Auðvitað tapast málið.

Áfrýjun málsins er auðvitað tapað spil og svo verður reikningurinn borgaður af kröfuhöfum Glitnis alveg án þess að þeir hafi nokkuð um málið að segja. Tilgangurinn er auðvitað að mjólka þrotabúið fyrir Steinunni og fjölskyldu og svo auðvitað Árna Tómasson og fjölskyldu. Áfrýjunin þýðir auðvitað að Steinunn getur ferðast til New York á kostnað kröfuhafanna og getur haldið áfram að senda digra reikninga fyrir hvern einasta klukkutíma í sólarhringnum.

Auðvitað á að skattleggja skilanefndirnar sérstaklega og þá er einnig mikilvægt að efnahagsbrotadeildin  hafi fasta starfsstöð þar sem slita og skilanefndir Glitnis koma saman.

Glitnir áfrýjar í New York

Saga Kapítal samt áfram með meirihluta ?

Bankarnir halda samt meirihluta sínum í flokknum ásamt einkavini Steingríms sem er Saga Kapítal smábarnabankinn á Akureyri. Það er auðvitað virðingarvert að hinir nytsömu sakleysingjar í flokknum skuli hafa samvisku og segja sig úr þessum Sjálfstæðisflokki sem VG varð um leið og hann komst í stjórn.

Formaður svæðisfélags VG hættur í flokknum

Ofurmenni kveður athafnalífið.

Sniðugt hjá Háskóla Íslands að ráða ættarlaukinn í lektorsstöðu og auðvitað virðist þetta vera starf sem ekki hefur verið auglýst. Kannski hefur Arionbanki lagt þeim til peninga svo þeir gætu ráðið Ásgeir.

Klíkurnar fara sínu fram og hjá þeim breytist ekkert og allt er í góðu alls staðar og allir eru góðir við alla. Stóri brandarinn í þessu öllu saman er auðvitað sú staðreynd að Arionbanki skuli yfir höfuð að tala vera með greiningardeild.

Ásgeir hættur hjá Arion

Landskjörstjórn fær falleinkunn.

Ég er og var fylgjandi því að efna til kosninga um stjórnlagaþing. Á kjörfundi varð manni hinsvegar ljóst að framkvæmd þeirra var fyrir neðan allar hellur og sýndi algjört dómgreindarleysi Landskjörstjórnar. Hinsvegar vonaði ég að enginn myndi kæra en var viss um að kosningarnar væru ekki í samræmi við lög.

Landskjörstjórn er skipuð pólitískt af Alþingi eftir pólitískum línum og  raðast aðallega í hana lögmenn sem upplifa sjálfa sig sem '' fínimenn''  og gjarnan verið í bómullarhjúp eigenda flokkana og oft hafa meðlimir hennar verið stórir hluthafar í fjórflokknum. Átt greiðan aðgang að '' vegtyllum'' fjórflokksins. Allir vita nú að þessar vegtyllur eru keyptar í skiptidílum fjórflokksins og hafa ekkert með hæfileika að gera. 

Kemur líka í ljós að framkvæmd kosninganna var ónýt og sýnir að hún er ekki starfi sínu vaxin. Landskjörstjórn veit ekkert um hvað lýðræðislegar kosningar snúast um, hefur bara ekki hugmynd um það.

Landskjörstjórn á auðvitað að segja af sér strax og jafnframt á að íhuga málssókn gegn nefndarmönnum sem nú hafa sólundað hálfum milljarði úr ríkissjóði og eyðilagt fyrir okkur kosningarnar.

Stjórnlagaþingskosning ógild

Af hverju ekki Björnbjarnason sjálfan ?

Veit ekki hvort þetta er góð hugmynd og finnst að menn eigi fyrst að spyrja sig um hvað forsetaembættið eigi að snúast. Ragna lagði ekkert til málanna í tíð sinni sem Dómsmálaráðherra. Örugglega ágætur teknókrat en enginn veit í raun fyrir hvað hún stendur.

Flestir vildu Rögnu

Tökum SíbrotaSímann upp í sektarskuldir.

Rekstrarmódelið hjá Símanum gengur út á að svindla á viðskipta''vinum'' sínum og fremja lögbrot.

Í fyrra greiddi Síminn meira en milljarð í samkeppnis sektir. Öll uppbygging reikninga er auðvitað lögbrot líka hjá þeim en erfitt að koma lögum yfir það framferði því ríki og sveitarfélög brjóta þau lög líka.

Forystusveit Símans er skipuð fólki með s.k. háskólapróf í '' viðskiptafræðum'' og greinilegt á síbrotasögu fyrirtækisins að ekkert siðferði er hjá helstu stjórnendum fyrirtækisins. Virðist því sem að Háskólinn hafi brugðist með því að útskrifa helstu forkólfa fyrirtækisins af því ekki vil ég trúa því að Síbrotarekstur sé kenndur í Háskólum.

Neytendur eiga það skilið að fyrirtækið verði svipt rekstrar og starfsleyfi sínu og jafnframt að stjórnendum Símans verði bannað að koma nálægt fjarskiptarekstri. Gangi það ekki eftir þá sýnir það að Ísland er langt á eftir Túnis í öllum málum.

Lágmarkskrafa er að fyrirtækinu verði gert að breyta nafni sínu í Síbrotasíminn hf.

