3 borgarar með í prófkjörinu

Samkvæmt þessum lista virðast 3 bjóða sig fram í þessu prófkjöri sem ekki eru starfsmenn Reykjavíkurborgar. Bjarni Karlsson, Hjálmar Sveinsson og Reynir Sigurbjörnsson rafvirki. Reynir gæti þó verið rafvirki hjá Reykjavíkurborg.

Allt þetta fólk nýtur greiðslna frá Reykjavíkurborg og má því segja að starfsmennirnir séu að taka yfir hreppsnefndina og lítil von til þess að venjulegir borgarar verði á framboðslista Samfylkingarinnar. Þarna er t.d. engin sem hefur reynslu af rekstri, engin sem vinnur á elliheimili eða barnaheimili. Aðeins

kerfisfólk sem hefur komið sér í álnir í borgarkerfinu. Það á í raun að banna starfsmönnum borgarinnar að bjóða sig fram til setu í hreppsnefndinni því þeir sitja alltaf beggja vegna borðsins. 

 Það skal tekið fram að þetta er ekkert betra á meðal frambjóðenda í prófkjöri Sjálfstæðisflokksins. Þar keppa starfsmenn Reykjavíkurborgar einnig um öll sæti á framboðslistanum.

Allt eykur þetta á hættuna á spillingu og sjálftökulýðræði.

    Að lokum legg ég til að sveitarfélögin verði lögð niður í núverandi mynd.

P.s.

Mér hefur verið bent á að Sigrún Elsa hafi rekið ferðaskrifstofu Orkuveitunnar en það getur þó varla

talist vera einkarekstur. 

 

13 í framboði hjá Samfylkingu í Reykjavík

Athugasemdir

[Svarar Jónsson (IP-tala skráð) 16.1.2010 kl. 21:07]

Furðurleg afstaða að störf eigi að hindra framboð manna. Alveg út í hött.

[Einar Guðjónsson, 16.1.2010 kl. 21:18]

Það þykir þvert á móti eðlilegt í miklum lýðræðisríkjum. Íbúar í Washington hafa ekki kosningarétt til þings eða Öldungadeildar. Talið eðlilegt vegna nábýlis við þingið. Held að þessi hugmynd sé góðra gjalda verð og kæmi í veg fyrir spillingu. Nú hefur engin eftirlit með störfum þeirra. Þess vegna hafa þeir komist upp með að láta greiða varaborgarfulltrúum 300. 000. kr í meðgjöf á mánuði alveg sama þó hann sé ekki kjörin.

[Jóhannes Ragnarsson, 16.1.2010 kl. 22:29]

Verður ekki að halda til haga að Bjarni og Hjálmar eru ríkisstarfsmenn? Sem slíkir standa þeir jafnfætis borgarstarfsmönnunum.

Það er ekki annað að sjá en borgarastéttin sé mætt til leiks hjá Samfylkingunni, sem varð til við samruna tveggja stjórnmálaflokka sem kenndu sig við alþýðu. Þetta er svona eins og ekkert kæmi úr júgunum á kúnum nema undanrenna.

[Einar Guðjónsson, 16.1.2010 kl. 23:24]

Bjarni er sjálfsagt á launum hjá Þjóðkirkjunni en hún skipti á jörðum gegn framlagi frá Ríkinu. Þannig að hann er ekki ríkisstarfsmaður. Hjálmar er / var ríkisstarfsmaður. Hinir  hafa verið launaðir vara og borgarfulltrúar utan tveir sem eru verkefnastjórar hjá borginni. Það er annað orð yfir pólitíska ráðningu en þau störf eru ekki auglýst, né býðst öllum að óska eftir að verða ráðnir sem verkefnastjórar hjá borginni. Í þessu samhengi finnst mér munur á að vera ríkisstarfsmaður eða á pólitísku kaupi frá Reykjavíkurborgar.