Svipta þá starfsleyfi.

Það eina rétta er auðvitað að svipta þessi fyrirtæki starfsleyfi, loka þeim og sekta til andskotans. Það sama á að gilda um '' bankana''  og gildir um önnur fyrirtæki. Apotekarinn verður að veita eftirlitinu aðgang , annars er hann sektaður. Matvælafyrirtæki verða að fara að lögum.

Neitaði eftirlitsnefnd um upplýsingar

Ekki að gera við þá.

Mikilvægt er að gera ekki við Ráðherrabílana. Við að virða fyrir sér bílana á hverjum degi gæti gert það að verkum að Ráðherrarnir muna eftir þjóðinni eitthvað áfram. Þannig þarf sjálfsmyndin ekki að mótast af viðkynningu við aðstoðarmenn og návini.

Ráðherrabílar illa útleiknir

Brandari ?

Hve fáir hafa notið réttinda skv. lögum um aðstoð við heimili og fyrirtæki í kjölfar bankahrunsins er brandari. Sýnir að bankarnir eiga ekki að hafa starfsleyfi. Þetta eru lög í landinu og fari bankarnir ekki eftir þeim þá á FME að svipta þá starfsleyfinu.

Bankarnir hafa dregið lappirnar

Eignarréttur á þýfi verði stjórnarskrárbundinn.

Á meðan Steingrímur situr í stjórnarráðinu þá gerist það eitt að eignaréttur bankaeigenda  á þýfinu verður bundinn í stjórnarskrá. Það kann vel að vera að hægt sé að notast við Ögmund en það er allt of dýrt fyrir þjóðfélagið og almenning að hafa Steingrím og Jóku og þeirra fóla í brúnni. Á meðan svo er gerist ekkert. Það þýðir hinsvegar ekki að nokkur vilji sjá flokksbræður Björns Bjarnasonar eða Finns Ingólfssonar í brúnni.

Lofi ekki upp í ermina á sér

Tíðindin koma að utan.

Gott að einhverjar fréttir koma þó, en ríkisstjórnin á ekki í neinum samskiptum við borgarana um að hún hyggist ekkert gera. Borgararnir verða að lesa um áhugaleysi hennar í árskýrslum og erlendum fjölmiðlum. Steingrímur er svona stimpilráðherra sem er bara ánægður með að vera í sviðsljósinu en hefur auðvitað enga þekkingu á þjóðfélaginu. Einhver hefur þó logið því að AGS að fasistastjórnin sem hér ræður sé að gera eitthvað fyrir heimilin í landinu.

Engin fleiri úrræði

Tíu árum of seint.

Gegnir furðu að bílalánafyrirtækin skuli ekki hafa verið svipt starfsleyfi fyrir löngu því svo forhert hafa þau verið alla tíð í s.k. uppgjörsmálum. Að mínu viti  hafa uppgjörsmálin alltaf verið sakamál þar sem uppgjörsorðið hefur verið misneyting. Það er í raun mjög einkennilegt að Efnahagsbrotadeildin skuli ekki hafa haft fasta starfsstöð á skrifstofu forstjóra þessara fyrirtækja.

Skuldari njóti góðs af hagnaði

Þingmenn og framkvæmdavaldið af launaskrá.

Í kínverskum lækningum þá fær læknirinn greitt kaup þegar sjúklingur hans er frískur og góður til heilsunnar en ef að sjúklingurinn veikist þá fær læknirinn ekkert kaup á meðan hann er veikur.

Held það sé mikilvægt á Íslandi í dag að svipta þingmenn og helstu pótíntáta framkvæmdavaldsins kaupinu. Senda þá á atvinnuleysisskrá eða neyða þá til að fara bónleiðir til hreppsins. Þannig öðlast þeir einhver tengsl við líf fjölmargra í landinu. Um leið gæti þessi aðferð hvatt þá til að leita lausna. Margir þingmanna eru auðvitað spilltir og það kemur ekki til með að væsa um þá, þeir eiga í sjóði hagnað af innherjaviðskiptum með stofnfjárbréf eða fengu að auðgast í  skiptum fyrir eftirlitsleysi. Að afsala sér kaupinu gæti líka orðið til þess að þeir færu að finna til samkenndar og samúðar með almenningi í landinu. Þeir fengju að kynnast því hvernig er að eiga við þá sem þeir hafa dælt peningum í: Bankana og innheimtuokrarana. Einhverjir þeirra þyrftu kannski að bíða í röð hjá Mæðrastyrksnefnd eða fjölskylduhjálpinni. Allt myndi þetta skila sér í breyttu verðmætamati og því að kannski létu þeir til sín taka og færu að vinna í þágu samfélagsins.  Svo þegar farið er að ganga betur og þjóðfélagið orðið heilbrigðara þá mætti hugsanlega fara að greiða þessum hópum laun aftur. Þannig yrði afkoma stjórnsýslunnar , framkvæmdavaldsins og þingmanna tengd heilsufari þjóðfélagsins.

Þetta á að gera áður en að finnska leiðin verður enn harðari en hún er þegar orðin s.s. með afnámi barnabóta.

Vill fund um niðurskurð

Engin vörn við okrinu.

Er virkilega hægt að hækka rafmagn á almenning án þess að nokkur eftirlitsstofnun komi nærri ? sýnir að almenningur er alveg varnarlaus gagnvart fákeppni og sukki sveitarstjórnardólganna ?

Raforkuverð hækkaði 1. október

Fulltrúi Nómenklatúrunnar frá 1987

Hér talar nómenklatúrkall númer eitt, fulltrúi þröngra sérhagsmuni sem kann ekki á lýðræðið. Búinn að koma vinum og kunningjum á beit í ríkissjóði og heldur að þess vegna gangi allt vel og þjóðinni miði vel áfram.

Sorglegt að hann telji sjálfur að hann sé það besta sem býðst. Miklu betra væri að fá bara erlendan skiptastjóra sem kann til verka.Fáránlegt að vera með spilltan kall til 35 ára að reka hér Fjármálaráðuneytið.

Óánægja vegna skuldavanda

Ég um mig frá mér til ?

Sorglegt að þjóðin skuli sitja uppi með þingheim eins og þennan. Fyrir hverja er þingið að vinna aðallega ? fjölskyldur þingmanna ? Deutche bank ? SP fjármögnun ? , kvótaeigendur ?

Ummælin sem fara í sögubækurnar eru auðvitað skrif Ólínu Þorvarðardóttur á Eyjunni í dag. Hún er á móti ofbeldi en áttar sig ekkert á því ofbeldi sem viðgengst hér í  nafni ríkisvaldsins.

Mótmælin settu svip á þingsetninguna