Leggjum þau niður og gerum Ísland betra.

Sveitarfélögin og hrepparnir eru gróðastía spillingar í landinu og vagga hennar er hjá þeim. Má með réttu segja að sveitarstjóradólgarnir hafi fundið hana upp hér og svo látið kjósa sig á Alþingi með hana í farteskinu. Þau eru dýr milliliður sem sjá um örfá verkefni sem skattborgararnir eru látnir greiða fyrir hjá Ríkinu. Helmingurinn af peningunum skilar sér ekki í verkefnin heldur endar í að styrkja bílífi stjórnenda eða fer í braskverkefni borgarstjóranna. Öll stærstu sveitarfélögin hafa verið skafin að innan og upp úr rjáfri á síðustu 15 árum. Reykjanes, Akureyri, Reykjavík, Álftanes. Skipti engu hvað frjálshyggjufélagið hét sem bauð fram. Í öllum verkefnum fá þau falleinkunn. Borgararnir virðast ekki eiga neinar varnir nema að leita til umboðsmanns Alþingis.
Eina vitið er að skera þessi milliliðafélög í burtu og losa borgarana við þau. Það myndi spara mikið skattfé og bæta þjónustu við almenning. Ríkið sem fyrirskipar skólaskyldu á að reka skólana og tryggja þannig jafnræði í menntun. Það á ekki að fjármagna einkaskóla eins og það gerir nú gagnvart sveitarfélögum og öðrum einkaaðilum.

Fleiri verkefni til sveitarfélaga

Athugasemdir

[Anna Sigríður Guðmundsdóttir, 13.10.2011 kl. 13:08]

Það eru ekki sveitarfélögin sem eru vandinn, heldur gjörspillt ræningjahít banka, lífeyrissjóða og stjórnsýslunnar/stjórnvalda, sem þessa dagana róa lífróður til að bjarga þessum glæpa-stofnunum á kostnað almennings.

Er einhver sem skilur slík vinnubrögð?

Þetta er allt sami grautur í sömu skál, og það þurfa bæði höfuðborgarbúar og landsbyggðafólk að skilja, og hætta þessari togstreitu sem tortímir að lokum öllum. Líka höfuðborgarbúum, sem eru ekkert siðaðri en landsbyggðin, þótt sumir virðist einhverra undarlegra hluta vegna trúa.

M.b.kv.