Úr öllu samhengi.

Fasteignaskattar á atvinnuhúsnæði ( og raunar íbúðarhúsnæði ) eru komnir úr öllu samhengi og enginn rekstur í húsunum stendur undir þeim. Þess vegna hverfa verslanir í miðbænum og í staðinn koma brennivínssalar og dópsalar en aðeins þessi vara stendur undir himininháum fasteignasköttum.

Ef við eigum að sjá fjölbreytta þjónustu við íbúana þá verður að leggja af skattana eða miða þá við tekjur rekstrar eða kostnað við rekstur á götum. Ekki að hafa þau sem ótekjutengdan skatt til tekjuöflunar.


mbl.is Hrakspár vegna Hörpu að rætast
Tilkynna um óviðeigandi tengingu við frétt

Stóðu við kosningaloforðið.

Sambesti flokkurinn sýnir þarna enn og aftur að hann stendur við kosningaloforðin en framboðið lofaði einmitt meiri og betri spillingu fyrir sig og sína. Má alveg segja að sveitarstjórastigið í Reykjavík sé nú orðið útvörður spillingarinnar á landsvísu og tekið sætið af Kópavogi.
mbl.is Segja meirihlutann brjóta innkaupa- og siðareglur
Tilkynna um óviðeigandi tengingu við frétt

Brandarasafn um veislusali.

Sjóminjasafnið Víkin var hlutdeild Sigrúnar Magnúsdóttur í þýfinu hjá R-listanum en hún kláraði sagnfræði á meðan hún var borgarfulltrúi. Svo fékk hún þessa hugmynd að opna veislusali sem kallaðir eru sjóminjasafnið Víkin. Borgarsjóður var látin borga fyrir brandarann og hann kostaði okkur skattgreiðendur um 1800 milljónir. Árlega veita svo ríki og borg um 60 milljónum svo hægt sé að halda úti ''safni'' sem á engan safnkost. Þá er engin eða lítill áhugi á '' safninu'' nema til að halda partý enda frábærar veitingar á boðstólum hjá veislusölum þessum og góður veitingamaður.
Þessi 500 þúsund kall sem '' eigendur'' borgarinnar láta safnið hafa er auðvitað bara punkturinn yfir brandara-i-ið og ef einhver er að hugsa um söguna og arfleiðina þá er langbest að selja þetta húsnæði og leggja safnið niður. Láta peningana renna til þeirra sjóminjasafna sem eru raunverulega til. Þar má nefna bátasafn þjóðminjasafnsins eða sjóminjasafnið á Eskifirði, Sigurfara á Akranesi eða Síldarminjasafnið á Siglufirði.
Útkall þessara fínikalla til að láta mynda sig sýnir svo hve firringin er mikil en engin úr hópi '' styrkveitenda'' hefur nokkra hugmynd um söfn eða safnastarf. Bara að draga þá úr vinnunni til að mynda þá að veita hver öðrum styrkinn hefur kostað almenning í landinu um 80 þúsund en allir eru þeir á opinberri launaskrá. Gott fordæmi eða hitt þó heldur.
mbl.is Sjóminjasafnið fékk milljón
Tilkynna um óviðeigandi tengingu við frétt

Velferðarkerfið.

Þetta er hið íslenska '' velferðarkerfi'' og á meðan framtakssamar konur sjá um það sem í raun sveitarfélögin eiga að gera og velferðarráðherrann á að tryggja að þau geri. Á meðan að þessar konur sjá um að tryggja framfærslu fátækra þá súnnar '' velferðar'' ráðherrann sig í útlöndum á kostnað skattgreiðenda.
Í raun er við hæfi að gjörningurinn fari fram í Ráðhúsinu en þar sofa allir á efri hæðunum þegar kemur að félagslega velferðarkerfinu.
Glistrup eða Franko hefðu ekki staðið sig betur í áhugaleysi á velferðarkerfinu heldur en Gubbi skátahöfðingi en þeir komast ekki með tærnar þar sem hann hefur hælana. Nú getur ekki verið nema rúmt ár þangað til að Eimreiðarhópurinn verður kosinn í burtu.
mbl.is Fjöldi kvenna býr til mæðrablóm
Tilkynna um óviðeigandi tengingu við frétt

Besta samfylkingarkonan í stöðunni.

Jóhanna Sigurðardóttir er áfram á þjóðlegu nótunum og ræður flokksmann í starf á ríkisbeitinni undir því yfirskyni að eitthvað standi til. Auglýsingin birtist sennilega bara í Samfylkingartíðindum og annars staðar ekki.Spillingin er svo gróin við flokkana að sennilega áttar sig engin á henni.
Í þessu ljósi er lýsingin á verkefninu bara brandari og tilgangurinn sá einn að skafa ríkissjóð fyrir flokksmenn. Þetta er auðvitað móðgun við skattgreiðendur og um leið kemur þetta óorði á stjórnsýslufræðin.
mbl.is Ráðin verkefnisstjóri Sóknaráætlunar landshluta
Tilkynna um óviðeigandi tengingu við frétt

Undarlegt ''viðtal'' við sérhagsmunakall.

Furða mig á þessu viðtali við þetta höfuð sérhagsmunanna um eitthvað sem hann hefur ekkert vit á. Gott samt að sjá ða hann er staðfastur í að sitja á SPRON gróðanum.
mbl.is Gæti tafið ESB-viðræðurnar
Tilkynna um óviðeigandi tengingu við frétt

Milljarður á ári í barnabankann.

