Símsvari fyrir þingnefnd

Viðskiptaráðherrann talaði máli bankaræningjanna á opnum fundi viðskiptanefndar í morgun. Hann hefði bara getað sent segulbandsspólu með upptöku af ræðunni sem hann flytur eftir að hann laug sig inn í ríkisstjórn. Til að kóróna allt saman fékk hann Askar kapital til að vinna skýrslu til hjálpar verðtryggingunni. Alltaf að hugsa um vini sína á kostnað almennings og ríkissjóðs.

„Yfirheyrsla yfir verðtryggingunni“

Sjónarspil

Þetta leikrit í Ráðherrabústaðnum er bara sjónarspil og frekar slappt handrit. Engin tilþrif, enginn Seðlabankastjóri kallaður inn á fund, enginn úr ASÍ klíkunni, enginn kallaður til að lesa á heitavatnsmælinn í húsinu. Ríkisstjórn Haardemans mátti þó eiga það að hún var aðeins betri í sjónleikjagerðinni. Kallaði til ýmsa sem voru látnir sjást í mynd til að gefa fundum sínum yfirbragð um að þeir væru um eitthvað. Einu tilþrifin sem sáust voru tilþrif hins elliæra Landbúnaðarráðherra sem gerði sig líklegan til að neita að hætta. Veit sjálfsagt að Ráðherradómur gefur betri eftirlaun í vasann.

Fyrst að hér er á annað borð höfð ríkisstjórn þá finnst mér að þeir ættu að leita til betri handritshöfunda. Fá t.d. Ingva Hrafn til að skrifa paródíu eða láta aðstoðarmennina skrifa handritið. Eða bara hina 9 blaðafulltrúa, geta þeir ekki skrifað eitthvað ?

Breytingar ræddar áfram

Hægt að sleppa þessum fundi.

Þetta er auðvitað kjánalegt hjá Ríkisstjórn sem er ekkert að gera nema dæla peningum inn í bankana. Það þarf ekki nema mann í hlutastarfi til að vera Ríkisstjórnin því ekki er hún að gera neitt. Sniðugt væri líka að vera bara með sjálfsala inn á skrifstofu hjá AGS en hann gæti séð fullkomlega um allt sem Ríkisstjórnin '' gerir''. Steingrímur gæti svo verið alla föstudagseftirmiðdaga við launaskrifstofu Ríkisins til að koma vinum sínum og kunningjum á spenana. Sjálfsali væri mikill peningasparnaður og örugglega skilvirkari heldur en stjórnin og stjórnarráðið.

Ríkisstjórnin fundar enn

Áfram ónýtt ?

Stjórnarráðið er ónýtt og gagnslaust og þess vegna vilja auðvitað VG hafa það áfram og '' almenningur'' um allt land eins og segir í tilkynningunni. Hef nú ekki alveg kynnt mér  svo vel sé þessar tillögur en það er alveg ljóst að breyta þarf Stjórnarráðinu. Núna er það bara ónýtt en samt yfirfullt af fólki sem kostar milljarða. Kannski getum við samið við Færeyinga eða Dani um að þeir taki að sér að reka n.k. símsvara fyrir Stjórnrráð Íslands.

Breytingar á stjórnarráðinu mæta andstöðu

Komast yfir sveitarsjóðinn ?

Sennilega kemst Besti flokkurinn yfir sveitarsjóðinn í Reykjavík og kominn tími til. Flokkurinn getur ekki verið verri kostur en kassaflokkarnir sem hingað til hafa ráðið. Fjórflokkurinn hefur bara snúist um að fita hina 30 borgarfulltrúa hans í Reykjavík. Skattféð hefur verið notað í  verkefni fyrir Baug og til að kosta prívat ferðalög borgarfulltrúanna. Að auki hefur örlítill hluti skattpeninganna farið í verkefni sem skylda hvílir á sveitarfélögum að sinna. Sorglegt hvernig borgarfulltrúum hefur tekist að eyðileggja trú borgaranna á Reykjavíkurhreppi . Milljón króna framkvæmdastjórar vinavæðingarinnar  hafa þó átt stóran þátt í því líka.

