Þjóðnýta á íbúðarlánin.

Úr því sem komið er þá er sennilega fljótlegast að ríkið þjóðnýti íbúðar og fyrirtækjalánin í landinu og greiða eigendum þeirra hrakvirði þeirra. Þetta myndi þýða að lánin lækka um helming og ástandið verður viðráðanlegt.Um leið á að leggja niður þvingunarbrunatryggingar en þær þvinga heimilin til að niðurgreiða starfsemi tryggingarfélaga um 13. milljarða á þessu ári. Við þá aðgerð eina fengju heimilin 13 milljarða í vasann.Hvorutveggja er fljótgert og engin er snuðaður. Þá er sennilega rétt að þjóðnýta almannaveituhluta OR en láta braskhluta starfseminnar í nauðasamninga.Þá þarf að færa Seðlabankavexti niður í 1% og um leið að bjóða erlendum aðilum að koma hér inn á lánamarkaðinn en útséð er um að íslendingar geti rekið bankastarfsemi sjálfir.
Allt skiptir þetta miklu máli fyrir samkeppnishæfni Íslands og þar með lífskjörin í landinu. Allt þetta tekur miklu skemmri tíma en að skipa aftur nefnd um að meta verðtrygginguna.

Hagfræðistofnun skoðar verðtrygginguna

Athugasemdir

[Guðmundur Ásgeirsson, 5.10.2011 kl. 03:11]

Loksins einhver sem fattar hugtakið "uppstokkun". Hér er svo sannarlega uppstokkunar þörf. Alveg eins og maður ýtir á reset á tölvunni þegar hún er frosin.

Með því að fara svokallaða eignarnámsleið (sem er vægari aðgerð en þjóðnýting) er ekkert því til fyrirstöðu að fara í 16% flata niðurfellingu að kostnaðarlausu.

Auk þess er hægt að skattleggja 163 milljarða hagnað nýju bankanna til dagsins í dag. Það liggur tillaga fyrir Alþingi um það, og forsætisráðherra segist jákvæð.

Og 150 milljarða verðbætur sem lífeyrissjóðir hafa eignfært frá hruni. (Þessar verðbætur borguðu ekki lífeyrisþegar inn í sjóðina heldur lántakendur.)

Það eru engar heilagar kýr nema heimilin. Því án þeirra er ekkert atvinnulíf, ekkert velferðarkerfi, ekkert stjórnmálalíf og þar af leiðandi ekkert öryggi fyrir neinn.