Fín mynd af Handrukkaranum og skósveini hans

Þetta er ágæt mynd af Handrukkaranum og skósveini hans. Á myndinni virðist sem að þeir hafi náð að berja VG starfsfólkið til verka. Skósveinninn að stinga handritinu á sig og fer sjálfsagt og æfir framburð

og texta  þegar hann er komin heim í kvöld. Þarna  í handritinu eru sjálfsagt allar skiptingar og hvað hver þingmaður VG á að segja  og hvernig þeir eigi að greiða atkvæði. Allt þannig að þetta verði trúverðugt til að halda í andstæðinga Iceslave ábyrgðarinnar í næstu kosningum.

Hvorki fyrirvarar né frestun

Athugasemdir

[Jón Óskarsson (IP-tala skráð) 22.7.2009 kl. 21:56]

Þú skrifar eins og Davíð Oddsson lýsir kjósendum sjálfstæðisflokksins.  "Þeir muna ekki lengur en þjá mánuði aftur í tímann"

Voru það Steingrímur, Árni Þór og Jóhanna sem stofnuðu til skuldanna ?

Samkvæmt mínu minni var það undir stjórn útrásarinnar með Davíð og Geir í fararbroddi sem þessar skuldir urðu til. 

Þrjátíu milljarða viðskiptahalli við útlönd mánuð eftir mánuð, árum saman.

Heldurðu að það þurfi ekki að borga til baka sem búið er að ræna af öðrum þjóðum og við búin að eyða í jeppa, fjórhjól, trukka, húsbíla, utanlandsferðir og allt á myntkörfulánum fyrir svo utan það sem útrásin stal og kom fyrir í skattaskjólum og á nú að fara að spora uppi. 

[Jón Ingi Cæsarsson, 22.7.2009 kl. 22:28]

Kátbroslegt hvernig skósveinar Sjálfstæðisflokksins reyna að endurrita söguna.

Ómaklegt og ósmekkleg gagnvart mönnum sem eru að moka skítinn eftir Sjálfstæðisflokkinn og Davíð Oddsson.

[Einar Guðjónsson, 22.7.2009 kl. 22:36]

Sé ekki alveg hvaða erindi athugasemdin á við mína færslu. Gengi evru gagnvart kr

hefur verið að meðaltali 1 Evra á kr 96 frá árinu 1999.Árni og Steingrímur stofnuðu ekki til skuldanna en Árni fékk 100 milljónir af því sem stolið var af eigin fé SPRON ( Guðlegur stofnfjáreigandi á kr. 236.000. ). Jóhanna var á vakt þegar ránin voru framin. Allur almenningur stal engu, hann tók auðvitað lán m.v. að eftirlit væri með lánveitendum og að þeir væru ekki svikamyllur. Það er per se ekkert að því að taka lán eða vera neyslusjúkur  og kaupa til neyslu svo fremi sem tekjurnar standi undir því. Þetta fólk má vera það mín vegna.

Sannleikurinn er sá að áfram er allt sama fólkið í yfirmannstöðum í bönkunum á milljón plús og ekkert að gera nema vera á kafi í afneitun. Um þjóðfélagið allt má segja að það er gjörspillt og við höfum ekki kunnað að reka þjóðfélag í 30 ár. 10 vinnuár fara hér í að vinna fyrir vöxtum af heimiliskaupaláni. Við gerum það á 1850 stundum sem danir gera á 1500. Lágmarkslaun hér eru langt undir meðaltalsframfærslugrunni og meðallaun líka. Fákeppni og einokun á öllum sviðum: bankarekstri, olíusölu, matvöruverslun, flugrekstri. Okur á öllum sviðum.Fyrir hrun var hér annar hver maður að vinna hjá ríki eða sveitarfélagi.Samt er engin í vinnunni eða a.m.k. með hausinn á sér í vinnunni.

Við ráðum bara ekki við þetta verkefni að reka hér norrænt velferðarþjóðfélag enda erum við pakk og eigum ekkert sameiginlegt með Norðurlöndunum.Fyrsta skrefið í rétta átt er að viðurkenna að við séum pakk og svindlarar.Þaðan er svo hægt að ganga götuna fram á veg. 

[Einar Guðjónsson, 22.7.2009 kl. 22:38]

Jón Ingi, ég er ekki sá eini sem kallar Steingrím Handrukkara það hefur m.a. Einar Már gert líka. Hann situr með alla bankaræningjana í skilanefndunum og bankaráðunum ( flestum ) og rukkar svo skuldir þeirra hjá aðstandendum og almenningi.