Síminn harmar lögbrot

Borgarstofnun eða eiturlyfjasala ?

Það var gott framtak hjá Ólafi F. Magnússyni að stuðla að uppbyggingu þessara húsa en hins vegar verður leigan örugglega yfirgengilega há m.a. vegna hárra fasteignaskatta í miðbænum. Háir eru skattarnir en rýmin eru hinsvegar gömul og erfið í rekstri, ekki hægt að koma vörum inn nema forfæra þær og skáskjóta þeim inn. Þá eru bílastæðamál öll í ólestri en núverandi kerfi um gjaldskyldu byggir á hugsunarleysi og von um að hafa tekjur af stæðunum og skapa um leið vinnu fyrir heilu eftirlitsflokkana. Ekkert er verið að hugsa um að gera verslun aðgengilega þegar kemur að bílastæðamálum en þeir einu sem leita að bílastæðum og þurfa að borga,  eru þeir sem eiga erindi að versla á daginn og nemendur í framhaldsskólum. Núverandi gjaldtaka var byggð upp með þessum hætti svo einn borgarfulltrúi sem kvartaði, vegna þess hann gat ekki lagt fyrir utan húsdyr heima hjá sér- gæti það þegar hann kæmi fyr heim á daginn. Var því ákveðið að taka göturnar af íbúunum en leyfa þeim að kaupa íbúakort í staðinn en leggja gjaldskyldu um allt.

Þeir einir sem þurfa að versla þurfa að borga í stöðumælana. Starfsmenn ríkis og borgar leggja frítt á kostnað okkar skattborgaranna. Starsfmenn hinna ríkisstyrktu banka gera það líka og starfsmenn Alþingis. Stöðumælakerfið er byggt upp á turnum ( sem borgin hefur reist  án þess að sækja um leyfi ) og dýru miðakerfi. Flestir smábæir í Evrópu og Ameríku byggja á gjaldfrelsi og takmörkunum á gæðum og þannig er umferðinni stýrt og bílastæðanotkun takmörkuð með klukkum til að hleypa sem flestum að til að versla og nota þjónustuna í miðbænum. 

Öll verslun í miðbænum er að hverfa en sem dæmi má nefna þá eru aðeins tvær verslanir eftir í kvosinni. Allt annað eru opinberar stofnanir á vegum ríkis og borgar eða barir og veitingahús. Það sama er að segja um Laugaveginn en þar hafa venjulegar verslanir flestar horfið en rýmin fyllst af brennivínssölu eða ferðamannabúðir sem leigja húsnæði í verktakabið.  Ástæðan er verktakavæðingin, himinháir fasteignaskattar ( dýr leiga) og bílastæðavitleysan. Því miður er ekki grundvöllur fyrir verslun í þessum húsum því netið á eftir að taka yfir venjulega smásölu einfaldlega vegna verðs en borgaryfirvöld hafa bara ofsótt verslunarrekstur í miðbænum og það kemur fram í verði og fækkun á verslunum. Eina verslunargatan sem eftir er í gamla bænum er Skólavörðustígurinn. Samt er hann fjandsamlegur verslunareigendum en t.d. er hvergi hægt að ferma eða afferma þar nema að loka götunni. M.a. vegna svo kallaðra '' eins og í Kaupmannahöfn staura '' og komi snjór þá lokast gatan strax.

Ég spái því að þarna verði til húsa verslunarsviðasetur Reykjavíkurborgar með 14 verkefnastjóra og 5 framkvæmdastjóra og tvo í afgreiðslunni eða búð sem selur lögleg eiturlyf.

Nýuppgerð hús til leigu

Óhreinlyndi.

Gamli fylkingargaurinn á Seðlabankabeitinni gerir bara það sem vonum sýnist. Allt í felum og leynd. Nú hefur hann selt Sjóvá til nafnlausra og alveg án auglýsingar og býður ekkert gegnsæi.

Gamla fúla og spillta Ísland lætur ekki að sér hæða. Leiðir auðvitað hugann að því af hverju við erum að halda úti Seðlabanka með ærnum kostnaði fyrir allt venjulegt fólk.

Kaupverðið 4,9 milljarðar

Kjósendurnir mættu en var vísað út.

Þetta er auðvitað sorglegt að þegar yfirmenn starfsmanna þingsins og þingmanna sjálfir kjósendurnir mæta í þinghúsið þá er þeim vísað út með harðræði. Hinir klíkuráðnu þingverðir og stjórar urðu bara hræddir og hissa þegar venjulegt fólk ætlaði að fylgjast með starfseminni og vinnusvikunum sem þar eiga sér stað. Bara hringt í lögguna sem sýnir að starfsmenn þingsins gera sér enga grein fyrir út á hvað lýðræðishugmyndin gengur.

Lögreglumenn neita harðræði

Er þá einhver tilgangur með starfseminni ?

Þetta sýnir í raun að s.k. bankar eru alveg óþarfir því hver og einn getur verið með sinn banka hjá t.d. viðurkenndri reiknisstofnun. Svo dygði bara að hafa þrjú peningavöruhús og rafrænt fjármálaeftirlit. Líkt og tíðkast í netbraski eða tölvuleikjum. Með þessu spöruðust miklir peningar sem nú fara í milliliði eins og Íslandsbanka.

Íslandsbanki hættir að senda út yfirlit