flugfarþegi 2007 (IP-tala skráð) 22.7.2009 kl. 19:30]

Fór með Reyki vodka keyptan í Keflavík til LA fyrir 2 árum , millilending Minneapolis.. vökvinn fór alla leið... !

í bakaleiðinni fór ég úr skóm á flugvellinum í usa og þeir gegnumlýstir og ég án vökva um borð í Flugleiðavél. Lendi " heima" í Keflavík. Látin þar aftur fara úr skónum , á leiðinni inn í landið ???? Hallærislegt ! 

[Einar Guðjónsson, 22.7.2009 kl. 19:44]

Þessir dönsku ferðamenn komu hingað inn í flugstöðina og sjálfsagt máttu þeir kaupa vín hér og halda áfram Kaupmannahafnar í annarri vél. Held að einhver sé a' misskilja reglurnar.Sýnir að þetta er kjánalegt.

[Heimir Hannesson, 22.7.2009 kl. 20:54]

Alveg einstaklega vitlaus frétt, en þetta blogg er enn vitlausara!

Alveg ótrúlegt að þú leyfir þér í 1. lagi, að búa til eitthverja bull reglugerð frá Evrópusambandinu sem hefur ekkert með þetta að gera. Heldur eru það flugmálayfirvöld Evrópu sem geta ekki komið sér saman við þau bandarísku um um flugverndarreglur. Í öðru lagi hefur þetta ekki nokkurn skapaðan hlut með fríhöfnina að gera, og að slá því upp sí svona er afskaplega dapurlega gert af þér.

Í þriðja lagi, og þetta er líklega mesta dellan í þessari færslu þinni, hafa merkingar á umbúðum ekki nokkurn skapaðan hlut með þetta að gera, og ekki minnst staf á þær í fréttinni.

Þetta er flugverndunardæmi og eru það öryggisverðir flugmálastjórnar, sem heyra undir SAMGÖNGURÁÐUNEYTIÐ sem eru að hirða þetta.

Þetta eru gjörsamlega fáránlegar reglur, en eru tilkomnar vegna þess einmitt, að við erum aðilar að flugmálasambandi evrópu, JAO ef mig minnir rétt, en erum samt ekki búin að taka upp evrópureglugerð sem tengist farþegaflugi. Þetta myndi því hverfa, þessi della, með tilkomu ESB.

Einstaklega vitlaus frétt, sem hefur greinilega ekki haft fyrir því að athuga hvernig í pottinn er búið hjá mönnum í Keflavík, þó það hefði einungis kostað eitt örstutt símtal, en ákveðið heldur að beinþýða fréttina dönsku.

[Tinna Gunnarsdóttir Gígja, 22.7.2009 kl. 22:10]

"Í þriðja lagi, og þetta er líklega mesta dellan í þessari færslu þinni, hafa merkingar á umbúðum ekki nokkurn skapaðan hlut með þetta að gera, og ekki minnst staf á þær í fréttinni."

Lestu betur, Heimir. Þetta stendur rétt um miðbik fréttarinnar:

"Bandarískar og kanadískar umbúðamerkingar standist ekki kröfur Evrópusambandsins."

[Haraldur Haraldsson (IP-tala skráð) 22.7.2009 kl. 22:24]

Heimir, langar að leiðrétta þig með ESB, en það er akkurat þaðan sem reglugerðinn kemur þ.e. að öll lönd innan ESB og EES hafi sameinað flugverndaráætlun sem Bandaríkinn og Kanada uppfylla ekki. Ef við færum ekki eftir þessum reglum yrði Keflavíkurflugvöllur skilgreindur sem "óhreint" svæði þ.e. allir farþegar sem kæmu með flugi frá Íslandi og á leið til evrópu þyrftu að fara í gegnum sömu öryggisskoðun og er gert með farþega frá Ameríku.

[Einar Guðjónsson, 22.7.2009 kl. 23:38]

Heimir, tek undir með Tinnu, lestu færsluna betur.

[Einar Karl, 22.7.2009 kl. 23:43]

Þetta er fáránlegt hvað sem hver segir. Að hvaða leyti er öryggisleit öðru vísi í USA?

Ef Evrópumenn treysta ekki öryggisleit í USA ættu þeir ekki að leyfa vélum í beinu flugi þaðan að lenda.

Fyrir utan að þetta vökvabann er húmbúgg. Ég skrifaði um þetta í færslu eftir nýlega ferð til USA.