Leggja þau niður.

Könnun þessi sýnir í raun hve lýðræðishallinn er innbyggður. Þarna hittast allir höfuðsveitarstjóradólgar landsins saman á Akureyri og örugglega ekki borgað fyrir sig norður sjálfir. Aðalefnið er svo könnun sem Innanríkisráðherrann gerði á meðal vinnufélaganna og sveitarstjóradólganna um hvernig þeir vildu hafa þessi mál í framtíðinni. Kjósendur og þolendur sveitarfélaganna eru hins vegar ekki spurðir. Þannig er í alvörunni haldin ráðstefna á kostnað skattborgaranna um örlög þeirra en þeir koma hvergi nærri og aðalefnið er könnun á meðal þjóna þeirra um að þeir vilji '' þjónusta'' skattborgara í '' einum pakka''. Þannig er semsagt 350 manna hópur sem heldur ráðstefnu um könnun á meðal þeirra sjálfra um hvernig þeir sjálfir vilji haga '' sveitarfélagaskipaninni''. Bara eins og þetta komi engum öðrum við ?
Sannleikurinn er auðvitað sá að sveitarfélögin eru tímaskekkja og dýr brandari á Íslandi. Svona óþarfa milliliður og ef hinn almenni borgari væri spurður þá vill hann alveg örugglega leggja niður þetta ónýta, tilgangslausa og getulausa stjórnsýslustig í landinu. Tilgangur þess er sá einn að flækja aðgengi almennings að þjónustu eftir reglum sem löggjafarvaldið setur og illu heilli eru lögin um þjónustu sveitarfélaganna sett af fólki sem kemur að þriðjungi úr stétt sveitarstjóradólga.

Vilja breyta skipan á höfuðborgarsvæðinu

Engar lýðræðisumbætur.

Það var örlítil von fyrir lýðræðið í Kópavogi þegar Næstbesti og Kópavogslistinn voru í meirihluta. Nú virðist hinsvegar úti um þær en frjálshyggjufélögin í bænum hafa ákveðið að sameinsat aftur í einn meirihluta. Eimreiðarhópurinn stýrir því aftur öllu í Kópavogi og Kópavogur og sveitarstjórastigið þar verður því aftur besti ''grunnskóli'' sveitarstjóraspillingarinnar í landinu.
Sorglegt fyrir íbúana þar.

Vel hægt að jafna ágreininginn

Fjölskylduerjur ?

Valdafjölskyldan í Kópavogi á í innbyrðis deilum. Um hvað þær snúast vitum við ekki. Kannski hefur hreppstjórinn haft of hátt kaup og Guðríður ekki ánægð með sínar sporslur. Í kreppuástandi eru ekki eins miklir peningar í kringum spillinguna eins og á góðæristímum. Stóru sveitarfélögin í landinu eru eiginlega grunnskóli spillingarinnar á Íslandi. Þegar sveitarstjóradólgarnir eru búnir að leggja allt í rúst þar bæði peninga og siðferðalega þá eru þeir kosnir á þing sem '' þekkt andlit'' og fá þá framgang í starfi. Kannski óttast Guðríður að andlit hennar muni gleymast við það að of margar myndir birtist af bæjarstjóranum í fjölmiðlum.
Af því sveitarfélögin og Kópavogur eru vagga spillingarinnar á Íslandi og besti '' grunn'' skólinn í henni er þar þá spái ég því þegar allt er komið fram að traustleysið snúist annað hvort um hégóma eða peninga eða bæði.
Það er auðvitað illa farið með fé skattborgaranna að halda úti þessu ónýta millistigi í stjórnsýslunni sem sveitarfélögin eru hér á landi. Til þess eins fallið að tryggja borgurunum réttleysi og vonda eða enga þjónustu.

Bæjarstjóri nýtur ekki trausts

Sameinist um listabókstaf .

Þetta er alveg rétt hjá Guðbirni og skynsamlegt. Framboðin gætu líka sameinast um listabókstaf t.d. A og svo AA og AAA en slíkt væri heimilt og þannig myndu atkvæðin nýtast betur og ekki detta dauð niður. Almenningur þráir uppkastsniðurstöðu í kosningum hér. Skoðanakannanir sýna að aðeins þeir sem fengið hafa starfið sitt í gegnum 4 FLokkinn ætla að kjósa FLokkinn en útkoman í skoðanakönnunum sýnir það. Þá er líklegt að fjölskyldumeðlimir geri það einnig en það þýðir að um 30 til 40 þúsund atkvæði munu falla 4 FLokknum í skaut.Þá er líklegt að starfsmenn bankanna mini einnig gera það og þakka þannig fyrir meðgjöfina frá ríkinu.

Nýju framboðin sameinist

Marcos fjölskyldan á Akureyri

Marcos fjölskyldan fékk hreinan meirihluta í kosningunum um yfirráð yfir bæjarsjóðnum í fyrra.
Að vísu hafði hann skroppið talsvert saman eftir að S og D-listi höfðu skafið Bæjarsjóð að innan með skuldsettri yfirtöku. Marcos fjölskyldan sótti ættingja til að vinna sem bæjarstjóri á Akureyri.Þá skipar fjölskyldan öll helstu embættin í þessum 15 þúsund manna bæ.
Nú hefur Marcos fjölskyldan ákveðið að ráða framkvæmdastjóra að Atvinnuþróunarfélagi Eyjafjarðar og gerir það á grundvelli persónuleikaprófs.Það er óneitanlega dálítið frumlegt hjá þeim í viðleitninni til að láta þessa ráðningu líta faglega út.
Enn og aftur vil ég óska Akureyringum til hamingju með að hafa kosið Marcos fjölskylduna til valda því það afhjúpar svo vel spillinguna sem tíðkast á sveitarstjórnarstiginu.

