Áfram ræningjabæli.

Ísland á áfram að vera Ræningjabæli og borgararnir eiga að vera réttlausir. Það eru '' tilmæli'' FME og Seðlabanka. Miklu betra er að ganga bara hreint til verks og loka Dómstólunum, FME og Seðlabankanum. Með því móti sýnir valdastéttin sitt rétta andlit en um leið ætti það að auðvelda íslenskum að fá flóttamannastatus í útlöndum. Það auðveldar þeim sem flýja vilja ræningjabælið að komast í burtu og fá ríkisborgararétt í öðrum löndum.

Engin rök fyrir að vaxtakjör haldi

Athugasemdir

[Valsól (IP-tala skráð) 30.6.2010 kl. 12:19]

Heldur fólk að það geti bara orðið skuldlaust og farið svo til Kanarý í vetur á kostnað almennings? Græðgin er ótrúleg. Ég veit að fólki finnst það hafa dottið í lukkupottinn, ég veit að ég hugsaði svona fyrst eftir dóminn þar sem ég er með gengistryggt lán, en svo áttaði ég mig að það sem væri réttlátt í þessu er að ég borgi sanngjarnan reikning og ekki krónu meir. En mér finnst að fólk sé gjörsamlega búið að sleppa sér í vitleysunni, nú á sko að græða. Eiginhagsmunasemin ar algjör og fólki virðist vera nákvæmlega sama um alla aðra, þ.e. almenning sem fær reikninginn. Það er augljóst að þetta verður að fara fyrir dóm, en þangað til þá greiðir maður sanngjarna vexti og ef dómurinn verður á þann veg að við fáum lánin nánast niðuurfelld á kostnað almennings, þá verður svo að vera. En ég geri ráð fyrir að það verði farin einhver millivegur og ég sætti mig alveg við það. Annað er bara frekja og yfirgangur.

[Einar Guðjónsson, 30.6.2010 kl. 17:26]

Valsól, á ferðinni er einn allsherjar forsendubrestur en hef ekki heyrt neinn halda því fram að hann þurfi ekki að borga skuldir sínar nema bankarnir. Þeir eru þeir einu sem ekki þurfa að borga skuldir sínar.

[- grettir (IP-tala skráð) 30.6.2010 kl. 18:04]

Valsól, síðan hvenær hefur það verið niðurfelling skulda að borga lán + 2-3% vexti? Er ekki hávaxtaruglið hérna á Íslandi eitthvað að rugla þig?

Ég myndi telja að það væri að borga sanngjarnan reikning og ekki krónu meir.

Hvaða skuld er verið að senda á almenning? Er það mismunurinn á því sem fjármögnunarfyrirtækin ætluðu sér að græða og það sem þau græða þegar upp er staðið? Planið var að þrefalda peninginn, en það tekst ekki, heldur rukkast sanngjarnir vextir. Fær þá almenningur reikning fyrir mismuninum? Hvernig?

Þetta er hræðsluáróður!

[Guðmundur Ásgeirsson, 1.7.2010 kl. 02:11]

grettir. Það er semsagt verið að reyna að réttlæta okur með því að hingað til hafi sambærilegt okur tíðkast. Góð röksemdafærsla!

Almenningur getur aldrei fengið reikning fyrir mismuninum. Skuldir eru felldar niður daglega í bankakerfinu en ég hef samt aldrei fengið sendan reikning út af því. 

Hér er dæmi: Ræningjar fóru um Reykjavík og rest rænandi og ruplandi, en tóku mismikið frá hverjum og einum íbúa. Nú hefur fundist leið til að endurheimta hluta af ránsfengnum, en því miður er það mismikið af stolnum eigum hvers íbúa og jafnvel ekkert af eigum sumra. Í þessari stöðu væri rökréttast að ætla sem svo að hinar endurheimtu eigur ættu að snúa aftur til réttmætra eigenda sinna. Stjórnvöld grípa hinsvegar inn í og fyrirskipa að þeir sem fengu eitthvað af sínu til baka eigi nú að sjá aumur á hinum og afhenda þeim hluta af eigum sínum, og bera því við að annað sé ekki sanngjarnt. En þetta er einmitt það sem gerist hvort sem er þegar hinir "heppnu" sem fá hluta af eigum sínum til baka þurfa að endurgreiða bætur fyrir þær (vaxtabætur) sem dreifast svo á hina sem voru ekki eins "heppnir" (verðtryggðir). En að sekta þá sem fengu eigur sínar, fyrir það eitt að vera heppnir... ég á enn eftir að heyra eða sjá einhver haldbær rök fyrir því.

P.S. ég held að Valsól sé annaðhvort gengistryggingartröll eða þá alveg að springa úr verðtryggingaröfundsýki.