Íslenska '' frjálshyggjan''.

Opinber umsvif eru mikil á Íslandi en íslenska frjálshyggjan snýst um að skafa ríkissjóð og sjóði sveitarfélaga að innan með húsaleigusamningum og verkefnum fyrir ríkissjóð og sveitarfélög. Þannig eru gerðir húsaleigusamningar og ráðgjafa og þjónustusamningar við opinbera aðila og tekin verð fyrir sem ekki nokkur á hinum almenna markaði væri tilbúin að borga. Húsaleigusamningur um skrifstofu Landlæknis er þannig kölluð frjálshyggja á Íslandi en þar er ríkið látið greiða yfirverð fyrir leiguna. Annað ráð er s.k. einkaframkvæmd og þriðja ráðið er skattinnheimta fyrir sveitarfélögin. Auðvitað er þetta ekki frjálshyggja heldur fasismi.

Eyþór Arnalds: Einkavæðing og frjálshyggja

Átti aldrei að fara í gegn.

Einkennileg þessi frétt um að Sýslumaðurinn í Reykjavík hafi á síðustu stundu ákveðið að fara að lögum. Samt komst þetta mál eiginlega alla leið upp á dekk. Ekki var hægt að fara að lögum fyrr en hinn klíkuráðni Sýslumaður í Reykjavík vaknaði rúmu heilu ári eftir að dómur gekk um ólögmæti gengislána.Þangað til var hann að ganga erinda bekkjarbræðranna úr lagadeildinni og bjóða upp eignir fyrir þá um leið og embættið fitnaði um söluþóknunina og móttökuþóknunina.
Þessi embætti verður að leggja niður í núverandi formi og skipa málum hér í samræmi við það sem tíðkast í réttarrríkjum Evrópu. Vel er hægt að líta til embætta t.d. krónufógetans í Svíþjóð eða Sýslumannsembætta í Danmörku. Hér eru þessi mál í algjörri andstöðu við meginreglur réttarríkisins og ákvæði Mannréttindasáttmála Evrópu.
Annað sem er missagt í fréttinni er að atburðarrásinni er snúið á hvolf en kröfuhafinn er ofbeldismaðurinn ásamt Innanríkisráðherranum og Alþingi en eigandi eignarinnar er brotaþolinn í '' dæmisögu'' þessari um '' góða '' Sýslumanninn.Hann er hinsvegar að vinna eingöngu fyrir kröfuhafann en á kostnað allra skattborgara, líka þeirra sem þurfa að þola ofbeldið.

Sýslumaður stöðvaði uppboð

Kona í Kartellið.

Kona sem stýrir fyrirtæki sem okrar á rafmagni og hita í Norðurþingi hefur sest í stjórn Samorku. Samorka er samstarf orkuveitna um að okra á rafmagni og hita á notendum á veitusvæðinu. Upphaflega var þetta almannaveita sem hefur nú verið breytt í Ohf svo hægt sé að koma sér undan stjórnsýslu og upplýsingalögum. M.a. svo stjórnendur geti farið með fyrirtækið eins og þeim sýnist. Málefni Orkufyrirtækja sem stjórnendur hafa skuldsett og skafið að innan hljóta að verða í umræðunni í næstu kosningum því málefni þeirra eru í algjörum ólestri: allt frá Reykjavík til Húsavíkur er stefið það sama; sáralítill framleiðslukostnaður en himinhá álagning til fyrirtækja og heimila. Hugsunalaus rekstur og bruðl er aðalsmerki þessara fyrirtækja. Ég spyr mig ? af hverju yfir höfuð er ekki bara '' sjálfsali'' að reka OH en um er að ræða um sjöhundruð heimili sem fyrirtækið þjónar og samt er það með vel launaðan húsvörð og sex aðra til vara eða 1 starfsmann á hverja hundrað viðskiptavini.
Þá er framfærsla fyrirtækisins tryggð með sköttum á heimilin alveg óháð notkun.Samt er búið til stórt net fyrirtækja um að innheimta skatta á þessa örfáu íbúa.
Auðvitað er gott að kona fái að leiða okur og mafíustarfsemi í landinu í orkugeiranum en er ekki kjarni málsins að okrað er á orkuneytendum í landinu og það er það sem þarf að vinda ofan af en ekki að fagna því þó kona komist í okraraklúbbinn.

