Fyrirmynd sveitarstjóradurganna í landinu

Gunnar Birgisson sem nú lætur af hendi spillingarkyndilinn til einhvers sem við ekki vitum hver verður

hefur örugglega auðgast gífurlega persónulega á lóðabraski í Kópavogi.Hann hefur keypt hesthúsahverfi í gegnum leynifélög og svo endurselt þau sjálfum sér sem Kópavogsbúi nr. 1. á kostnað hins venjulega útsvarsgreiðanda. Hann hefur líka verið einn helsti verndari vændisiðnaðarins á Íslandi. Gunnar hefur staðið vörð um hina sígildu og gömlu þjóðaríþrótt: spillinguna og bæjarstjóradjobbið hefur tryggt honum 20 í forgjöf. Með þetta hafa kópavogsbúar verið hæstánægðir og nokkrir sem spurðir voru áðan á Stöð 2 töldu allir sem einn að mikil EFTIRSJÁ væri að Gunnari.

Þetta sýnir auðvitað að íslendingar vilja áfram vera í fremstu röð á veraldarvísu þegar spillingin er annars vegar. Spurningin er nú hvort að Kópavogsbúum tekst áfram að vera í fyrsta sæti í spillingu á

sveitarstjórnarstiginu eða hvort að Reykvíkingar ná að klifra upp í fyrsta sætið en lengi hefur verið hörð keppni  á milli þessara sveitarfélaga um titilinn. Reykvíkingar hafa mun oftar verið í fyrsta sæti og hreppsstjórinn þar hefur því gjarnan verið kosinn til að leiða spillinguna á landsvísu sem forsætisráðherra. Allir íslendingar vita nú hvað spillingin hefur kostað okkur en það gildir einu því flestir landsmenn eru sammála um að það sé þess virði að vera spillt. Það skapi okkur lífskjör sem geri okkur að fátækasta ríki í norður-Afríku en að komast í heimsmetabókina fyrir spillingu sé alveg þess virði.

Framkvæmdaglaður bæjarstjóri