Missir beitaréttinn og segir sig úr flokknum.

Virðist sýna að vera þessarar '' Marcosfjölskyldu''  í Samfylkingunni hafi snúist um prívathagsmuni. Ef flokkurinn gerði allt fyrir mann sem maður bað um þá var í lagi að vera með. Þegar svo skiptidílarnir bjóðast ekki lengur þá er bara gengið í annan flokk eða farið á eftirlaun. Sýnir kannski í hnotskurn að flokkseigendafélagin eru bara í því að tryggja þrönga prívat og peningahagsmuni fyrir vini og kunningja auk þess að ganga erinda fjármagnseigenda.

Níumenningarnir geta ekki bara sagt sig úr þjóðríkinu eða Samfylkingunni í skiptum fyrir sýknu. Það getur ekki heldur kjötþjófurinn. Þessi fínikall getur það hinsvegar og er laus allra mála.

Hjörleifur sagði sig úr Samfylkingunni

Sviptum þá kaupinu.

Ef eitthvað á að koma út úr störfum þessa þings þá þarf strax að setja lög um að þingmenn verði sviptir kaupgreiðslu, jafnframt að tekjuhæstu hópar stjórnarráðsins verði lækkaðir í kaupi og fái aðeins 120 þúsund í mánaðarlaun. Með þessari aðgerð kæmist þingheimur sjálfur að því hvernig kjör alltof margir búa við í landinu.

Þá er ég viss um að lyklafrumvarpið yrði strax að lögum og þá yrði líka farið að  taka á málum í þjóðfélaginu.

Eggjum kastað í alþingismenn

Hlustar einhver á hana ?

Ingibjörg Sólrún er áfram sami hrokagikkurinn enda hefur hún efni á því. Þingmenn Samfylkingarinnar slógu skjaldborg um hana og báru fyrir sig ósannindi. Hún losnar þannig við að eyða tíma sínum í að verja sig fyrir Landsdómi. Allur almenningur á hinsvegar ekkert skjól hjá þingmönnum Samfylkingarinnar. Hann þarf að berjast fyrir því að missa ekki heimili sín eða er búinn að missa það. Þingmönnum Samfylkingarinnar finnst það allt í lagi.

Auðvitað átti að ákæra Ingibjörgu ásamt Geir en héðan af verður hún ekki sótt til saka nema í skaðabótamáli sem almenningur og fyrirtæki þurfa þá að höfða gegn henni. Áfram lifir gamla fúla spillta Ísland.

Mun eitra stjórnmálalífið

Tilheyrir ekki 2007 settinu.

Jónína var kosinn á þing eftir hrun og er því tiltölulega hrein. Sat ekki á þingi á árunum 2007 til 2009 en það voru hinir ''gömlu'' þingmenn sem réðu úrslitum um hvort ákært var eða ekki. Gamla settið ákvað að ákæra ekki Björgvin, Árna og Ingibjörgu.

Kaus öðruvísi og er stolt af því segir Jónína Rós

Fulltrúi skilanefndarinnar og Oddný hittu Guðríði flokkseiganda.

Á fámennum fundi flokkseigenda hitti Guðríður fyrir fulltrúa skilanefndarinnar og fulltrúa Samfylkingarinnar í þingmannanefndinni sem lagt hefur fram tillögu um að ráðherrarnir fjórir skuli sendir til fundar við Landsdóm.

Í sjónvarsfréttum kom í ljós að Guðríður þekkti ekkert til efnis Rannsóknarskýrslu Alþingis og hélt því fram að hún hefði fjallað eitthvað um vanrækslu ISG á Lögum um Ráðherraábyrgð. Margir fleiri Samfylkingarmenn hafa haldið þessu á lofti en þetta er einfaldlega rangt. Rannsóknarnefndin fjllaði aðeins um vanhæfi ISG skv. lögum um Rannsóknarnefndina enda var nefndinni fyrst og fremst ætlað að leiða hið sanna í ljós en vekja athygli saksóknara á hugsanlegum lögbrotum sem kynnu að hafa verið framin í aðdraganda hrunsins. Hún átti einmitt að forðast að fá menn til að játa glæpi sína fyrir henni. Þess vegna yfirheyrði hún aðallega vitni en ekki hina stóru gerendur.