Fyrsta konan í stjórn Samorku

Náttröllin

Sýslumannsembættin eru nátttröll í nútímaþjóðfélagi og framkvæmdir embættanna byggjast á íslenskum ólögum.Lög um aðför eru pöntuð af Lögmannafélaginu ( og sennilega samin af því ) en standast ekki mannréttindasáttmála Evrópu en engin aðkoma dómara er að kröfum sem sýslumenn innheimta með uppboði fyrr en SKAÐINN ER SKEÐUR en fyrst er hægt að leita úrskurðar dómara EFTIR að eign hefur verið seld nauðungarsölu. Þá lifa sýslumannsembættin á þóknun sem þeir fá við sölu á eign og hafa því peningalega hagsmuni af að selja eign nauðungarsölu. Þá innheimta þeir einnig skv. ólögum nauðungartryggingar við bruna en óheimilt er að skylda fólk til kaupa á brunatryggingum skv. ESA samningnum og óheimilt er skv. mannréttindasáttmála Evrópu að rukka einkaréttarlegar kröfur með pant töku og sölu á eign.
Þá hafa uppboðsbeiðendur sjálftöku á innheimtukostnaði og geta bætt hvaða kostnaði sem er ofan á uppboðskröfur.Sýslumenn hlýða og þá eru það ekki sýslumenn sem ákveða uppboðsmeðferð eða afturköllun heldur sá sem biður um uppboð.
Framkvæmdir sýslumanna snúast því að litlu leyti um að fullnusta dóma en aðallega um að tryggja velferðarstyrk til tryggingarfélaga og lögmanna en það er s.s. rétt hjá Þórólfi að þeir fara að íslenskum '' lögum'' en spila sig ábyrgðarlausa og vísa allri ábyrgð á framkvæmdinni til uppboðsbeiðenda. Það er líka rétt hjá Þórólfi að það eru aðallega tryggingarfélög og sveitarfélög sem eru að biðja um uppboð þessi síðustu ár og höfuðstóll uppboðskrafna þeirra eru iðulega smáupphæðir en þegar þær komast í hendur milliliðanna, sem eru iðulega, lögmenn sem eru tryggingarfélögum og sveitarfélögum þóknanlegir þá margfaldast þær og þannig verður 8 þúsund króna krafa tryggingarfélags að 250 þúsund krónum og því óviðráðanleg venjulegu fólki.
Innanríkisráðherrann aðhefst ekkert enda hefur lögmannafélagið fasta eftirlitsmenn inn í ráðuneytinu til að passa upp á sína hagsmuni en skuldarar og neytendur eru réttlausir nema að nafninu til.
Það er einnig rétt hjá Þórólfi að sýslumenn brjóta ekki stjórnsýslulög því embættin eru auðvitað UNDANÞEGIN stjórnsýslulögum.
Það tekur ekki nema 5 sólarhringa að breyta þessu sérhagsmunakerfi sýslumanna og lögmanna með lagabreytingu en ríkisstjórnin er áhugalaus um allt nema sérhagsmuni þeirra sem veita henni '' ráð''.

Hafna ásökunum Hagsmunasamtaka heimilanna

Gerir venjulega ekkert.

Innanríkisráðherrann er mest í því að standa í ritdeilum við sjálfan sig og því er lítil von til þess að hann aðhafist nokkuð.Hann er aðallega að nota ríkisvaldið til að tryggja sérhagsmuni fjármálafyrirtækja og lögveðskónga og að ganga erinda lögmannafélagsins. Þannig hefur hann tryggilega fest í lög stefnu Eimreiðarhópsins og gert almenning réttlausan með áframhaldandi mannréttindabrotum í gegnum sýslumenn sína. Öll málagjöld hafa verið hækkuð svo almenningur hafi ekki efni á þeim. Þá er engin aðkoma hlutlausra aðila að vinnu sýslumanna og lögreglulið landsins er upptekið við að sinna útburði fyrir banka og lögmenn.
Þegar hreinsaðir verða út sérhagsmunafulltrúarnir í næstu kosningum þá munu þessi mál auðvitað öll koma til skoðunar og vonandi koma uppgjörslög þar sem hinir '' óhreinu'' munu aftur fá eignir sínar sem Ögmundur og Sýslumenn hans hafa rænt af fólki.
Það hefði verið svo miklu betra ef Ögmundur hefði einbeitt sér að því að starfa í skátahreyfingunni frekar en að láta landsmálin til sín taka.

Senda innanríkisráðherra kvörtun

Mikil yfirviðvera og sjúkrabílalögfræðingar.

Það er mikið að gera í puðinu hjá Samfylkingarfræðimanninum Aðalsteini. Unnið fram á kvöld við að '' byggja'' upp fræðimannsheiðurinn.Það verða háir reikningar sem koma frá honum til FME fyrir viðveruna. Ætla þeir að afskrifa Gunnar jafnmikið og Íslandsbanki afskrifaði hjá Ástráði ? 250 milljónir hjá einum trúnaðarlögmanni einnar ríkisstjórnar. Þarna er sannarlega komið dæmi um að ríkisstjórnin er á fullu við að hjálpa fjölskyldunum í landinu í gegnum '' brimskaflinn'' svo vitnað sé í Steingrím J. Ætlar hann að ráða Ástráð í starfið ? eða ætlar Aðalsteinn að ráða sjálfan sig ? Það er spurning dagsins.

Gunnar fær frest

Stjórnina á vergang.

