Ábyrgðarleysi án nauðasamninga.

Það er algjört ábyrgðarleysi að setja 10 milljarða inn í OR og má ekki gerast nema fyrirtækið fari fyrst í formlega nauðasamninga og mætti þá nota þá milljarða í tengslum við þá. Án þess að OR fari í nauðasamninga eru þessir milljarðar glatað fé. Þá þarf að skoða hvort ekki sé rétt að þjóðnýta tiltekna starfsemi OR því það er alveg ljóst að embættunum og sendlum þeirra hinum s.k. borgarfulltrúum er ekki treystandi til að koma nálægt þessum peningum. Að öðru leyti er stefnan rétt og OR á alveg að geta rúmast í einum góðum leikskólaskúr t.d. í Grafarholti.

Starfsmönnum fækkað um 90

Fasisminn að verða eina andlit stjórnarinnar ?

Einu vinstrimennirnir úr stjórnarliðinu eru nú horfnir úr stuðningsliði '' banka'' stjórnarinnar sem eigendafélag VG og Samfylkingarinnar mynduðu á Alþingi. Stefnumál stjórnarinnar hafa að flestu leyti verið eins og hjá hverri annarri fasistastjórn. Skorið niður við aldraða og fátæka. Vinum hyglað með fjáraustri úr ríkissjóði. Kunningja og vinaráðningar í opinber störf og svo auðvitað keypt álit frá flokksfélögum til að ljúga til um stöðuna. Hinn harði kjarni eiginhagsmunasinna sem ráða þessum flokkum hefur töglin og hagldirnar í Landsstjórninni og er í óða önn að keyra þjóðfélagið á kaf og hefur skilmerkilega haldið  áfram  á sömu leið og Ingibjörg og Haardeman skildu við. Nú skilja leiðir og fasistastjórn Gosa og Skruddu hefur nú enga vinstri menn til að sýna í stjórnarliðinu.

Íslendingar og stjórnin verða að átta sig á að við þurfum hjálp utan frá m.a. til að kenna okkur um gagnsæi, stjórnsýslu og mannasiði auk umgengni um lýðræðið. Þangað til verður Ísland bara brandaraþjóðfélag.

Ætla ekki að styðja stjórnina

Það eina rétta.

Vonandi samþykkja félagsmenn tillögu Ragnars  svo Lífeyrissjóðurinn komist í góð mál og verði gegnsær.

Hyggst stefna stjórnendum

Staðlausir stafir fínikortakalls.

Ragnar Önundarson skrifar grein í málgagn Símans í dag og rekar þar sína '' eigin'' rannsókn á samkeppnisbrotum kortafyrirtækis sem hann var fínikall hjá. Hann kemst að þeirri niðurstöðu að hann hafi engin lög brotið. Á bak við skrif hans liggur sú skoðun hans að hann sé hafin yfir lögin og geti brotið þau eins og honum sýnist. Um leið upplýsir hann um frekari brot eigenda kortafyrirtækjanna á Samkeppnislögum. Hann kemst hins vegar að þeirri niðurstöðu að Samkeppniseftirlitið hafi brotið Samkeppnislögin en ekki kortafyrirtækin.

Greinin lýsir sorglegu hugarfari Nómenklatúrunnar í íslensku viðskiptalífi og sannar svo ekki verður um villst að helstu fyrirtæki landsins eru full af brotahefð. Ekki hvarflar að honum að huga að afleiðingum brotanna fyrir almenning sem varð af góðum kortakjörum.

Krefst afsagnar forstjórans

Betra en nokkrar bætur.

Bankarnir og starfsmenn þeirra hafa fengið mikla ölmusu frá ríkinu og Alþingi á síðustu árum. Ekki bara beinharða peninga heldur hafa þeir fengið alla þá löggjöf pantaða sem þeir biðja um. Oftast hafa þeir gert þetta með kaupum á þingmönnum og fjölskyldum þeirra, ef ekki með beinhörðum peningum þá með ráðningum í störf. Þannig var útrásardeild Landsbankans nánast sérstök deild í Heimdalli og svo framvegis.

Þetta atvik sýnir kannski í hnotskurn þetta s.k. samkeppnisumhverfi hér en þarna er greinilegt að stjórarnir tala sig saman og fyrst þeir gera það þarna þá gera þeir það með allt annað líka. Um leið sýna þeir líka hverjir það eru sem eiga í raun þessa stimpilstofnun sem Alþingi er. Er ekki réttlátast bara að fara alla leið og að bankarnir kosti bara starfsemi Al.ingis ? Það væri alveg eftir öðru.