Gagnrýnir ráðningu Þorvalds Lúðvíks

Norður-klíkan fær það óþvegið.

Samherjaklíka Steingríms Joð fær það óþvegið frá Jóni en áttar sig ekki á að Jón Bjarnason er líka í Samfylkingunni og Sjálfstæðis og Framsóknarflokknum og ekki víst að fulltrúar Samherja í ríkisstjórninni nái að selja kvótann til einkaaðila. Skv. handriti AGS á það að gerast til að bjarga ríkissjóði svo halda megi hinu nú einkavædda heilbrigðiskerfi.

Látinn víkja vegna ESB

AGS strákarnir höfðu betur

Ríkissjóður verður nú notaður til að gera einhverja frjálshyggjustráka ríka en aðkoma Steingríms að s.k. atvinnuvegaráðuneyti þýðir það.  Þá verður fulltrúi Samherja í þingflokknum Hr. Björn Valur Gíslason sjálfsagt innsti koppur í búri í hinu nýja ráðuneyti. Allir vita hvað það þýðir '' kvótatæknilega'' séð. Björn er sá sem tók að sér að einkavæða heilbrigðiskerfið og sennilega verður nú fiskikvótinn seldur einkaaðilum eins og gert var með auðlindir HS orku. Hinn dapri brandari er auðvitað sá að kjósendur VG halda sig vera til vinstri og að þetta sé vinstri stefna.

Steingrímur verður atvinnuvegaráðherra

Verður Samherji sjálfur ráðherra ?

Bankarnir og tryggingarfélögin hafa átt tryggan vin í Árna Páli svo sennilegast er búið að tryggja velferð banka og tryggingarfélaga til næstu framtíðar. Má svo sem segja að óþarfi sé að halda úti ráðherrastarfi í kringum þetta því frumvörpin hafa hvort eð er verið samin í bönkunum eða á skrifstofu tryggingarfélaganna.

Sama má auðvitað segja um Jón Bjarnason en hann hefur að vísu aðeins verið að rembast við og smábátar hafa fengið örlítinn kvóta en nú er sennilegast að ráðherra Samherja í ríkisstjórninni verði starfsmaður fyrirtækisins á Alþingi Hr. Björn Valur Gíslason.  Steingrímur sjálfur er sennilega á útleið og fer sennilega að vinna í útlöndum fyrir AGS en það eru mörg þjóðfélög sem á eftir að eyðileggja og þessi markaðsmaður AGS númer 1 getur örugglega orðið ráðgjafi á þeirra vegum. Engum hefur áður tekist að selja stefnu AGS sem vinstri stefnu. Þá hefur hann þegar tryggt sérhagsmuni sína tryggilega á síðustu þremur árum.

„Ekki sami maður“

Hann aftur ?

Hér virðist hann komin aftur bankavinurinn besti, heimdellingurinn sem laug sig inn í ríkisstjórnina.Auðvitað er hann strax farinn að vernda sérhagsmunina og klíkuskapinn og hefur líka náð að ljúga sig inn á Besta flokkinn.Náð sér í vel launað sæti í stjórn OR en situr auðvitað algjörlega ábyrgðar og hugmyndalaus.
Ef hann segir að þetta sé upphlaup þá er örugglega einhver skítadíll á bak við samninginn.Varið ykkur Reykvíkingar því nú á greinilega að gefa verðmæt lóðarréttindi undir því yfirskyni að verið sé að selja Perluna eingöngu.
Skipulagsstjóri Reykjavíkur verður engin fyrirstaða því hún er sjálfsali fyrir sérhagsmunina, klíkuskapinn og menningar og skipulagsleysið í bænum. Þess vegna var hún auðvitað ráðin.

„Ástæðulaust upphlaup“

Ranghugmyndir.

Morgunblaðið birtir í dag viðtal við Árna Tómasson um árin þrjú sem hann hefur verið '' de facto'' eigandi Glitnis og Íslandsbanka. Starfið hefur skilað honum og fjölskyldu tæpum milljarði í tekjur s.l. þrjú ár.
Inntakið í viðtalinu eru frásagnir hans um eigin '' hetjudáðir'' í starfinu en viðtalið er keimlíkt viðtali sem Fréttablaðið átti við Lárentsíus Kristjánsson skilanefndarformann í Landsbanka. Sá var einmitt skipaður vegna þess að hann var í stjórn Vöku með Jónasi Fr. og bankastjórnendum hinna föllnu banka. Árni var skipaður vegna þess að hann hafði kennt þeim öllum endurskoðun og tilheyrði hinum helmingaskiptaflokknum.

Sagan um að íslensk fyrirtæki hefðu verið sett í gjaldþrot ef Árna hefði ekki tekist að semja við Seðlabankann í Evrópu er auðvitað hugljúf en hefði aldrei orðið jafnvel þó að kröfuhafar hefðu krafist þess því ríkisvaldið hefði aldrei látið það líðast enda eigendur hinna íslensku fyrirtækja gamlir klíkukallar sem eiga fyrirtæki sem eiga þingmenn og áttu.Þetta eru því ranghugmyndir hjá Árna um hvernig framvindan hefði orðið.

Misstu næstum fyrirtækin