Komnir í eina sæng ?

Svo virðist sem hinir opinberu handrukkarar www.Sýslumenn.is hafi ákveðið að semja frið við helsta samkeppnisaðila sinn, semsé Vítisengla. Sýslumenn hafa sem kunnugt er haft einkarétt á ofbeldi gagnvart fasteignaeigendum. Eru þeir aðallega að vinna fyrir sveitarfélög og tryggingafélög fyrir kött en embættin eru nú alveg sjálfbær á kostnað fasteignaeigenda. Nú verður staðan örugglega þannig að gjaldskráin hækkar hjá báðum en hingað til hafa Vítisenglar verið talsvert ódýrari fyrir fasteignaeigendur heldur en www.sýslumenn.is.
Annað sem vekur athygli er svo hve fasteignaskattar á atvinnurými eru orðnir fáránlega háir og sú staðreynd þýðir auðvitað að smátt og smátt er öllu atvinnurými breytt í íbúðir inn í íbúðarhverfum en verslunin færist í bragga. Braggar greiða nefnilega lægri fasteignaskatta en vönduð hús því bragginn kostar minna í framleiðslu. Allt þýðir þetta svo aukin kostnað fyrir þjóðfélagið.

Afturkölluðu nauðungaruppboð hjá Vítisenglum

Besta ráðið gegn atvinnuleysi er að vera ekki atvinnulaus.

Mjög takmarkaðar atvinnuleysistryggingar eru í landinu enda Eimreiðarhópurinn enn við völd þó hann hafi síðast komist til valda með því að kalla fram gamla liðsmenn sem heita Steingrímur Sigfússon og Jóhönna Sigurðardóttur. Lækkun á atvinnuleysistölum hafa fengist með því að henda fólki út af skránni með takmörkun réttinda. Þá var nýjasta framtakið að '' selja'' atvinnulausa til fyrirtækja eftir gamla niðursetningskerfinu. Þannig fóru fyrst út af skránni þeir sem gáfu fyrirtækjunum hæstu greiðslurnar.Þetta framtak var kallað '' atvinnumessa'' og þannnig reynt að tengja það við trúarlega upplifun í söfnuði. Eftir næstu kosningar verða fasistarnir vonandi ekki endurkosnir og mannréttindi fá þá eitthvað vægi í landinu.

Birgir Ármannsson: Engin fjölgun starfa

Ég pant ráða.

Spillingin á sveitarstjórnarstiginu hefur verið látin átölulaus s.l. ár m.a. vegna þess að spillingin í Landsstjórninni hefur verið svo fyrirferðarmikil.
Þetta mál er í rauninni sígilt spillingarmál á sveitarstjórastiginu. Einhver stingur pening eða greiða í vasann á spillingarnefndinni ( afsakið Skipulagsnefndinni )sem svo breytir skipulaginu fyrir sérhagsmuni. Þolandinn þarf að berjast við sína eigin starfsmenn um réttláta niðurstöðu og kasta til þess 10 árum af lífi sínu. Kerfið hlær hinsvegar bara og fær til þess leyfi frá alþingismönnum sem sí og æ beila sveitarfélögin út úr svona lögleysu með sérlögum. Ekki annað að vænta þegar annar hver þingmaður hefur lengi líka verið sveitarstjóradólgur og því spillingarnándin nærri.
Því miður eru ný lög um mannvirki og ný skipulagslög enn meira sett til höfuðs borgurunum en nokkru sinni fyrr.
Það sem er nýtt í Reykjavík frá þessu máli að nú er spillingin orðin artí með tilkomu Bestu Samfylkingarinnar.

Ákvörðun um deiliskipulag ógilt

Besta valdníðslan.

Skátahöfðinginn af Akranesi sem heldur að hann sé jafnaðarmaður og borgarstjórinn sem lofaði að vera spilltur ákváðu saman að breyta skipulaginu í Reykjavík. Það gera þeir með einum litlum samningi sín á milli í hádeginu.Bara rétt eins og þetta sé þeirra einkamál. Sýnir kannski best hvað borgararnir eru varnarlausir þegar kemur að skipulagsmálum í Reykjavík. Kórdrengirnir í Skipulagsráði munu svo stimpla þetta allt í fljótheitum og án ábyrgðar med det samme.
Skipulagsráð er auðvitað algjörlega vonlaust batterí og ekki heil hugsun í ráðinu. Það stimplar bara en ætti í raun að vinna sem n.k. rannsóknarnefnd. Kanna kosti og galla og hugsa til framtíðar.
Því miður staðfestir þessi samningur að borgararnir eru algjörlega öryggislausir þegar kemur að umhverfi sínu og næstu framtíð ef því er að skipta.

Deiluskipulaginu breytt

Bíladella.

