Lítið að gera í vinnunni hjá Reykjavíkurborg

Það er greinilega lítið að gera í vinnunni hjá sviðstjóra menningar og ferðamálasviðs Reykjavíkurborgar. Samt er hún yfirborguð og ein af þeim sem hefur verið í milljónkrónaklúbbnum auk fríðinda. Sama hlýtur að vera raunin hjá hinum fjórum sem eru í fullri vinnu annars staðar.

Ferðamálaráð er launuð nefnd og eftir þessari skipan að dæma á þetta ráð ekki að vinna neitt nema 5 nefndarmenn geri það með vinnusvikum, ýmist í vinnutíma hjá hreppsnefnd eða atvinnulífi.

Skipanin sýnir að þarna er fólk komið fyrir sakir pólitískrar spillingar að mestu leyti og á ekki að leggja neitt af mörkum til að bæta störf Ferðamálaráðs. Aðeins er verið að tryggja að það fái sporslu. Þá er þarna engin venjulegur borgari, engin verslunarmaður og aðeins þrír fulltrúar sem vinnna í ferðaþjónustu. 

Með þessari skipan á fólki er ráðið gert alveg óvirkt og dautt. Undrast raunar af hverju ekki var sótt fólk inn á atvinnuleysisskrána. 

Það er hér sem oftar sem spillingin reynist okkur dýrkeypt og svo kostar þessi ráðning vinnuveitendur nefndarmanna stórfé því Ferðamálaráð á örugglega eftir að fundi í vinnutíma þeirra hjá Hreppsnefndunum. Hvað segja útsvarsgreiðendur í hreppunum ?? verður ekki örugglega dregið af kaupinu ? verður því ekki örugglega sagt upp þegar það svíkst um í vinnunni til að fara á fund í Ferðamálaráði ?? 

Nýtt ferðamálaráð skipað

Athugasemdir

[Rex (IP-tala skráð) 18.1.2010 kl. 20:13]

Þetta er umhugsunarvert.

Venjulegt fólk, í venjulegri vinnu hjá venjulegu fyrirtæki, kæmist aldrei upp með að þjóna tveimur herrum í sama vinnutímanum. En alls staðar í opinbera geiranum komast þeir sem "lengst" ná að pota sér, upp með það að vinna á margföldu kaupi í sama vinnutíma.

Nýjar fréttir t.d. af sposlum borgarfulltrúa hjá REI ofan á annað fast kaup eru af sama meiði. Einnig laun fyrir nefndarstörf t.d. hjá þinginu, sem jafnan eru unnin í vinnutíma viðkomandi annars staðar.

Það er ekki hjá því komist að flokka svona lagað undir spillingu, af því að þetta eru "forréttindi" sem öðrum líðast ekki.

[Einar Guðjónsson, 18.1.2010 kl. 20:32]

Af þessum fjórum að þiggja tilnefninguna gerir þau alveg jafnspillt og Ráðherrann.

Sennilega líta þau á þetta sem tækifæri til að komast til útlanda á kostnað ráðsins en ´´auðvitað´´ verður Ferðamálaráð að heimsækja  hinar fjölmörgu skrifstofur ráðsins erlendis og þá er Ráðið látið borga og ekki þarf að greiða skatt af ferðalögunum. Þau verða ´´ auðvitað´´ talin vinnutengd.

Það er auðvitað ´´mjög mikilvægt ´´að þau sjái bæklingastandana á skrifstofunni í Frankfurt ?? 

[Dofri Hermannsson (IP-tala skráð) 19.1.2010 kl. 09:07]

Vil gjarna leiðrétta þennan misskilning hjá þér Einar.

1. Þessi nefnd er ólaunuð.
2. Það er mikill akkur í því fyrir Reykjavíkurborg og önnur sveitarfélög að fulltrúar úr stjórnsýslunni þar eigi sæti í ferðamálaráði.

Svanhildur er sviðsstýra á menningar- og ferðamálasviði og ég er fulltrúi í menningar- og ferðamálaráði sem stjórnmálamenn eiga sæti í. Við höfum oft rekið okkur á að ferðamálaráð er ekki í nógu góðum tengslum við það sem er að gerast í ferðamálum í borginni og þetta hafa önnur sveitarfélög rekið sig á líka. Með þessari tengingu verður bætt úr því, vinnan verður skilvirkari og útsvarsgreiðendur fá meira fyrir sinn snúð.

[Einar Guðjónsson, 19.1.2010 kl. 12:52]

Held að ferðamálin séu í nógu miklu skralli hjá Reykjavíkurborg og því ættuð við að einbeita ykkur að vinnunni þar. Með þessari tengingu segirðu, þannig að þið hafið pantað þessa skipun hjá Ráðherranum ?? Og þetta er þá Ferðamálaráð Reykjavíkur ??

Engin treystir sér til að staðfesta að seta í Ferðamálaráði sé ólaunuð, ekki Ráðuneytið en heldur þó að ríkisstarfsmenn sem heyra undir kjararáð kunni sumir að fá greidd fyrir setu skv. álagi.

Hvergi liggur ársskýrsla Ferðamálastofu frammi og skv. hefðinni í umræðustjórnmálum ISG þá er kaup og spilling þar sem er leynd.