Vaðlaheiðarborinn úr ríkisstjórn ?

Allt bendir til þess að Vaðlaheiðarborinn fari úr ríkisstjórn enda  má segja að hann sé búinn með verkefni sitt í ríkisstjórninni. Það var að kjördæmapota göng kennd við Héðinsfjörð. Eftir stendur að Vaðlaheiðarborinn  mun enn eiga talsmann í Ríkisstjórninni en það er auðvitað enginn annar en Steingrímur Jóhann Sigfússon.

Sveitarstjóradólgarnir munu því enn eiga góða og skilningsríka vini í landstjórninni. Ekki veitir af nú þegar skuldahali þeirra frá sveitarstjóraárunum er nú komin upp á yfirborðið. Fyrir skuldahalann á hreppsstiginu var þriðjungur þingsins kosinn til framgangs í starfi. Sveitarstjóradólgar hafa enn tryggan meirihluta í ríkisstjórn með menn eins og Guðbjart innanborðs.

Guðbjartur verði ráðherra

Athugasemdir

[Guðmundur (IP-tala skráð) 2.9.2010 kl. 10:23]

Ekki að ég sé stuðningsmaður Guðbjarts en bara svo rétt sé farið með þá var það sjálfstæðisráðherra samgöngumála Sturla Böðvarsson sem var við völd þegar Héðinfjarðargöngin voru boðin út. Það er því tæplega farið af stað með að kenna Kristjáni Möller um kjördæmapot varðandi þau göng.

Hitt er annað að Kristján hefur að sjálfsögðu haldið um stjórnartaumana varðandi Vaðlaheiðargöng, sem að mínu mati yrði vissulega einhver samgöngubót, en langt því frá að komið sé að henni miðað við mörg önnur verkefni á listanum.

[Sverrir Jónsson (IP-tala skráð) 2.9.2010 kl. 10:37]

Ég get ekki tekið undir þessa færslu hvað varðar innkomu Guðbjarts Hannessonar. Heyri hér á kaffistofunni að hann virðist hafa mikinn stuðning fólks. Heyri að ólíklegasta fólk fagnar innkomu hans og tengist það engum sveitastjórnardólgum. Þessi maður virðist bara hafa læðst áfram og hlotið traust fólks í öllum flokkum. Vonandi er hann þessa trausts verður. Amk. á hann harða stuðningsmenn í kringum mig hérna vestur á melum.

[Einar Guðjónsson, 2.9.2010 kl. 10:40]

Hér er á ferðinni sami stjórnmálamaðurinn: keyrir sveitarfélagið í þrot og fer eftir það á þing. Þar stendur hann fyrir viðamiklum björgunaraðgerðum handa sveitarfélaginu um leið og hann stundar kjördæmapot. Hann heitir ýmsum nöfnum s.s. Sturla Böðvarsson, Ingibjörg Sólrún Gísladóttir, Kristján Möller, Kristján Júlíusson, Ásbjörn Óttarsson, Steingrímur Sigfússon.

[Ólafur Ingi Hrólfsson, 2.9.2010 kl. 10:57]

SJS er enginn talsmaður Norðlendinga - margúinn að sýna það -

þú Einar getur gagnrýnt Vaðlaheiðargöng - það sýnir bara þína vanþekkingu - þau myndu leysa hættulegann veg af hólmi - sem sagt auka umferðaröryggi.

Bygging þeirra ætti að vera hafin yfir alla flokkspólitík og vissulega er ég ekki stuðningsmaður hinna tæru mistakastjórnar - EN göngin eru nauðsyn.