Bankakerfið er óarðbært

Því miður er vandamálið ekki viljaleysi til að greiða heldur dýrt og ónýtt bankakerfi, kerfi sem er yfirmannað og stendur ekki undir sér nema það fái leyfi ( sem það hefur ) til að ræna  viðskipta''vinina''.

Bankakerfið þarf að skreppa umtalsvert saman og er sennilega ofmannað um 2.500 störf, þar á ofan bætist við bílífi stjórnenda. Vextir hér eru langt umfram það sem tíðkast í menningarlöndum. Eins og sakir standa á aðeins að ráða fólk í bankana sem hefur þunga framfærslu eða stríðir við takmarkaða starfsgetu. Það er út í hött að hafa þarna fullfrískt hámenntað fólk sem ætti að geta fundið sér vinnu í markaðsumhverfi. Vandinn er sá að hvorki fyrirtæki né heimili standa undir þeim mikla kostnaði sem fylgir því að vera dæmdur til að vera á Íslandi og þurfa að skipta við íslenskt bankakerfi. Það kann að ganga upp hjá fyrirtækjum í samantekinráð umhverfi en fyrirtæki hér  standast enga samkeppni við fyrirtæki í útlöndum út af vaxtakostnaðinum. Sá kostnaður fer ekki niður fyrr en umtalsverð fækkun verður á bankastarfsmönnum.

Annars er það um Creditinfo að segja að menn skyldu taka öllum upplýsingum þaðan með fyrirvara enda er fyrirtækið lús á bankakerfinu og tryggingafélögum og lifir aðallega á að skrá upplýsingar sem það kaupir af sýslumönnum og upplýsingum sem bankarnir segja þeim að skrá'' skv. beiðni'' . Vanskilaskrá Kreditinfo er svo notuð til að fólk geti ekki hreyft sig milli tryggingafélaga eða símafélaga '' af því það sé á vanskilaskrá'' . Með öðrum orðum þá fer matið fram á grundvelli upplýsinga frá Kreditinfo sem komið er til þeirra frá matsaðilanum. Semsagt voðalega 2007 legt.

Lægri vextir fyrir skilvísi