Guðríður og Kópavogsvinirnir eignuðust hlutdeild í  flokksfélaginu fyrir tilstilli ISG og því er ekki að vænta að flokkseigendurnir í Kópavogi vilji að hún verði dregin fyrir Landsdóm.

Skiptar skoðanir um ákærur

Engin sem les hann.

Morgunblaðið ofmetur skoðanir BB og þýðingu þeirra í þjóðfélagsumræðunni. Björn  var einn hinna sofandi ráðherra á tíunda áratugnum. Komst áfram í vinnu og inn á þing vegna fjölskyldutengsla. Algjörlega ofmetinn alla tíð.

Skynsamlegast að rjúfa þing

Var aldrei ráðherra.

Ingibjörg Sólrún var aldrei ráðherra. Þetta kemur í ljós undir kvöld þegar hún sendir Greinargerð út og suður. Hinsvegar fær hún enn eftirlaun sem Ráðherra og enn eru vinir hennar í störfum hjá ríkinu sem hún skipaði þá í sem ráðherra. Eina undantekningin er Ellisif. Það er alveg greinilegt að hún er í algjörri afneitun en um leið sýnir þetta hve aumt hið andlega líf er í landinu. Ef þetta er það besta sem bauðst sem forsætisráðherraefni Samfylkingarinnar. Hve stórt hefði hrunið orðið ef brandarinn um hana sem Forsætisráðherra hefði orðið að veruleika. Væri Þjóðríkið í enn meiri skuld en Reykjavík eftir að hún yfirgaf hana ?

Skrifaði undir fyrir Jóhönnu

Eigendurnir ekki spurðir.

Hér er verið að vísa til  fundar '' eigenda'' fyrirtækisins. Hér er á ferðinni einhver vitleysa því verið er að vísa til fundar sem sveitarstjóradólgarnir sem rændu fyrirtækinu héldu sín á milli. Eigendur fyrirtækisins eru notendur þjónustu þess á samlagssvæðinu. Hinsvegar var því rænt af sveitarstjórnarmönnum sem keyrðu það í þrot ásamt og með umbjóðendum sínum Hjörleifi eða tveimur. Þeir stóðu saman í að skafa fyrirtækið að innan og skuldsetja það svo kaupa mætti verklausar túrbínur af vinum og kunningjum ( örugglega gegn kötti ).Hafa svo greitt sér arð sem notaður hefur verið í útlanda ferðalög sveitarstjórnarmanna. Skilið er eftir fyrirtæki sem er ofurskuldsett og komið í sögubækurnar sem umhverfissóði.

Eigendurnir komast ekki að eign sinni og sitja nú uppi með hæsta orkuverð frá veitu í Evrópu. OR var hinsvegar stofnuð til að  tryggja heimilum í Reykjavík ódýrt heitt vatn og rafmagn.

Arðgreiðslur OR felldar niður tímabundið

Skuldanesbörn í fóstur ?

Þetta er gott frumkvæði hjá markaðsstofunni. Væri líka sniðugt að reyna að fá útlendinga til að taka álversgrindina í fóstur. Þannig að skuldaklafinn eftir hina brjáluðu sveitarstjórnarmenn yrði tekinn af venjulegu fólki í Skuldanesi. Álversgrindin á auðvitað að fara á heimsminjaskrá til minnis um hinn afdankaða íslenska sveitarstjóradólg. Til ævarandi áminningar um hvernig hægt er að keyra samfélag í þrot með lýðræðislegum meirihluta kjósenda í Skuldanesbæ.

Bókunarþjónusta í Leifsstöð

Ónýt stjórnmálastétt.

Markaðs og auglýsingastjóri Ingibjargar telur hér að Landsdómsaðferðin hafi mistekist. Svo koma þessar venjulegu afsakir '' hefði átt að breyta lögunum eins og Jóhanna lagði til ...'' Skúli tilheyrir þeim sem hafa með sér meirihlutasamstarf um rekstur  og eignarhald á lista Samfylkingarinnar ti kosninga á Alþingi.

Skuli veit auðvitað að fyrning útilokar Davíð en það kann vel að vera að almenningur fari í skaðabótamáli gegn Davíð.

Ef þingmenn valda ekki verkefninu um Landsdóm þá eiga þeir að segja af sér, ef þeir gera það ekki þá eiga þeir að sameinast um kosningar svo hægt sé að lofta út í þinginu.

Tel að þessi tilraun hafi mistekist