Milljarður fer á hverju ári í atvinnuleysisbætur sem Ríkissjóður svo borgar sem kaup í átaksverkefninu '' Höldum hagfræðingum og lögfræðingum í vinnu''. Átaksverkefnið kallast sem kunnugt er Seðlabanki Íslands og var sett á fót árið 1961. Upphaflega var það hugsað til að fyrrverandi stjórnmálamenn þyrftu að vakna til einhvers en fyrir gott '' kaup''. Seinna var svo átaksverkefnið stækkað og starfsmönnum falið að lita peningaseðla landsins. Nú eru svo allir peningaseðlar í landinu handlitaðir í Seðlabankanum. Á síðustu árum hefur bankanum svo verið falið að greiða innlendum bönkum leigu sem kallast vextir. Verkefnið tekur þannig við brettum af peningum sem bankarnir taka til geymslu fyrir almenning.Almenningur fær lítið eða ekkert greitt fyrir en bankinn fær svo að geyma peningabrettin í Seðlabankanum og greiðir hann bönkunum leigu fyrir að geyma fyrir þá peningana. Þessir leigusamningar eru kallaðir '' vaxtamunur'' og '' innlánsvextir'' og þykir voða fínt. Ofan á '' launagreiðslur'' átaksverkefnisins greiðir svo ríkissjóður fyrir húsnæði undir starfsemina, leggur til pappír til að lita peningana á og kostar sumarfrí og ferðalög starfsmanna. Þá kostar ríkissjóður einnig vinnu við og útgáfu á tímariti og blaði átaksverkefnisins sem heitir Peningamál.
mbl.is Launakostnaður jókst um 19%
Tilkynna um óviðeigandi tengingu við frétt

Mikilvægt að skattleggja heimili eldra fólks.

Hinn meinti auðlegðarskattur leggst þungt á eldra fólk sem á skuldlaust hús eftir 45 og 50 ára vinnuævi.Jafnan hefur það ekki tekjur nema eftirlaunin til að standa undir '' auðlegðinni'' en ríkisstjórnin lætur eins og heimilið sé fyrirtæki í rekstri og skattleggur það á vergang.
Á meðan fasistastjórn er í landinu þá verður skatturinn lagður á og um að gera að reka eldra fólk á vergang. Ein breyting gæti þó breytt aðstöðu þessa fólks en það er að leyfa fólki að greiða skatt sinn '' post mortem'' og greiddist hann þá með sölu á eigninni eftir andlát. Eldra fólk yrði þannig ekki rekið á vergang og gæti haldið heimili sínu til æviloka en fasistarnir fengju samt sitt.
mbl.is Tekjulágir skattlagðir
Tilkynna um óviðeigandi tengingu við frétt

Líttu þér nær.

Rekstrarumhverfi fyrirtækja er auðvitað aðallega erfitt vegna þess að þau þurfa að bera uppi þetta óþarfa stjórnsýslustig sem sveitarfélögin eru. Til að standa undir því þurfa fyrirtækin að borga himinháa fasteignaskatta og vatnskatta og frárennslisskatta. Að auki þurfa fyrirtækin nú að borga himinhá verð fyrir rafmagn og hita. Allt eru þetta liðir sem eru á forræði sveitarstjóradólgana a.m.k. í Reykjavík.  Gjaldtaka  sveitarstjóradólganna er það sem aðallega er að gera fyrirtækjunum erfitt og Hönnubirnurnar eiga auðvitað að byrja á því að tala við hinar hönnubirnurnar um að lækka skattaálögur sveitarfélaganna og helst að mæla fyrir því að sveitarstjórnarstigið verði lagt niður í landinu. Við það eitt og sér myndi rekstrarumhverfið batna verulega hjá fyrirtækjunum.
mbl.is Borgarstjórn mótmæli stefnu ríkisstjórnarinnar
Tilkynna um óviðeigandi tengingu við frétt

Markeysa um ekki neitt.

Drög að lögum um Sýslumenn er ekki um neitt en Ögmundur hefur samt ákveðið að ráða aflóga Sýslumann til að skrifa drögin um ekki neitt. Embætti þessi eru algjörlega óþörf um allt og eru í raun nátttröll í kerfinu. Verkefni þeirra á að færa til dómsstóla eins og uppboðsmál en um annað geta vottunarstofur og lögregla séð um eins og verið hefur. Eins og sakir standa eru flest verkefni sýslumanna í andstöðu við Mannréttindasáttmála Evrópu og drögin staðfesta eindregin brotavilja.Eitt nýmæli er þó í afdalafrumvarpi þessu en skv. 7.gr. í frumvarpsdrögunum er gert ráð fyrir að 8 sýslumenn hossi sér saman í '' nefnd'' sem eigi að passa upp á að sýslumenn verði ekki gerðir óþarfir.Þeir eiga að dúlla sér við það.
Ömurlegt að vita til þess að frumvarpsdrög þessi um ekki neitt eigi að taka tíma frá lýðræðislega kjörnu Alþingi. Þá er fáheyrt að fram skuli koma hugmyndir um að einhverjir aðrir en þjóðþingið ákveði hvað verði um Sýslumenn og hlutskipti þeirra.
mbl.is Sýslumönnum fækki úr 24 í átta
Tilkynna um óviðeigandi tengingu við frétt

Næsta síða »

Um bloggið

Einar Guðjónsson

Höfundur

Einar Guðjónsson
Einar Guðjónsson
Framkvæmdastjóri við eigið fyrirtæki.Ekki aðili að flórflokkasambandinu.
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (19.3.): 0
  • Sl. sólarhring: 1
  • Sl. viku: 1
  • Frá upphafi: 0

Annað

  • Innlit í dag: 0
  • Innlit sl. viku: 1
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband