Góð stefnumál

Þetta eru allt ágæt stefnumál hjá Besta flokkinum og Jón Gnarr er reyndur stjórnandi. Hefur stjórnað kvikmyndagerð, skrifað handrit ( ræður ? ), staðið fyrir tónleikahaldi og fleiru. Í raun er engin nema Besti Flokkurinn með alvöru stjórnendur á lista. Flestir frambjóðendur hans eru þrælvanir stjórnendur sem hafa komist áfram á verðleikum með sín verkefni en ekki fyrir sakir flokkskvóta.

Jón Gnarr: „Ég er stoltur“

Sanngjörn úrslit verði þau svona.

Besti flokkurinn er auðvitað með listann sem almenningur getur mest samsamað sig við. Fulltrúar hans hafa ekki verið á beit í borgarsjóði eins og hinar fámennu klíkur sem standa á bak við lista fjórflokksins SDHBV. Þetta er allt fólk með reynslu af að standa á eigin fótum og flestir með mikla skipulagshæfileika. Jón Gnarr t.d. hefur komið nokkrum kvikmyndum saman ásamt hópi aðstandenda. Sú reynsla dugir honum fyllilega til þess að stýra borginni. Veit að hann hefur aldrei séð aðra eins launatékka og borgin mokar nú út til vin SDHBV listans í framkvæmda og verkefnisstjóra stólunum hjá Borginni. Þar getur hann mokað út og sett talhólf eða ódýra símsvara í staðinn. Fyrir mánaðarlaun  borgarframkvæmdastjóra má setja upp heila tónleikaröð án vandræða.Eða hjálpa 40 fjölskyldum. Þá hefur hann líka vit á auglýsingamálum og gæti því auglýst störf hjá borginni áður en ráðið er í þau. Allt væri það nýtt fyrir Reykvíkinga. Samkvæmt könuninni virðast aðeins borgarstarfsmenn ætla að kjósa SDHBV listann enda vilja þeir sjálfsagt þakka fyrir vinnuna

Besti flokkurinn með 8 fulltrúa?

Klíkuráðning

Auðvitað var þetta klíkuráðning eins og aðrar ráðningar í stjórnsýslunni. Því miður virðast allir '' leikararnir'' ekki hafa farið með handrit eins og AGS  félag Samfylkingar og VG hafði fengið það í hendur. Miklu einfaldara hefði verið fyrir VG banka og AGS að segja bara eins og áður að ráðningin og kaupkjörin séu skv. tilskipun frá ESB eða í samræmi við samstarfssamning Íslands og AGS. Yfirleitt eru klíkuráðningar réttlætar með því, líka þegar redda þarf starfi og stofna þarf nýja Ríkisstofnun þá bera þingmenn og ráðherrar  fyrir sig að nýja  stofnunin hafi verið skv. tilskipun frá Brussel.

Embættismenn á nefndarfund

Rökrétt

Þetta er mjög rökrétt niðurstaða en kjósendur um allt land eru orðnir uppgefnir á '' fína'' fólkinu í fjórflokknum sem setið hefur á beit í bæjarsjóðum um allt land. Sogið allt út úr þeim fyrir vini og kunningja og sig sjálfa. Pólitíkusar eins og Sigrún Björk verða auðvitað aðeins til fyrir andvaraleysi í kjósendum. Þeir komast því inn fyrir tóman misskilning. Kjósendur hafa nú vaknað og gefa rauða spjaldið. Einu kjósendurnir sem halda áfram að kjósa gamla spillta settið eru þeir sem fjórflokkurinn réði sem bæjarstarfsmenn eða nærri helmingur kjósenda.

L-listinn stærstur á Akureyri samkvæmt könnun

Ávallt sofandi

Ávallt sofandi eru einkunnarorð talhólfsins í  Viðskiptaráðuneytinu og það sér hvorki né heyrir. Hér eru bankarnir að endurreisa fákeppnisfyrirtækin og okurfyrirtækinu í löngum bunum. Allt eftir hinu sér íslenska ákvæði sem gengur út á að sniðganga lögin og reglurnar og tala sig saman um verð. Vonandi verður Viðskipta og Efnahagsmálaráðuneytið lagt niður fljótlega og Gylfi getur þá orðið forstjóri í fákeppnisfyrirtæki sem okrar á almenningi. Þar getur hann sofið löngum stundum enda tryggir ríkið okrið. Er ekki Orkuveitan ágæt fyrir Gylfa ? eða Húsasmiðjan ?

