Uppreisn gegn flokkseigendafélögum

Hluthafar í fjórflokknum hafa mjólkað bæjarsjóð í Kópavogi í langan tíma. Þar eins og um land allt eru borgararnir að rísa upp gegn þessu kerfi. Það er frábært framtak en þetta fólk hefur áttað sig á að spillingin er hvergi meiri en hjá sveitarfélögunum í landinu. Vinir og kunningjar í fjórflokknum hafa í raun fengið að vera á beit í bæjarsjóðum um land allt og tæmt þá hressilega.

Framtíðarmarkmiðið hlýtur þó að vera að koma sveitarfélögunum á öskuhauga sögunnar. Þau eru algjörlega óþarfur milliliður sem kostar almenning morðfjár.

Listi Kópavogsbúa gefur engin loforð

Athugasemdir

[Sigurður Grétar Guðmundsson, 14.5.2010 kl. 13:32]

Mikil lifandis ósköp er þessi gamla "klisja" um fjórflokkinn orðin útjöskuð. Sem fyrrum Kópavogsbúi get ég ekki látið hjá líða að benda þér á að í næstum 2 áratugi hafa aðeins 2 flokkar ráðið öllu í Kópavogi, Sjálfstæðisflokkur og Framsóknarflokkur. Nær væri  að segja að síðari hluta þessa tímabils hafi leiðtogi Sjálfstæðisflokksins og bæjarstjóri, Gunnar I. Birgisson, verið nær einráður í Kópavogi, svo lítilsigldir hafa meðreiðarsveinar og meyjar hans í flokkunum tveimur verið.

Ég get engan veginn skilið hvað fjórflokkurinn kemur bæjarmálum Kópavogs við, þar hafa Samfylking og Vinstri grænir nánast verið útilokuð frá öllum áhrifum enda stöðugt í minnihluta.

Og nú er svo komið að eftir  samfelldan valdaferil Sjálfstæðisflokks og Framsóknarflokks í nær 2 áratugi er Kópavogsbær komin undir eftirlit ráðuneytis sveitarfélaga vegna hættulegrar  skuldastöðu.

[Árni Þór Björnsson, 15.5.2010 kl. 20:53]

Sveitarfélög eru ekki milliliður heldur tengiliður. Í sveit.

Á höfuðborgarsvæðinu á bara að sameina þetta í eitt.

Mér líst annar vel á hugmyndir Y-listans og framboð. Hvað stoðar að hlaupa eftir loforðum sem eru lygi ein. Betra að lofa minna og láta verkin tala.

[Vendetta, 16.5.2010 kl. 14:45]

Ég bý í Kópavogi og myndi ekki láta mig dreyma um að kjósa neinn af þessum fjórum flokkum, B, D, S og V. Ég treysti Krötunum og kommúnistunum engan veginn betur til að stjórna bænum en Íhaldinu og Afturhaldinu. Þannig að ég mun hiklaust kjósa Y-listann. Ekki aðeins vegna þess að ég hef útilokað hina fjóra flokkana (og Næstbezta flokkinn), heldur vegna þess að mér lízt vel á þeirra markmið.

[Einar Guðjónsson, 16.5.2010 kl. 16:21]

Sigurður hugmyndafræði þessara flokka er sú sama. Ef þú skiptir Kópavogi út og setur Hafnarfjörð í staðinn og Lúðvík í staðinn fyrir Gunnar og S í staðinn fyrir D. Þá er komin frásögn um Hafnarfjörð sem er alveg jafnrétt og athugasemd þín um Kópavog.