Besti flokkurinn kynnir lista sinn

Landhreinsun

Auðvitað er gott fyrir Ísland að vita að skemmdarskrínið Halldór er ekki hér lengur en spillingarkosnaðurinn sem landið ber á eftir er yfirgengilegur. Svo hefur honum nú tekist að setja sig niður í Danmörku þangað til hann verður framseldur. Að vísu er hann þar í vinnu  hjá okkur og komst í hana fyrir sakir Íslandskvótans. Enginn verðleikaráðning þar frekar en annars staðar þar sem Halldór er. Sorglegt til þess að vita að sameiginlegt skattfé Norðurlandanna skuli tryggja hans framfærslu þar.

Um leið er hann í raun fulltrúi allra íslendinga í Kaupmannahöfn sem er auðvitað sorglegt fyrir Ísland og íslendinga.

Kannast ekki við handstýringu

Bara fréttatilkynning ?

Nú verða blaðamenn að fylgja þessu eftir til að kanna hvort þau muni gera þetta. Akureyringum getur varla verið alvara að endurnýja umboð hennar í næstu kosningunum og ætti sú niðurstaða að kjósa hana ekki að vera sjálfgefin alveg óháð þessu máli. Akureyringar hljóta að geta kosið eitthvað aðeins betra. Er engin Besti flokkur Ólínu komin fram með lista á Akureyri ? Hvað með Skriðjöklana ? geta þeir ekki sett saman lista með duglegu og heiðarlegu fólki ?

Fella kaupmálann úr gildi

Allar góðar fasistastjórnir..

Fasistastjórnin sem hér situr að völdum hefur gert flest rétt og í anda fasismans. Eitt eða tvö atriði standa þó utan. Allar handbækur fasismans mæla með því að lækka áfenga drykki og tóbak til að halda lýðnum fullum. Þannig  er passað upp á að löngunin  og getan til að mótmæla hverfi eða minnki mikið. Þetta er auðvitað að koma ríkisstjórninni í koll í eiginlegri og óeiginlegri merkingu.

7,8% samdráttur í áfengissölu

Áfram bestir í spillingu

Ísland er áfram í fararbroddi þegar kemur að spillingu og það er útaf fyrir sig frábær árángur hjá ekki stærri þjóð. Þetta er í rauninni eina sviðið þar sem við höfum afgerandi forskot. Þessi árangur sýnir um leið að eingu skiptir hverjir stýra landinu.

Eftirfylgni Íslands óviðunandi

Stimpilstofnun

Ríkisendurskoðun er  sú stofnun Ríkisins sem stimplar bullið. Reglur um að tilkynna beri framlög eru að vali frambjóðenda. Ríkisendurskoðun sannreynir ekki neitt nema beðið sé um það en gefur bullinu iðulega trúverðugleika. Þetta var sérlega algengt þegar stofnfjáreigandinn Sigurður Þórðarson sá um að stimpla gjörninga stofnunarinnar. Sigurður stimplaði allt sem hann var beðinn um að stimpla af fína fólkinu. Frægastur er hann fyrir að fullyrða að þýskur banki væri að  kaupa Búnaðarbankann. Þetta gerði hann

þrátt fyrir að endurskoðaðir reikningar þýska bankans neituðu því. Sigurður fékk í staðinn góða þjónustu hjá ákæruvaldinu sem sótti fyrir hann einkamál þegar hann var að auðgast á því að selja sjóði SPH sem hann átti aldrei neitt í. Samt fékk hann að ganga frá með hundrað milljónir í vasanum sem Baugur borgaði honum fyrir stofnfjárbréf líknar og menningarfélaga í Hafnarfirði. Auðvitað á að taka eftirlaunin af Renda.

Ríkisendurskoðun: Vegna fjölmiðlaumræðu