Eðlilegast er að Steingrímur J reki stjórnina sem Samfylkingarráðherrann skipaði, valdið er hans utan hvað Seðlabankastjórinn skipar einn stjórnarmann. Vandinn er bara sá að sérstakur ættarlaukur VG fékk milljónir greiddar úr sjóðum FME fyrir að semja álitið.Þá er öðrum ættarlauk flokksins örugglega ætlað starfið. Hinsvegar er Steingrími varla stætt á að reka Gunnar fyrir hugsanlega ónákvæmni í orðavali fyrir ellefu árum. Sérstaklega í ljósi þess að Steingrímur hefur ítrekað verið staðinn að beinum ósannindum og skipulagðri '' gleymsku'' á ferli sínum sem '' vinstri'' ráðherra AGS á Íslandi.
Vilji Samfylkingin styrkja Aðalstein Leifsson er miklu hreinlegra að gera það bara með styrktarframlagi til hans á fjárlögum.Óþarfi að láta það líta út eins og um sé að ræða greiðslu fyrir vinnuframlag í stjórn FME.

Stjórn FME fundar í kvöld

Einn klíkuráðinn fékk annan klíkuráðinn til að skrifa álit. Til varð mús.

Einn klíkuráðinn samfylkingarmaður með 600 þúsund á mánuði sem stjórnarformaður FME ( 2 kaffifundir og engin ábyrgð ) fékk lögmann VG til að vinna '' álit'' fyrir nokkrar milljónir króna. Niðurstaðan var að Gunnar væri ekki nógu góður til að vera forstjóri. Sá sem samdi álitið hefur líka fengið greidda kommisjón fyrir sölu á orkuauðlindunum til landeigenda.Þá hefur '' álitsgjafinn'' draumaprins VG í lögfræðilegum málum fengið kött af öllum dílum sem Steingrímur hefur getað komið til hans. Allt er þetta smurt í búning lögfræði.
Sennilega stendur til að gera Steingrím eða Ástráð að næsta forstjóra. Það er lágmarksvirðing við skattborgarana verði það niðurstaðan að Gunnar hætti að Aðalsteinn Leifsson og Steingrímur J gefi frá sér aumingjastyrkina sem skattborgarar greiða þeim og segji af sér embættum.

Forstjóra FME sagt upp

Mannauðsstjórinn klíkuráðni.

Tek vara á svona könnun þar sem '' Mannauðsstjórinn'' ) einn af hinum 75 klíkuráðnu forstjórum stillir starfsmönnum upp við vegg og fær þá til að játa. Auðvitað er könnunin gerð til að láta hann sjálfan koma vel út. Svo er hann svo drýgindalegur með sig að bera Reykjavík saman við höfuðborgir á Norðurlöndum.

84% borgarstarfsmanna ánægð í starfi

Hálfur milljarður í styrk frá ríkinu til Varðar

Samkvæmt þessari tilkynningu hefur ''ríkið'' ( án þess að alþingi eða almenningur sé spurður ) ákveðið að styrka tryggingarfélagið Vörð um 500 milljónir næstu 3 árin.Bætist þessi styrkur við aðra styrki sem tryggingarfélögum eru tryggðir með ýmsum sérlögum frá þjófþingi sérhagsmunanna.
Einn þeirra er um að Alþingi þvingar fasteignaeigendur í landinu til að kaupa brunatryggingar á fasteignir sínar á tíu sinnum hærra verði en þarf. Þá þurfa tryggingarfélögin ekki einu sinni að geta staðið við tryggingar sínar né vera gjaldfær. Samt verða fasteignaeigendur að '' kaupa'' nauðungartryggingar þessar. Geri þeir það ekki eignast tryggingafélögin fasteignirnar.Tólf milljarðar eru þeir peningar sem fasteignaeigendur verða að láta af hendi til tryggingarfélaganna á hverju ári. Tekjurnar eru tæplega 14 milljarðar á ári en brunatjón að jafnaði um 1200 milljónir á ári. Lungin af þeim er sennilega greiddur af sértryggingum eins og innbústryggingum sem gefa aukaiðgjöld. Gefur því auga leið að hér eru miklir velferðarstyrkir í boði handa tryggingafélögum. Þá er tryggingarfélögum einnig falin innheimta á ýmsum sköttum m.a. ofanflóðasjóðsgjaldi.
Til skamms tíma tryggði ríkið sig ekki enda miklu ódýrara fyrir ríkið að kaupa engar tryggingar. Í þessu sambandi má nefna að ekki hefur kviknað í fasteign í eigu ríkissjóðs í marga áratugi. Nú hefur '' ríkið'' greinilega ákveðið að styrkja Vörð og einhver fær auðvitað kött af viðskiptunum.
Ekkert eftirlit er hinsvegar með tryggingarfélögum og starfsemi þeirra og engin fylgist heldur með fjárreiðum ríkissjóðs nema Rendi og allir vita að það er bara til málamynda og beinist aðallega að litlum aðilum.
Þessir velferðarstyrkir til tryggingarfélaga beint og óbeint eru auðvitað óheimilir skv. ESA samningnum og Mannréttindasáttmála Evrópu en því miður tekur nokkur ár enn að vinda ofan af þessu enda íslenskir ríkisdólgar í fremstu röð þegar kemur að mannréttindabrotum.

Vörður tryggir fasteignir ríkisins