Þeir sem hafa verið ráðnir forsvarsmenn í lífeyrissjóðunum virðist hafa verið ráðnir vegna þess að þeir eru með bíladellu á háu stigi. Þannig vissi Guðmundur þessi klíkuráðni nákvæmlega hvernig bíl hann vildi hafa sem '' forstjóri'' LV. Um aðra '' hæfileika'' var ekki spurt. Það er raunar furðulegt með lífeyrissjóðina að allir eru dæmdir til þess að vera með og standi sjálfstæðir verktakar ekki skil á greiðslum sínum í lífeyrissjóð þá er þeim umyrðalaust stefnt til greiðslu. Standi vinnuveitandi ekki skil á greiðslu vegna launþega í sjóðina þá er honum umsvifalaust stefnt til greiðslu eða kærður til lögreglu. Þegar hinsvegar peningarnir eru komnir í hendurnar á forsvarsmönnum lífeyrissjóðanna þá mega þeir tapast, týnast eða fara í einkaneyslu forstjóranna 74 og engin spyr um ábyrgð. Inni í lífeyrissjóðunum mega peningarnir hverfa eða gufa upp. 15. milljónir í bíl handa forstjóranum, 140 milljarða tap þarna, Kanaríeyjaferð hér. Samt gerist ekkert og engin þar er kærður til lögreglu, aðeins vinnuveitandinn sem ekki skilar eða verktakinn sem ekki skilar.Skrítið og mjög siðferðilega bogið.

LV seldi bílinn

Táknmynd gamla spillta Íslands.

Steingrímur er auðvitað táknmynd gamla Íslands. Getur ekki sagt satt og finnst allt í lagi þó að almenningur hér sé tekin í rassinn. Hann hefur auðvitað tryggt sjálfan sig og fjölskyldu peningalega með því að skafa ríkissjóð að innan. Sennilega eru aðeins tæp 2 ár þangað til hann verður þurkaður út af þingi. Þá fyrst getur einhver uppbygging hafist hér.

Tilnefningarnar klárar eða ekki?

Sökudólgurinn fundinn.

Í að minnsta kosti áratug hafa forsvarsmenn bankanna brotið bankaleynd m.a. með því að dreifa til Lánstrausts að viðskiptamönnum hafi verið send greiðsluáskorun.Þanniga hafa bankarnir sjálfir dreift upplýsingum um að Jón eða séra Jón skuldi t.d. yfirdrátt eða hafi ekki staðið í skilum með skuldabréfagreiðslu. Upplýsingarnar hafa verið birtar á heimasíðu Lánstrausts. Auðvitað er um að ræða klára brotastarfsemi og brotin eru lög um bankaleynd. FME hefur látið þetta brotastarf óátalið bæði fyrir og eftir bankahrun og þjóðfélagshrun. Nú lekur einhver bankamaður hugsanlega upplýsingum um tékkareiknings Guðlaugs og Þórs til forstjóra FME og þá loksins vaknar formaður stjórnar Samfylkingar FME og kærir til lögreglu. Þá fyrst fer lögreglan í gang. Og fer og rannsakar málið ? Þessi frásögn upplýsir auðvitað auðvitað allt um klíkulögfræði og klíkulögreglu. Lögreglan þarf auðvitað aðeins að skoða lista Láunstraust til að sjá að fyrirtækið brýtur ítrekað bankalaeynd. Samt gerist ekkert nema um sé að ræða hvítflippa. Þessi saga segir okkur auðvitað allt um að þjóðfélagið er auðvitað ónýtt.

Fréttastjóri DV í yfirheyrslu

Ekki gott handrit.

Það er skrítið að sjá hvernig leikritinu vindur áfram. Skv. þessu liggur fyrir að einhver hefur kíkt á upplýsingar um Guðlaug úr tölvu hjá Landsbankanum og eftir Aðalsteini formanni á hann að hafa farið með gögnin heim til Gunnars í skjóli nætur. Það er þá starfsmaðurinn sem er að brjóta bankaleynd. Í Morgunblaðinu í dag er hinsvegar viðtali við Unni aðstoðar hjá FME þar sem hún upplýsir að allar beiðnir um upplýsingar sem FME óski eftir séu gerðar skriflega og undirritaðar af TVEIMUR starfsmönnum FME.Hafi svo verið um langa hríð.

Í siðustu viku var Gunnar að berjast fyrir starfinu og öllum í bankakerfinu var það ljóst því er sá kafli í handritinu fáránlegur að ætla að Gunnar hafi beðið um gögnin heim. Framhjá öllu prótókolli og þvert á vinnureglur. Þá er jafnfáránlegt að ætla Landsbankanum að vera svo vitlaus að hlaupa með gögnin heim til Gunnars.

