Ríkissjóður skafinn að innan fyrir Renda

Gylfi Magnússon fínikall úr Háskólanum ákvað að auka beingreiðslur til 6 einstaklinga sem hann skipar í stjórn einhvers sem Nómenklatúran kallar Fjármálaeftirlit. Fjármálaeftirlit var hér ekkert á meðan í landinu var bankastarfsemi en nú hefur verið ákveðið að auka velferðargreiðslur til einhvers sem kallað er Fjármálaeftirlit.Þetta gerist þrátt fyrir að hér sé engin bankastarfsemi í landinu, að vísu eru ræningjahópar sem með pappírshandrukkun rukka eins og þeir geta af s.k. gorkúlulánum til fjölskyldna sem fengu peninga til að verða sér úti um heimili. Strákarnir hafa sett yfir það stjórn og ráðið þangað fullt af '' háskólamenntuðu '' fólki. Stjórnina skipa klíkuráðnir heimdellingar úr öllum flokkum og nú hefur fjárlaganefnd ákveðið að veita þeim auknar beingreiðslur úr ríkissjóði. Þannig hljóðar velferðarfrumvarpið um stjórn FME upp á að allir þessir fái hver um sig 4 milljónir í eftirlaunagreiðslur úr ríkissjóði. Þessar aumingjagreiðslur til þessara 6 einstaklinga eru smánarblettur á Alþingi og öllum sem þar sitja. Skora á þingmenn að samþykkja bráðabyrgðalög um að setja stjórnina af '' med det samme''. Síðast en ekki síst þá er þessi ráðstöfun móðgun við alla íslendinga.
P.s. vonandi er þetta ekki R.E.N.D.I sá hinn sami og var klíkuráðinn sem ríkisendurskoðandi en skóf svo líka SPH að innan í frítíma sínum.

Gylfi hækkaði launin en ekki Árni Páll

Athugasemdir

[Anna Sigríður Guðmundsdóttir, 2.12.2011 kl. 22:54]

Mér finnst trúlegra að Gylfi Magnússon eigi "heiðurinn" að þessari hækkun, heldur en Árni Páll. Það er nefnilega svo margt í fari Árna Páls sem bendir til að hann sé heiðarlegur og vilji vel. Hann er bara í vondum félagsskap, og hefur ekki haft sjálfstæði og kjark til að brjótast út úr þeim rotna félagsskap.

Það virðist vera í tísku á stjórnarheimilinu að skipta um fólk, þegar kemur að því að láta sökina lenda á saklausum eftirmönnum, eða koma svikulum eftirmönnum að í stjórnsýslunni.

Kennitöluflakk þykir þessum háskóla-hámenntuðu fræðingum Háskóla-ræningjastofnananna líka mjög sniðugt svika-bragð til að blekkja og halda áfram að ræna almenning, og jafnvel skynsamlegt, að því er virðist! Lögin í landinu virðast ekki vera til þess gerð að vernda réttlætið og almenning. Ekki þýðir að kæra afbrot háttsettra manna gegn þeim sem minna eiga. Fátækt fólk hefur ekki peninga til að borga verjendunum.

Er Ísland réttarríki?

Það eru gjörspilltar, úreltar, ólöglegar og ónothæfar aðferðir notaðar við að stjórna landinu!

Ég minni á vef Jóhannesar Björns: vald.org.

M.b.kv.

[Einar Guðjónsson, 3.12.2011 kl. 01:04]

Anna, nær allt þetta fólk er í fullri vinnu hjá ríkinu og stingur svo af úr vinnunni til að ná sér í mat og vín á fundum stjórnar fjármálaeftirlitsins. Stjórnin ber enga ábyrgð og hefur enga þýðingu. Í raun þessu fólki öllu til skammar að þiggja þessi laun.

[Jón Óskarsson, 3.12.2011 kl. 11:22]

Já svo vondur ráðherra var Gylfi að það er jafnvel ástæða til að mæra Árna Pál vegna þess.   Báðir eiga þó eitt sameiginlegt.  Það er að vera óhæfir ráðherrar.  

Þetta var ekki ekki eina "góðverk" Gylfa.   Nánast á fyrsta degi sínum sem ráðherra þá hækkaði hann að eigin frumkvæði öll gjöld í reglugerð um innheimtulög.  Þar með í skuldakreppunni sem var þá nýbyrjuð, hækkaði allur kostnaður á skuldara í vanskilum og voru gjöldin þó ærin fyrir af hálfu fyrirrennara hans í embætti Björgvins G. Sigurðssonar.  

Það eina sem Björgvin gerði í sinni ráðherratíð var að setja Innheimtulögin og var svo hátt í ár að semja reglugerð í framhaldi af þeim.

Gleymum ekki helsta afreki Árna Páls áður en við gleymum okkur í því að tala um hvað hann sé góður maður.   Hann setti lögin frægu um afturvirkan útreikninga vaxta á ólöglegu lánin.  Þau lög gera það að verkum að kröfuhafar fá í flestum tilfellum sömu fjárhæð og stökkbreyttu gengistryggðu lánin gáfu þeim og oftar en ekki hærri fjárhæðir.  Semsagt skuldarar sukku ennþá dýpra.

Ekkert af þessu réttlætir þó að leggja niður Efnahags- og viðskiptaráðuneytið og setja það undir Fjármálaráðuneyti.   Slíkt myndi algjörlega toppa spillinguna í stjórnmálum og stjórnun efnahagsmála landsins.