[Sævar Einarsson, 22.7.2009 kl. 23:10]

Það er regluverki EES og ESB um að kenna hvernig fór, það var meingallað og það vita Bretar og Hollendingar, þess vegna þrýsta þeir á að við skrifum undir þetta strax svo þetta verði ekki vísað til dómstóla þar sem þessu verður alfarið vísað til föðurhúsanna.

[assa (IP-tala skráð) 22.7.2009 kl. 23:17]

Ábyrgðarmaðurinn hlýtur að vera sá sem endanlega kvittar fyrir að ætla sér að greiða lánið, í þessu tilviki...hvað sem það kostar.  Ég hef verið virkur skattgreiðandi í fjölda ára, en get lofað Steingrími því að ég mun ekki taka þátt í þessari vitleysu að borga Iceslave. Jafn leiðinlegt og mér þykir það að með því að heita þessu þá lendir því meira á börnum mínum og barnabörnum ef þau sjá sér vært að búa hér á landi, en sumt er bara ekki hægt að láta kúga sig til að gera. Ég mun gera allt sem í mínu valdi stendur til að greiða sem minnst af tekjum mínum í þetta. Hvernig ég fer að því á eftir að koma í ljós. Kannski verð ég að flytja úr landi til þess. Hvar skyldi nú eiga að fá peninga upp í þennan rausnarskap Jóhönnu og Steingríms ef fleiri hugsa sem ég.

[Arnmundur Kristinn Jónasson, 22.7.2009 kl. 23:20]

Jón Ingi! 

Ég er þér innlega sammála um að margt í sögunni hefði mátt fara á annan veg og þar leynist ýmislegt sem er Sjálfstæðisflokknum síður en svo  til sóma.

En mér finnst það jafn hallærislegt hjá ykkur í varðhundadeild Samfylkingarinnar að tönnlast sífellt á þessu.  Fortíðinni verður ekki breytt úr þessu. Hafiði virkilega ekkert málefnalegt fram að færa? Við lifum í nútímanum og hann skiptir okkur mestu, ásamt auðvitað framtíðinni.

Vissulega þarf að moka skít, en því miður virðist sem gröfumennirnir séu að grafa í öfuga átt sem hæglega gæti endað með kaldri gröf fyrir okkur og afkomendur okkar.  

Hvernig væri nú að snúa hausnum í hálfhring og horfast í augu við þann nöturlega raunveruleika sem alls staðar blasir við. 

[Sævar Einarsson, 22.7.2009 kl. 23:21]

Það getur enginn skuldbundið landsmenn að borga eða gangast í ábyrgðir af neinu tagi nema það sé lögfest af alþingi, það staðfest af forseta og síðan birt í stjórnartíðum, þá fyrst verður það löglegt, aðrar undirskriftir, samningar eða hvað sem það heitir skuldbindir aldrei þjóðina öðruvísi.

[Einar Guðjónsson, 22.7.2009 kl. 23:34]

Samningurinn er auðvitað samþykktur af mönnum með mikla minnimáttarkennd gagnvart útlendingum.

[Whatsername (IP-tala skráð) 23.7.2009 kl. 01:13]

Sammála Arnmundi.  Alveg er ég orðin skelfilega þreytt á að hlusta á þessa tuggu um að núverandi ríkisstjórn sé að moka skítinn eftir Sjálfstæðismenn.

Samfylkingin var líka í síðustu ríkisstjórn og fór þar með mikilvæg ráðherraembætti og einnig sat Ingibjörg Sólrún um skeið í bankaráði Seðlabankans.  Ekki má minnast á það, nei, það er engu líkara en að Samspillingin hafi verið að komast til valda núna í fyrsta sinn.

Rétt er að það þarf að hreinsa til, en ÞAÐ SKIPTIR MÁLI HVERNIG ÞAÐ ER GERT!!!  Núverandi ríkisstjórn er með ótrúlegu getuleysi og undirlægjuhætti, að ekki sé minnst á hroka, leynimakk og virðingarleysi við þjóðina - að standa sig verr en maður ímyndaði sér í sínum villtustu draumum.

[Einar Guðjónsson, 23.7.2009 kl. 10:06]

villtustu martröðum ?? Whatsername ??