Nómenklatúran lætur ekki að sér hæða.

Árni Páll er í Nómenklatúrunni og á þess vegna guðlegan rétt á að ríkið sjái fyrir honum. Hann er á bísanum og hann var hressilega á bísanum á árunum 2004 til 2008. Ef hann hefði fengið þennan ríkisstyrk sem íslenskur ríkisborgari í Danmörku þá hefði honum verið vísað úr landi. Hér þykir þetta hinsvegar fínt og gerir Árna Pál að fínikalli ( þetta gildir auðvitað líka um Guðlaug Þór eða kannski Guðlegan Þór ? ).

Fínikallar eins og Árni Þór hafa í raun keyrt þetta þjóðfélag í þrot bæði efnahagslega og siðferðilega. Gangandi um þorpsgötuna með hendur í vösum, borandi í nefið að veita ríkinu '' ráðgjöf'' og fyrir henni eru greiðslur skammlaust sóttar í ríkissjóð. Það eru heilu breiðurnar af svona fólki í þjóðfélaginu en þetta ráðslag hlýtur að þýða að venjulegt vinnandi fólk neitar að greiða skatta, flytur úr landi eða hættir að vinna líka og leggst á bísann. Það er ekki nema von að Árna gefist enginn tími til að vinna að almannahagsmunum því svo upptekinn er hann af að skrifa reikninga fyrir ríkisféhirði að greiða.

„Með ítarlegar tímaskýrslur“

Athugasemdir

[Halldór (IP-tala skráð) 7.6.2011 kl. 14:27]

Það var líka áhugavert þegar fram kom í fréttum að Árni hafi verið með bílalán í íslenskum krónum en ekki í myntkörfu eins og langflestir landsmenn. Lán Árna var frá 2007 minnir mig, þegar bankarnir voru komnir í veruleg vandræði en almenningi var talin trú um að allt væri í besta lagi. Hvað innanhúsgæi hnippti í öxlina á honum?