Bankastjórarnir mættu ekki

Alþingi þrjú núll.

Alþingi heldur áfram að senda kjósendum fingurinn og kýs aftur fínikallinn Ástráð sem meðlim landskjörstjórnar. Sjálfum þykir honum þetta líka allt í lagi sem segir manni að siðferðið er ekki upp á marga fiska þar heldur. Hélt hann kæmist ágætlega af með vísa áskrift á bittlinga frá ríki hinna vinstri grænu og eigendum verkalýðshreyfingarinnar. Hefur lengi verið einn helsti lagatæknir hennar líka. Skil ekkert í þeim að gera hann ekki bara að ráðuneytisstjóra líka.

 

Kosið í landskjörstjórn

Nennir engin að upplýsa hann ?

Allt sem Krugman skrifar um Ísland er byggt á einhverjum tilbúningi sem einhver vitleysingur er að fóðra hann á. Hann lýsir landi og ástandi og uppgangi sem er ekki til. Hefur enginn tíma til að upplýsa hann um staðreyndir hér ? Á meðan svo er verður hann sér að athlægi og gerir okkur rangt til. Auðvitað er það ekki vísvitandi gert hjá honum. Vitleysan sem hann skrifar virðist rata víða og verða að staðreyndum.

Krugman: Krónan sýnir gildi sitt

Skúli einn á fundinum ?

Skúli  framkvæmdastjóri Starfsgreinasambandsins hefur vísast verið einn á fundinum og samið ályktunina og svo sent hana með blúberríinu á vefinn. Því auðvitað er ekkert lýðræði í verkalýðsfélögunum bara einn eða tveir flokkseigendur sem eiga þetta allt og ráða þessu öllu. Auðvitað kemur það flokkseigendum í opna skjöldu þegar aftur er boðað til kosninga um mikilvæg mál. Óttast þeir ekki mest að þetta smiti út í verkalýðshreyfinguna ?

Undrast raunar að Starfsgreinasambandið skuli yfir höfuð að tala hafa skrifstofu úr því að starfsmenn og '' eigendur'' eru svona fáir.

Óviðunandi ábyrgðarleysi forsetans

Er ekki málið leyst ef Steingrímur segir af sér ?

Er ekki lausnin á Icesave málinu einmitt sú að Steingrímur segi af sér ? Má ekki færa rök fyrir því að hætti Steingrímur og fari á ofurgóðu eftirlaunin sem hann skammtaði sér að þá hverfi Icesave. Enginn annar í stjórninni er í rauninni neitt að velta fyrir sér þessu máli né hefur það á sinni könnu. Er ekki bara besta ráðið gegn Icesave að vera ekki með neinn fjármálaráðherra ?

Steingrímur íhugaði afsögn

Beila hvorn annan út.

Bjarni er viss um að Helgi Þór er rosaklár til að vera forstjóri OR en Helgi Þór var aðeins ráðinn tímabundið og lofaði að hita aðeins stólinn fyrir Bjarna og koma honum í starfið hjá OR. Helgi Þór var aðeins ráðinn af því hann hafði unnið svo vel með Pabba Haraldar Flosa stjórnarformanns OR en Haraldur var ráðinn stjórnarformaður OR af því Pabbi hans hafði unnið með Helga og Bjarna. Að auki kunni Haraldur Flosi að berja á neytendum og senda á þá svindlreikninga en það hafði hann lært hjá Lýsingu.

Fagleg ráðning ? já alveg örugglega segja þeir allir þrír. Sannleikurinn er sá að þarna þarf mann í starfið sem áttar sig á að verkefnið er rústabjörgun við að bjarga OR undan skaðaverkum stjórnendanna sem hafa ekki hugmynd um hvernig á að reisa orkuver né vita ekkert hvað almannaveita er. 

Auðvitað er þetta ráðning sem hefur verið ákveðin heima hjá Haraldi Flosa þar sem þeir hafa allir verið saman, Bjarni, Helgi Þór og Haraldur Flosi. Samningurinn er svo örugglega á servéttu.

Gamla fúla spillta Ísland allt að koma til. Þessi ráðning þýðir ekki að hugmyndir Kjartans klíkupúka Magnússonar hafi verið eitthvað betri um '' ráðningarferlið''.

Ganga til samninga við Bjarna