Ekki aftur skuldasamsteypur

Hann af öllu fólki ?

Hér tjáir sig stofnfjáreigandinn í SPRON sem hefur í störfum sínum gengið fram í að passa upp á að okrað sé á almenningi. Fyrst í borgarstjórn Reykjavíkur og nú á þjóðþinginu og hafði svo aldrei neina skoðun á kaupum Geysis Green á hlutnum í Hitaveitu Suðurnesja.

Óttast hærra orkuverð til almennings

5 eintök ?

Ætli þetta sé sala upp á 5 eintök eða 15 ? læt mér detta í hug að þau hafi verið keypt af þingmönnum Sjálfstæðisflokksins fyrir ritfangaféð sem þeir fá og svo hefur Borgarbókasafnið sennilega keypt 5. Ritdómarar eru sammála um að bókin sé ekki merkilegur pappír. Ætla sjálfur að fletta henni þegar hún kemur  á bókasafnið. Fréttin er annars eftirtektarverð því mig rekur ekki minni til að Mogginn hafi gert sérstaka frétt um hvaða bók fer beint í fyrsta sætið. Kannski er Mogganum brugðið við þessi tíðindi því sennilega selst bókin betur í Eymundsson heldur en Mogginn.

Bók Styrmis mest selda bókin í Eymundsson

Skuldbindur aðra fyrir 102 milljónir Evra

Allt í einu vakna íslendingar upp við það að Már nokkur Guðmundsson er búinn að skuldbinda skattborgarana um  hálfan milljarð  evra eða um fleiri fleiri milljarða vinnustunda. Már ætlar ekki að borga þetta sjálfur svo mikið er víst því hann tilheyrir fína fólkinu, nómenklatúrunni sem veður um ríkis og sveitarsjóði á skítugum skónum til hagsbóta hér fyrir skjólstæðinga AGS. Veit þjóðþingið af þessu ? Að Már sé búinn að skuldbinda Ríkissjóð til að greiða þessar upphæðir ? Örugglega ekki, ætlar Þórshafnarhreppur að borga þetta ?

Styttist í þriðju endurskoðun AGS

Ónýt skuldabréf keypt á yfirverði.

Vonandi verður Már dæmdur til að greiða þessi bréf sjálfur og það er með ólíkindum af hverju Efnahagsbrotadeildin er ekki komin í Seðlabankann. Þarna tekur einstaklingur upp á sitt eindæmi að sér að kaupa ónýt skuldabréf með skuldabréfagreiðslu upp á 402 milljónir Evra. Ef Már sjálfur er aðalskuldarinn þá er þetta auðvitað hið besta mál fyrir eigendur þessara bréfa að minnsta kosti í bókunum. Þarna er hinsvegar á ferðinni að einn maður er að skuldbinda ríkissjóð um milljónir í gjaldþrota Seðlabanka án þess að nokkur annar komi að málinu. Hefur þjóðþingið samþykkt þessa skuldbindingu í nafni ríkissjóðs ? Má Seðlabankinn vera í svona braski ?

Ríkið kaupir skuldabréf í Lúx

Hvar er Efnahagsbrotadeildin ?

Miklu einfaldara er fyrir hinn almenna félagsmann að kæra til lögreglu  þessi gjafakaup stjórnenda lífeyrisjóðanna á skuldabréfum vina og kunningja. Þessi stjórn með alla helstu tortímendur lífeyrissjóðanna innan borðs ætlast ekki til að neitt komi út úr þessari nefnd sem ''hún'' ætlar  sjálf að skipa. Er þetta ekki gamalkunnugt stef ?

Skil raunar ekki enn af hverju Efnahagsbrotadeildin er ekki með fasta  starfstöð  á skrifstofum Lífeyrissjóðanna.

Starfshættir lífeyrissjóðanna verði rannsakaðir