Markaðurinn ánægður með Már Sí Jung

Formaður efnahagsmálaráðs flokks okkar Jóhanna Sigurðardóttir sem réði hinn ópólitíska Má Guðmundsson sem Seðlabankastjóra  uppsker nú lof á gjaldeyrismarkaði. Már tók við á dögunum og ekki er vika liðin og þá er gengi hinnar göfugu íslensku krónu þegar farið að styrkjast með þeim afleiðingum að steypustyrktarjárn hefur lækkað í verði. Það kemur sér vel því við þetta lækkar byggingakostnaður á Alþýðuhöllinni sem nú rís við hlið Seðlabankans. Már Sí Jung hafði ekkert með gengið að gera og greip ekkert inn í og Seðlabanki Alþýðunnar keypti engar krónur. Þetta er aðeins kalt mat markaðarins á hinni frábæru efnahgsstjórn Jóhönnu og Más og þeirri  staðreynd að Sí Jung hefur ekki skipt sér af stjórnmálum.

Krónan styrktist um 1,25%