Tækifæri fyrir Skuldanes

Nú er tækifæri fyrir  bæjarfulltrúa í  Skuldanesi að leggja sig niður og verða í forystu fyrir nýja tíma og loka sveitarfélaginu. Stofna í staðinn skólasamlag og tryggingasamlag íbúanna sem sæi um skólarekstur og félagsþjónustu. Skilja skuldirnar eftir í sjálfstæðisfélagi Sigfússona ehf.

Reykjanesbær leiti á náðir ráðuneytis

Brandari hjá Besta og Versta.

Meirhluti Besta og eins af Verstu flokkunum hefur ákveðið að skipa nefnd til að slá ryki í augu kjósenda. Hún að yfirfara stjórnkerfið og stjórnsýslu Reykjavíkurborgar og nú kemur brandarinn '' með sama hætti og gert var af rannsóknarnefnd Alþingis''. Rannsóknarnefnd Alþingis var EKKI  falið að ''yfirfara stjórnkerfið'' svona eins og það væri bara allt í lagi. Niðurstaða Rannsóknarnefndarinnar var að allt væri morandi í spillingu og vanhæfi innan stjórnsýslunnar og eftirlitsstofnana. Rannsóknarnefndin átti að kanna hvað olli hruni og aðdraganda þess. Með sama hætti ætti að skipa nefnd sem kannar hrunReykjavíkur og aðdraga þess en sveitarfélagið stendur sig ekki í neinu nema skattheimtu og skuldsetningu. Þar eru vina og kunningjaráðningar regla en ekki undantekning.

Þessi nefnd á hinsvegar að vera svona kattarþvottanefnd til að sanna að allt sé í lagi.

Læt mér detta í hug að einhverjir Birgirbirnir hjá Borginni verði skipaðir í nefndina. Miklu auðveldara og eðlilegra væri að óska eftir lögreglurannsókn og borga bara lögreglunni fyrir, eða kalla til efnahagsbrotadeildina. Auðvitað ætti að vera eftirlit með sveitarstjóradólgunum í Reykjavík en eina eftirlitið hefur verið Umboðsmaður Alþingis. Öruggast væri samt að leggja niður sveitarfélögin enda algjör tímaskekkja.

Úttekt á stjórnsýslu borgarinnar

Lögreglustöð í Ráðhúsið.

Þarna hafa hinir klíkuráðnu framkvæmdastjórar Borgarinnar ákveðið að skattfé borgaranna færi í vini eða kunningja eða til einhverra sem buðu kött af dílnum. Reynt var að láta svindl þeirra líta '' trúverðuglega'' út en því miður fyrir þá komst allt upp. Skattborgarar hrósa sigri í þessari orrustu og fyrirtækið Urð og Grjót líka.

Mikilvægt að Lögreglan hafi fasta starfstöð í Ráðhúsum og hreppaskrifstofum á meðan sveitarfélögin eru enn ofan moldu. Spillingardýki sveitarfélaganna hverfur ekki fyrr en þau eru lögð niður en þangað til er mikilvægt að Efnahgsbrotadeildin hafi fasta starfsstöð þar því eftirlit Sveitarstjórnarráðuneytisins er ekkert. 

Væntanlega lögbrot hjá Reykjavíkurborg

Katrínarstofa um múlband.

Þetta frumvarp er arfavitlaust og lýsir vel viðhorfi lénsherranna til '' borgaranna'' . Frumvarpið hefði verið ansi gott í lok lénsveldisins í Evrópu. Það er klárt mál að Skúli Thoroddsen hefði strax þurft að loka Þjóðviljanum sínum áður en hann byrjaði útgáfuna ef þessi lög hefðu verið í gildi þá.

Frumvarpið ber með sér að Katrín hefur enga hugmynd um Frönsku byltinguna, ritfrelsi eða frelsi til athafna og aðhalds. Ekki einu sinni flokksbróðir hennar Davíð Oddsson hefði látið sér detta í hug svona frumvarp. 

Sjálfsagt er duldi tilgangurinn að koma flokksmönnum VG í skjól hjá ríkinu en enn er ekki búið að tryggja alveg öllum flokksmönnum skjaldborg  og laun frá ríkinu. Katrínarstofa um fjölmiðla á sjálfsagt að tryggja þeim síðustu sæmilega feitan launatékka frá ríkinu. Ég spái því að Katrínarstofa verði sett niður á Langanesi eða á Bifröst.

Þegar hún segir að ritskoðun verði ekki leidd í lög þá þýðir það einmitt að RITSKOÐUN VERÐUR LEIDD Í LÖG.

Ritskoðun ekki leidd í lög

Fá borgarstarfsmenn áfram frítt ?

Borgarstarfsmenn í Reykjavíkurhreppi munu vera að minnsta 13 þúsund og þeir hafa allir fengið '' frítt'' í sund og þeir virðast áfram eiga að fá '' frítt'' í sund. Á meðan hækka þessir sömu starfsmenn gjaldskrá sundstaða sem tekur aðeins til vinnuveitenda þeirra en ekki þeirra sjálfra. Þeir eru áfram ábyrgðarlausir á fríum óráðssíubana. Þá hefur engum af hinum fjölmörgu verkefnastjórum verið sagt upp. Ekki heldur framkvæmdavinastjórunum 75.