Fyrst að starfsmaðurinn er aðeins sendur í leyfi frá störfum þá er hann klárlega ekki Whistleblower. Mín kenning er sú að þetta sé eftiráskýring samin af Aðalsteini og Steinþóri í Landsbanka.

Landsbankinn upplýsti FME

Plottið.

Plottið reynist þá vera hefðbundið og notuð gamalkunnug leið. Stjórnarmennirnir fá fyrst flokksbróðurinn til að gefa álit ( á kostnað ríkissjóðs ) en álitið er ekki alveg nógu skothelt og heldur ekki skv. starfsmannalögum. Þá er gripið til þess ráðs að fá Landsbankann til að '' upplýsa'' um að Gunnar hafi pantað heim til sín gögn um Guðlaug Þór úr Landsbankanum. Útvarpið segir að þetta snúist um kaup bankans á '' umboði'' af Guðlaugi en hann var áður umsvifamikill auglýsinga og líftryggingasali í Búnaðarbankanum. Það hefði verið of augljóst að segja að gögnin væru t.d. um Helga Hjörvar eða Hrannarbjörn og hefði ekki virkað því stjórn FME eru aðallega klíkuráðnir '' Háskólakennarar '' ( les Samfylkingarmenn ). Stjórnin hefur sjálfsagt talið að hún virkaði '' fagleg'' með sögunni um Guðlaug Þór.
Þessi saga stenst ekki nema sá partur sem snýr að kæru til lögreglu enda geta allir kært alla til lögreglu og lögreglan rukkar ekki enn fyrir móttöku þó að sjúkrahúsin og Útlendingastofnun geri það.
Það þarf engin að halda í ljósi umræðunnar í síðustu viku að starfsmenn Landsbankans hafi hlaupið heim til Gunnars með skjöl um Guðlaug Þór og raunar afar ólíklegt að þeir fari með skjöl sem FME kallar eftir heim til forstjórans. Það ættu allir starfsmenn bankans að vita og getur ekki hafa átt sér stað. Í ljósi þess sem var í gangi í síðustu viku á milli Gunnars og Samfylkingarstjórnar FME þá er ljóst að sagan getur ekki verið sönn. Steinþór bankastjóri getur ekki verið svona vitlaus og Gunnar ekki heldur. Sé sagan sönn þá þarf auðvitað yfirstjórn Landsbankans öll að fjúka.
Þess utan þurfa menn ekkert Landsbankann til að vita um hvað þessi '' viðskipti'' á milli þeirra voru. Kröfuhafar gamla bankans geta séð þau hjá skilanefndinni og svo er veðbókarsaga Guðlaugs ( skuldir ) aðgengilegar hjá Sýslumanni og fyrirtæki hans hjá RSK.

Það er reyndar svo að bankastarfsmenn hafa full mikinn aðgang að upplýsingum um viðskiptamenn bankans sem þeir vinna í, óháð starfa. Þannig gátu ALLIR starfsmenn t.d. skoðað kortanotkun viðskiptavina og stöðu og fjölda innlánsreikninga og skuldir þeirra. Að það skuli leyft er auðvitað óhemju bankafúsk og algjör óþarfi en innlit þeirra í upplýsingar um nágrannann munu þó vera skráðar. Það geta því allir spurst fyrir í bankanum sínum hver hafi verið að skoða gögn um þá innan bankans.

'' Norræn'' velferð.

Þessi ákvörðun hinnar klíkuráðnu stjórnar með Samfylkingar'' fræði'' mennina Aðalstein og Ingibjörgu í fararbroddi byggða á '' áliti''vinnufélagans Ástráðs staðfestir að hér á ekkert að breytast. Um leið veit nú almenningur að hér á ekkert eftirlit að vera með fjármálastofnunum. Það er því í raun heldur enginn tilgangur með að halda úti sérstakri stjórn. Allt verður þetta skattborgurum og þjóðfélaginu dýrt því stofnunin verður nú lömuð á viðkvæmum tíma en skattborgarnir sitja nú uppi með að þurfa að reiða af hendi háa velferðarstyrki til Aðalsteins og Ingibjargar og við bætist að stofnunin þarf að greiða háar bætur til Gunnars.
Miklu betra hefði verið að greiða styrk til Aðalsteins og Ingibjargar beint af fjárlögum undir liðnum '' velferðarstyrkir til 4 FLokks manna en ekki að sitja þau í stjórn FME og láta þau skafa ríkissjóð að innan í gegnum FME.
Réttast er fyrir okkur nú að fá lánað fólk t.d. frá sænska fjármálaeftirlitinu til að sjá um eftirlitið hér. Væri sjálfsagt farsælast og best fyrir þjóðfélagið.

Gunnar kærður til lögreglu