Börnin ekki í kolanámurnar fyrr en eftir sjö ár.

Það hefur komið á daginn þegar upp er staðið að fulltrúar Íslands (Tryggingasjóðs innistæðueigenda) hafa ekkert gert í "viðræðum" sínum við Breta og Hollendinga nema samþykkja kröfur þeirra eins og þær lágu fyrir í september. Ekkert. Út úr þessu kemur ekkert annað en það sem Bretar fóru fram á strax í símtali við Mr. Mathiesen í september 2008. Endalok málsins eru auðvitað endalok Íslands eins og við þekkjum það og nú stígur fram fátækasta land norður Afríku. Hið nýja spillta Ísland sem til viðbótar verður Barbarí.

Að íslensk stjórnmálastétt skuli vera svona getulaus og aum er grátlegt að upplifa í byrjun 21. aldar. Til hvers að dröslast með getulausa viðræðunefnd í hálft ár sem svo gerði ekkert. Málefnalegra hefði verið að viðurkenna bara dug og getuleysið strax í september og afhenda bara þá auð undirrituð hvít blöð og leyfa bara Bretunum að fylla þau út. Í staðinn er þessi staða ekki  viðurkennd fyrr en hálfu ári seinna. Þetta eru aumingjar og asnar. Nú reynir á alþingismenn að láta þetta ekki yfir sig ganga. 

Engin Icesave-greiðsla í 7 ár