Getur orðið frábært

Borgina hefur borið af leið og var orðin í fararbroddi í græðgisvæðingunni. Háir skattar, mikil yfirbygging en sáralítið fékkst fyrir skattana.Nýja stefnan var að samt átti öll þjónusta að vera á kostnaðarverði til borgaranna, eiginlega allt nema hönnubirnurnar 15.

Borgaryfirvöld hafa árum saman  staðið í illdeilum við íbúa Reykjavíkur, kennara, leikskólakennara,lítil fyrirtæki og nærumhverfið. Háir fasteignaskattar á atvinnurými hafa drepið alla nærþjónustu og þeir munu enn frekar drepa smáþjónustuna í hverfunum og færa hana á netið. Í miðborginni stendur enginn undir þeim nema vera bar, í kennitöluflakki eða borgarstofnun. Félagsþjónustan vísar öllu frá sér annað s.s. til almannatrygginga eða atvinnutryggingasjóðs. Orkuveitan fór í allra handa verkefni sem stjórnendur hennar réðu ekkert við með ófyrirséðum afleiðingum.

 Vonandi verður samstarfið á milli þessara aðila til þess að farið verður að hugsa um gæðin og hvernig þjónustan getur batnað, friður ríkt um skólastarfið, betri almenningssamgöngur og fl. Borgarkóngarnir verða hinsvegar að fjúka allir sem einn og  báknið verður að skera niður og gera það skilvirkt. Minnka það þannig að það sæmi gamla Reykjavíkurhreppi.

Trúnaðarsamtöl á leynifundum