Sveitarfélögin eru því miður algjör tímaskekkja og óþarfa milliliður sem eiga auðvitað fyrir löngu að hafa verið lögð niður. Kíkið á heimasíðu Reykjavíkurborgar og sjáið um hvað bullið snýst. Ég geri að vísu ekki athugasemdir við að skólarnir og leikskólarnir og sorphirðan séu skipuð borgarstarfsmönnum enda eru það allt saman vel rekin fyrirtæki.

Sundferðin kostar nú 450 krónur

Besti sigraði verstu flokkana.

Besti flokkurinn sigraði verstu flokkana í hreppsnefndarkosningum í Reykjavíkurhreppi í vor og því er eðlilegt að kjósa Jón Gnarr mann ársins.

Það sem af er ári hefur Besti flokkurinn þó verið ansi hefðbundinn og skilar bara enn minna af skattfénu til borgaranna en áfram þenjast út lögin af fína fólkinu sem er á beit í borgarsjóði. Ofan á yfirmannalög Verstu flokkanna er nú komið nýtt yfirmannalag úr Besta flokknum.

Stóri brandarinn er samt að Ísland skuli enn vera að burðast með þennan millilið sem sveitarfélögin eru.

Nóg að sinni. Óska öllum Gleðilegs nýs árs á Glæpaeyjunni.

Jón Gnarr maður ársins á Stöð 2

Afgangurinn af eiginfénu.

SPRON sjóðurinn er það litla sem stóð eftir af eigin fénu eftir að stofnfjáreigendur sjóðsins höfðu stolið lunganum af og fært sér til eignar í s.k. hlutafélagavæðingu SPRON. Skv. lögunum áttu þeir þó aðeins að fá stofnféð verðbætt. Að vísu fór illa fyrir þeim og réttlætið sigraði að lokum. Margir úr hópi fína fólksins náðu þó að auðgast verulega á kostnað styrktarsjóðsins og menningar og líknarmála í Reykjavík. Frægastir þeirra eru sennilega Árni Þór  Þingflokksformaður  VG og helsti vinnumaður Gosa í flokknum og landsstjórninni. Þá eru í hópnum fínimenn eins og Baldur Guðlaugsson og Össur nokkur Skarphéðinsson. Allt góðir og gegnir sjálftökumenn.

Spron sjóðnum slitið

Ekki kunningjaráðning ? eða kunningjaráðning ?

Maður á bágt með að trúa því að hér sé ekki um kunningjaráðningu að ræða. Að minnsta kosti virðist sem  hann hafi reynslu af verkefnum á vettvangi þróunarmála. Kannski hefur hann verið betur tengdur inn í báða stjórnarflokkana heldur en Stefán Jón en flestir töldu víst að Nomenklatúran léti hann fá djobbið. Kannski er þetta gamla bragðið að allaballarnir fái kratann til að skipa allaballann og öfugt eins og verið hefur.Netið upplýsir að Engilbert  er gamall allaballi af Akranesi og var bæjarfulltrúi þess flokks áður en hann breytti vörumerki sínu í VG þegar fyrirtæki breyttu mjög heitum sínum. Það kemur auðvitað ekki fram í fréttatilkynningu Utanríkisráðherra að hann sé fyrrverandi bæjarfulltrúi Allaballa á Akranesi. Sú staðreynd skýrir margt við þessa  kunningjaráðningu.

Ráðinn yfirmaður ÞSSÍ

Fáránlegt að halda úti stjórnarráði.

Það er auðvitað fáránlegt að við skulum halda úti stjórnarráði því það er ekki til neins. Fjárlögin eru kopí peist upp úr handbók AGS og virðingarleysi við tíma kjósenda að halda úti stjórnarráði og þjóðþingi í kringum eitthvað sem ekkert er nema forrit frá AGS.

Lilja, Atli og Ásmundur á móti

Fjárhagsaðstoð ekki lækkuð við forstjórana 75.

Samkvæmt  áætluninni verður fjárhagsaðstoð við forstjórana 75 hjá Reykjavíkurborg ekki skert um neitt og fá þeir því áfram um eina og hálfa milljón á mánuði nettó. Að auki bíl og þá mun borgin að einhverju leyti greiða fyrir einkaneyslu þeirra og kosta þá í fríið.

Þetta kostar varnarlausa skattgreiðendur í Reykjavík tæpan einn og hálfan milljarð á ári. Þeir sem fá minna í staðinn eru börn á leikskólum og Reykvíkingar undir fátæktarmörkum. Sorglegt að Besti flokkurinn skuli ekki hafa náð að lækka kaupið þó ekki væri nema um helming já eða bara reka þá eða til hvers þarf Reykjavíkurborg 75 forstjóra ?

Þá eru áfram inni liðir eins og ráðgjafagreiðslur til vina og skyldmenna framkvæmdastjóranna. Alltaf fá skattgreiðendur minna og minna fyrir skattana sína og ef fram heldur sem horfir þá verður ekki nema tíundi partur af sköttunum notaður í verkefnin. Hitt fer í milliliðina.

Gjaldskrár tekjutengdar?